اۋعان سوعىسى اردەگەرلەرىمەن كەزدەستى

473
0
بولىسۋ:

«جاس وتان» جاستار قاناتىنىڭ اقمولا وبلىستىق فيليالى «ارداگەرلەردى ارداقتايىق» پارتييالىق جوباسى اياسىندا ينتەرناتسيوناليست جاۋىنگەرلەرمەن كەزدەسۋ وتكىزدى.

كەزدەسۋ بارىسىندا جينالعان قاۋىم  ەلباسىنىڭ بيىلىك تارماقتارىن قايتا بولۋگە بايلانىستى ارنايى ۇندەۋى مەن قازاقستان حالقىنا ارناعان بيىلعى جولداۋىن دا تالقىلادى.

جيىن بارىسىندا كوكشەتاۋ قالالىق ماسليحاتىنىڭ دەپۋتاتى, قالالىق اۆتوبۋس پاركىنىڭ جەتەكشىسى اسييا شارىموۆا ەلىمىزدىڭ باسەكەگە قابىلەتتىلىگىن ارتتىرۋداعى جاڭا ەكونميكا مودەلىنىڭ قۇرىلۋى جونىندە ايتتى.

ال اۋعان سوعىسىنىڭ ارداگەرلەرى قانات برالين مەن جاناتاي قۇسايىنوۆ اسكەري قىزمەتتەرى جونىندە اڭگىمەلەدى. قانات برالين اۋعان سوعىسىنىڭ ارداگەرلەرى جاستاردى پاتريوتيزمگە تاربيەلەۋ ىسىنە زور ۇلەستەرىن قوسىپ كەلە جاتقاندىعىن ايتىپ, كەزدەسۋگە قاتىسقان ستۋدەنتتەرگە قر قارۋلى كۇشتەرىنىڭ قۇرامى مەن قىزمەتى جونىندە تولىق اقپارات بەردى. بولاشاق جاۋىنگەرلەردىڭ كەز كەلگەن سىناققا دايىن, باتىل, سونداي-اق جوعارى   بىلىمدى, ومىرلىك قاعيداتتارى  بار مىقتى ازامات بولۋى كەرەكتىگىن جەتكىزدى. كەزدەسۋ ەركىن سيپاتتا وتىپ, جاستار وزدەرىن قىزىقتىرعان سۇراقتارىن قويىپ, وز پىكىرلەرىمەن بولىسۋگە مۇمكىندىك الدى.

بەرىك بەيسەنۇلى

 

بولىسۋ:

پىكىر جازۋ


*