«سپورتتىق الماتى» باعدارلاماسى تاماشا جوبانى ىسكە قوستى

1290
0
بولىسۋ:

الماتىدا قالالىقتار مەن قالا تۇرعىندارىن بۇقارالىق سپورتقا تاربيەلەۋگە باعىتتالعان «سپورتتىق الماتى» قالالىق باعدارلاماسى جالعاسىن تابۋدا. اسىرەسە, «مەدەۋ» مۇز ايدىنىندا كونكي تەبۋدى تەگىن ۇيرەتۋگە باعىتتالعان جوباسى قالالىقتاردىڭ قىزۋ قولداۋىنا يە بولدى.

تەڭىز دەڭگەيىنەن 1600 م بيىكتە ورنالاسقان «مەدەۋ» مۇز ايدىنى وزىنىڭ بىرىگەي قۇرىلىسىمەن قاتار, تاماشا تابيعاتىمەن, ساف اۋاسىمەن كەلۋشىلەرگە ەرەكشە كوڭىل-كۇي سىيلاپ كەلەدى.

الماتىنىڭ ەڭ كورىكتى مەكەنى سانالاتىن «مەدەۋ» قاي -كەزدە دە قىزىققا تولى. قىسقى ماۋسىمنىڭ جابىلۋىنا دەيىن جۇرگىزىلىپ وتىرعان «سپورتتىق الماتى» قالالىق باعدارلاماسى اياسىنداعى تەگىن كونكي ۇيرەتۋ جوباسى ار اپتانىڭ سەنبى-جەكسەنبى كۇندەرى ساعات 19:00-دەن 21:00-گە دەيىن جالعاسىن تاباۋدا. مۇندا كەلۋشىلەرىمەن كاسىپقوي نۇسقاۋشىلار مەن وز ىسىنىڭ ناعىز ماماندارى جۇمىس ىستەۋدە.

 

مولدىر باقىتكاريموۆا, نۇسقاۋشى:

-بىزگە 5 جاستان – 60 جاس ارالىعىنداعى كەلۋشىلەر قىزمەتىمىزدى سۇرانادى. بارلىق وتىنىم بەرۋشىگە «سپورتتىق الماتى» اۋقىمدى قالالىق باعدارلاماسى اياسىندا تەگىن نۇسقاۋ كورسەتۋدەمىز. ماسەلەن, كونكيگە تۇرۋ, كونكي تەبۋدە وڭ جانە سول اياقتارمەن جۇمىس جاساۋ, اياققا كۇش تۇسىرمەي ادەمى جانە بىركەلكى سىرعاناۋدى ۇيرەتۋ ەڭ نەگىزگى قىزمەتىمىز.  باستىسى, نيەت بولسا بولعانى.

 

ەركەبۇلان الىمقۇلوۆ,قالا تۇرعىنى:

-بۇگىن تۋعان-تۋىستارىممەن سىرعاناق تەۋىپ جۇرىپ, وسىندا توسىن-سىيعا يە بولامىن دەپ ويلاماپپىن. باعدارلاما اياسىنداعى  ويىن شارتتارىن مۇقييات ورىنداپ, كونكي ۇتىپ الدىم. ەندى «مەدەۋگە» تۇراقتى تۇردە كەلۋدى جوسپارلاپ وتىرمىن.

 

ايتا كەتەتىن جايت, بۇل اكتسييا باعدارلاماعا وسى جىلى قوسىلعان بولاتىن. ال, «سپورتتىق الماتى»  اۋقىمدى قالالىق باعدارلاماسى بۇقارالىق سپورتتىڭ الىپ شاھاردا دامۋىنا, سپورتتىق-ساۋىقتىرۋدى بەلسەندى ناسيحاتتاۋعا باعىتتالعان. وتكەن جىلدىڭ باسىندا باستاۋ العان جوبا وسى اتاۋمەن الماتى قالاسىنىڭ تۇرعىندارىن تۇرلى سپورتتىق-بۇقارالىق شارالارمەن قۋانتىپ كەلەدى.

دوسجان بالابەكۇلى,

سۋرەتتەردى تۇسىرگەن اۆتور

بولىسۋ:

پىكىر جازۋ


*