Грузияда көз жұмған Әсел Айтпаеваның анасы істі қосымша тергеуге жіберуді талап ететінін айтты

Грузияда көз жұмған Әсел Айтпаеваның анасы істі қосымша тергеуге жіберуді талап ететінін айтты 1
Асель Айтпаева

Грузияда қаза тапқан қазақстандық Әсел Айтпаеваның ата-анасы қызының көз жұмғаннан кейін түсірілген суреттерін көрсетті. Ата-анасы адам саудасымен айналысып, қыз зорлады деген күдікке ілінген туысы Мұрат Мейірбековтің де қызының өліміне қатысы бар-жоғын тексеруді талап етіп отыр, – деп хабарлайды КазТАГ.

"Менің ойымша, қызымның өліміне Мұрат Мейірбековтің де қатысы бар", – деді Нұр-Сұлтанда өткен баспасөз мәслихатында марқұм қыздың анасы Айсұлу Айтпаева.

Әйел қызы көз жұмғаннан кейін түсірілген суреттерін көрсетті. Оның айтуынша, бұл суреттер суицид нұсқасын  жоққа шығарады.

"Негізі менің балам осылай өлді. Оның барлық сүйектері сынған.  Ал денесінен күйіктер байқауға болады. Өз-өзіне қол жұмсады деді. Бірақ денесінде өлімнен 3-5 күн бұрын жасалған әрекеттердің ізі бар. Менің ойымша, Мейірбеков жасайтынын жасап, Қазақстанға ұшып кеткен", – деді Айтпаева.

Әселдің анасының айтуынша, қыздың күштеп өлтірілгенін сараптама да растап отыр. Қыздың әкесі ол қатты соққыдан қайтыс болуы мүмкін деп есептейді.

"Сіз суреттерді көрдіңіз бе? Соққының, күйіктің іздері бар. Менің ойымша, ол ауыр соққыдан қайтыс болды. Егер ол балконнан құлап кетсе, оның өзі секіргеніне дәлел болар еді. Істі қосымша тергеуге жіберуді талап етеміз", – деді Алтай Айтпаев.

2021 жылғы 5 мамырда Тбилисидегі үйлердің бірінің терезе астынан Қазақстан азаматы Әсел Айтбаеваның мәйіті табылған болатын. Грузия полициясы өзіне қол жұмсауға итермеледі деген күдікпен қылмыстық іс қозғады. Күдікті ұсталды, ол Грузия азаматы Бесик Тордуа болып шықты. Оған қызды зорлады деген айып тағылды. Бұл ретте қыздың туыстары өз-өзіне қол жұмсау нұсқасына сенбейтінін айтты. Содан кейін грузин телеарналары айыпталушының қазақстандық қызбен сөйлесіп, ұрып-соғып, балағаттап, өз-өзіне қол жұмсауға мәжбүрлегені жазылған жазбаны жариялады. Тордуа сот үкімі шыққанға дейін қамауда болды, бірақ кейін Грузиядағы емханада қайтыс болды.

2021 жылдың 16 мамырында Нұр-Сұлтан қаласында Айтпаеваның өліміне қатысты іс бойынша Қазақстан Республикасы Қылмыстық кодексінің 128-бабы (адам саудасы) бойынша айыпталған М.Мейірбеков ұсталғаны белгілі болды. 17 мамырда ол қамауға алынды.

Еске салайық, өткен жылы 5 мамырда қазақстандық бойжеткен Грузияда түсініксіз жағдайда көз жұмғаны айтылған еді. Тергеу мәліметтеріне сәйкес, ол тоғызыншы қабаттан құлап кеткен. Кейіннен Грузия бас прокуратурасы Әселдің зорланғаны туралы мәлімет таратты.  Өлер алдында ол досына аудио хабарлама жіберіп үлгерген, онда ер адам оған зорлық-зомбылық көрсетемін деп қорқытқанын естуге болады. Сонымен қатар,  қыздың өлімін егжей-тегжейлі тергеу үшін Қазақстан ІІМ Грузияға өзінің тергеу-жедел тобын жібереді.

Әсел Грузияға өзінің алыс туысы – немере әпкесінің күйеуі Мұрат Мейірбековтың шақыруымен жұмыс істеуге барған. Ол қыздың өліміне қатысы болды деген күдікпен ұсталды. Сондай-ақ іс бойынша күдіктілердің қатарында Грузия азаматы да бар.

Aikyn.kz | Бүгінгі жаңалықтар. Әлем және Қазақстан жаңалықтары.