پرەزيدەنت ساياباعىندا سەرۋەندەگىڭىز كەلسە…

641
0
بولىسۋ:
پرەزيدەنت پاركى

قازاقستاننىڭ تۇڭعىش پرەزيدەنتى اتىنداعى ساياباق سىرت كوزگە تازا اۋامەن تىنىستاپ, تەك جاستاردىڭ قول ۇستاسىپ قىدىراتىن الاڭى بولىپ كورىنۋى مۇمكىن. شىن مانىندە قالا تۇرعىندارى ۇشىن مۇندا سپورت تۇرلەرىمەن تەگىن اينالىسۋعا بارلىق جاعداي جاسالعان.

اسىرەسە, قىستىڭ كۇندەرى شاڭعى تەۋىپ, شانامەن سىرعاناپ, سكانديناۆييالىق جۇرىسپەن شۇعىلدانىپ, جۇرۋگە جانە جۇگىرۋگە, تۋرنيككە تارتىلىپ, ترەناجەردا  جاتتىعۋ جاساۋعا تاپتىرمايتىن ورىن. ال جاز مەزگىلىندە بۇعان قوسىمشا دوپتىڭ قاي تۇرىنەن ويناعىڭىز كەلسە دە وز ەركىڭىز.

ەڭ باستىسى, تاۋلىكتىڭ قاي ۋاقىتىندا كەلسەڭىز دە, قالاعان سپورت تۇرىمەن ەمىن-ەركىن اينالىسا الاسىز. تاڭ مەن كەشكى مەزگىلدى ايتپاعاندا, تال تۇستە دە سالاۋاتتى ومىر سالتىن ۇستانىپ جۇرگەندەردىڭ قاراسى كوپ. ەشكىم سىزگە «وسىنداي ۋاقىتتا ادام جۇگىرە مە?» دەگەن تاڭىرقاۋلى كوزبەن قارامايدى. كەرىسىنشە, سىز ەش جاتىرقاۋسىز قايناعان ومىردىڭ ورتاسىنا توپ ەتە تۇسەسىز.

كىتاپ وقۋعا, مۋزىكا تىڭداۋعا, تابيعات كورىنىستەرىن تاماشالاۋعا دا مۇمكىندىك مول.

2010 جىلى شىلدە ايىندا اشىلعان ساياباقتىڭ جالپى اۋماعى – 73 گەكتار. جاياۋ جۇرگىنشىلەر ۇشىن بىر اينالىپ شىعۋ شامامەن 5 شاقىرىمدى قۇرايدى. ورگە قاراي كوتەرىلۋ وڭايلىققا تۇسپەيدى, بىراز كۇش جۇمساۋعا تۋرا كەلەدى. دەگەنمەن, دەنساۋلىققا پايداسى شاش ەتەكتەن.

ماماندار تازا اۋادا قىدىرۋدىڭ ادام اعزاسىنا وڭ اسەر ەتەتىنىن ۇنەمى ايتىپ تا, جازىپ تا كەلەدى. الەمدە ۇزاق جاسايتىنداردىڭ 90 پايىزى وز قۇپييالارى جاياۋ جۇرۋدە جاتقانىن جارييا ەتىپ وتىر. تازا اۋادا تىنىستاۋ, قانداعى قانت مولشەرىنىڭ رەتتەلىپ, كوڭىل-كۇيدىڭ جاقسارۋىنا سەپتىگىن تيگىزەدى. ەستە ساقتاۋ قابىلەتىن ارتتىرىپ, جۇرەك اۋرۋىنىڭ الدىن الادى. «جاي عانا قىدىرامىن» دەسەڭىز, الۋان تۇرلى اللەيا, بۋلۆارلار مەن دەندرارلىق ۋچاسكەلەر,  جاسىل جەلەكتىڭ تۇر-تۇرى, اعاشتا ويناعان تيىن ىشىڭىزدى پىستىرا قويمايدى. ەلباسى نۇرسۇلتان نازارباەۆتىڭ وز قولىمەن وتىرعىزعان ەمەن اعاشى, سۋ بۇرقاق (قازىر توقتاتىلعان), تاۋەلسىزدىكتىڭ 20 جىلدىعىنا ارنالعان «قازاقستان», مونۋمەنتالدى-ساۋلەت كومپوزيتسيياسى, «جەتى قازىنا» قازاق باعى, «ەۋروپالىق باق», «جاپون باعى» سۇلۋلىعىمەن كوز تارتادى.

قىسقاسى, سپورتپەن اينالىسىپ, دەنساۋلىعىڭىزدى تۇزەگىڭىز كەلسە, پرەزيدەنت پاركى  قىستىڭ كۇنى تاڭنان  تۇنگى ساعات 10.00-گە, جازدىڭ كۇنى 11.00-گە دەيىن  جۇمىس ىستەيدى.

قانشايىم بايداۋلەت

سۋرەتتەردى تۇسىرگەن اۆتور

 

بولىسۋ:

پىكىر جازۋ


*