بىلىم – باستى نازاردا

294
0
بولىسۋ:

اتىراۋدا «نۇر وتان» پارتيياسى فيليالى ماسليحات دەپۋتاتتارى مەن فراكتسييا مۇشەلەرى وبلىسىمىزدىڭ عىلىم مەن شىعارماشىلىق سالاسىنداعى زييالى قاۋىممەن جۇزدەسىپ, ەلباسى جولداۋىن تالقىلادى.
دينا نۇرپەيىسوۆا اتىنداعى اتىراۋ حالىقتىق مۋزىكا اكا­دەميياسى مۋزىكا كوللەدجىندە بولعان كەزدەسۋدە, العىسوزدى اتىراۋ وبلىستىق ماسليحاتىنىڭ دەپۋتاتى, دينا نۇرپەيىسوۆا اتىنداعى اتىراۋ مۋزىكا اكا­دەميياسى كوللەدجىنىڭ ديرەكتورى گۇلنار سادۋاقاسوۆا الدى.
– تسيفرلىق تەحنولوگييانى قولدانۋ ارقىلى قۇرىلاتىن جاڭا يندۋسترييالاردى وركەندەتۋ دەگە­نىڭىز – ونەرتاپقىشتىق پەن بىلىم سالاسىن يگەرە وتىرىپ, تابىسقا جەتۋ دەگەن سوز. بۇل اتال­مىش جول­داۋدىڭ تورتىنشى باسىمدىعى – ادامي كاپيتال ساپاسىن جاڭ­عىر­تۋمەن ۇندەسەدى. بىلىم بەرۋدى ەكو­نو­ميكالىق وسۋدىڭ جاڭا مودە­لىنىڭ ورتالىق بۋىنىنا اينالدىرۋ – ۇستازدارعا ارتىلعان ۇلكەن سەنىم. شاكىرتتەردىڭ سىني ويلاۋ قابىلە­تىن جانە وز بەتىمەن ىزدەنۋ داعدى­لارىن دامىتۋ باعىتىندا يننوۆاتسييالىق تۇرعىدا جۇمىس جاساۋ – اربىر جاڭاشا ويلايتىن, ىزدەنەتىن مۇعالىم ۇشىن قاسيەتتى پارىز.
دينا نۇرپەيىسوۆا اتىنداعى حالىقتىق مۋزىكا اكادەميياسى مۋزىكا كوللەدجى ستۋدەنتتەرىنە ەڭبەك نارىعى تالاپتارىنا ساي­كەس, الەمدىك وقۋ-وندىرىستىك تاجى­ري­بەلەرگە سۇيەنە وتىرىپ, بىلىم بەرۋدى, كاسىپكە باۋلۋدى قولعا الدىق. بۇل تۇرعىدا كاسىبي جەتىس­تىكتەر مەن ۇلتتىق داستۇردى بىرىك­تىرە وتىرىپ, يننوۆاتسييا جاڭالىقتارى ارقىلى الەمدىك دەڭگەيگە جەتۋ ۇشىن جۇمىس ىستەپ كەلەمىز. ماسەلەن, شاكىرتتەردى حا­لىقارالىق كونكۋرستارعا قاتىس­تىرىپ, الەمدىك دارەجەدەگى مۋزىكانتتاردىڭ ماستەر-كلاسس وتكىزۋىن قولعا الدىق – دەدى گۇلنار ماناپقىزى.
د.نۇرپەيىسوۆا اتىنداعى اتىراۋ مۋزىكا اكادەميياسى, كول­لەدجىندە «ماڭگىلىك ەل» يدەياسى اياسىندا «ۇلتتىق يدەيا», «ۇلتتىق مۇرات», «ۇلتتىق كوشباسشى», «ۇلت­تىق ەليتا», «ۇلتتىق رۋح» تاقىرى­بىمەن تاربيەلىك شارالار داستۇرلى وتۋدە.
جيىنعا قاتىسۋشى زييالى قاۋىم وكىلدەرى مەن ماسليحات دە­پۋتاتتارى ەلباسىنىڭ جول­داۋىندا مىندەتتەلگەن باعىتتار مەن تاپسىرمالار تۋرالى وز ويلا­رىن ايتىپ, جاھاندىق باسەكەگە قابىلەتتى جاڭا زامان ادامىن دايىنداي وتىرىپ, ۇرپاق بويىن­داعى ۇلتجاندىلىق قاسيەتتەردى جوعالتىپ الماۋعا, ۇلتتىق قۇندى­لىقتاردىڭ ساقتالۋىنا باسا نازار اۋدارۋىمىز كەرەك دەگەن ورتاق ويعا توقتالدى.
وسى ورايدا ەل بولىپ, ەلباسى اتاپ ايتقان قالا مەن اۋىل مەك­تەپتەرى اراسىنداعى بىلىم ساپاسى­نىڭ تەڭ دارەجەدە بولۋى ۇشىن ەڭبەك ەتكەنىمىز دۇرىس دەگەن پا­يىمعا توقتالدى.

 

تۇرسىن قاليموۆا

 

بولىسۋ:

پىكىر جازۋ


*