باعدارلامالاردىڭ ورىندالۋىن پىسىقتادى

900
0
بولىسۋ:
نۇر وتان لوگوتيپ

«نۇر وتان» پارتيياسى قىزىلوردا وبلىستىق فيليالى جانىنداعى پارتييالىق باقىلاۋ كوميسسيياسىنىڭ وتىرىسىندا بىلىم سالاسىنا قاتىستى باعدارلامالاردىڭ ورىندالۋى كەڭىنەن تالقىلاندى.

باسقوسۋعا «نۇر وتان» پارتيياسى وبلىس­تىق فيليالىنىڭ باسشىلارى, وبلىستىق پروكۋراتۋرا, سىبايلاس جەم­قورلىققا قارسى ىس-قيمىل ۇلتتىق بيۋرو­سىنىڭ قىزىلوردا وبلىسى بويىن­شا دەپارتامەنتى, وبلىستىق بىلىم باسقارماسى جانە وبلىستىق بىلىم سالاسىنداعى باقىلاۋ دەپارتامەنتىنىڭ وكىلدەرى قاتىستى.
جيىندى اشقان وبلىستىق پارتييا فيليالى جانىنداعى پارتييالىق باقىلاۋ كوميسسيياسىنىڭ توراعاسى, وبلىس­تىق ماسليحات دەپۋتاتى تىلەۋبەر­گەن شاۋتاي مەملەكەتتىك باعدار­لامالاردىڭ ورىندالۋىن باقىلاۋدا پارتييا تاراپىنان ەلەۋلى قادامدار جاسالىپ كەلە جاتقانىن ايتتى. دەگەنمەن بۇل باعىتتاعى جۇمىستاردى تيىمدى جۇزەگە اسىرۋدا قاتاڭ تارتىپ پەن باقىلاۋدى الى دە كۇشەيتۋ قاجەتتىگىن العا تارتتى.
وبلىستىق بىلىم باسقارماسى باس­شىسىنىڭ ورىنباسارى باعدات بەر­داۋلەتوۆ: – بىلىم بەرۋ دەڭگەيلەرىنىڭ بىرىنشى ساتىسى مەكتەپكە دەيىنگى تاربيە مەن وقىتۋدى جۇزەگە اسىراتىن بالاباق­شادان باستالادى. دال قازىرگى كەزدە وبلىس بويىنشا 52899 بالانى قامتي­تىن 791 مەكتەپكە دەيىنگى ۇيىم جۇمىس ىستەيدى. ولاردىڭ 542-ى بالاباقشا بولسا, شاعىن ورتالىقتار سانى – 249. 1-6 جاستاعى بالالاردى قامتۋ 54,3, ال 3-6 جاستاعى بالالاردىڭ قامتىلۋى – 100 پايىزدى قۇرايدى. سونداي-اق ۇش اۋىسىمدىق مەكتەپتەردىڭ ماسەلەسى دە تولىق شەشىلدى, – دەيدى.
بەلگىلى بولعانداي «100 ناقتى قا­دام» ۇلت جوسپارىنا سايكەس, جوعارى سىنىپتاردا جاراتىلىستانۋ باعىتىن­داعى پاندەردى اعىلشىن تىلىندە وقىتۋ ماسەلەسى وڭىردە وبلىس اكىمىنىڭ «نازارباەۆ زيياتكەرلىك مەكتەپتەرى دەربەس بىلىم بەرۋ ۇيىمدارى» اكتسيو­نەرلىك قوعامى جانە كاتەV حا­لىقارالىق قورىمەن جاسالعان مەمو­راندۋمى اياسىنداعى پيلوتتىق جوبامەن جۇزەگە اسىرىلۋدا.
– بۇل تاجىريبەنى وتكەن جىلى بىرىنشى رەت نازارباەۆ زيياتكەرلىك مەكتەپتەرى مەن قازاق-تۇرىك ليتسەيلەرى تاجىريبەسى نەگىزىندە يننوۆاتسييالىق 46 مەكتەپ-ليتسەيدىڭ سىنىپتارىنا ەن­گىزدىك, – دەيدى بىلىم باسقارماسى باس­شىسىنىڭ ورىنباسارى باعدات بەر­داۋلەتوۆ.
بىلىم سالاسىنا قاتىستى باعدارلا­مالاردىڭ وڭىرىمىزدە جۇزەگە اسۋىن باقىلاۋ جاساپ وتىرعان وبلىستىق بىلىم سالاسىنداعى باقىلاۋ دەپارتامەنتى باسشىسىنىڭ مىندەتىن اتقارۋشى روزا جيەنباەۆا بىلىم بەرۋ ۇيىمدارىنىڭ كەيبىر كەمشىلىكتەرىنە توقتالدى.
– وتكەن جىلى وبلىس بويىنشا 97 بىلىم بەرۋ ۇيىمدارىندا مەملەكەتتىك اتتەستاتسييا جۇمىستارى جۇرگىزىلىپ, ونىڭ 34-ى اتتەستاتسييالاۋدان وتپەگەن. وسىنداي تەكسەرۋلەر اعىمداعى جىلدىڭ قاڭتار-اقپان ايلارىندا 21 بىلىم بەرۋ ۇيىمدارىندا جالعاسىپ, 1 بىلىم بەرۋ ۇيىمىنىڭ قىزمەتى «جالپىعا مىندەتتى بىلىم بەرۋ ستاندارتىنىڭ تالاپتارىنا سايكەس ەمەستىگى انىقتالدى», – دەيدى ول.
جيىندى قورىتىندىلاعان پارتييا­لىق باقىلاۋ كوميسسيياسىنىڭ توراعاسى تىلەۋبەرگەن شاۋتاي جيىلعانداردى ەلباسى جولداۋىندا بىلىم سالاسىنا قاتىستى ايتىلعان مىندەتتەردى ىسكەر­لىكپەن شەشۋگە لايىقتى ۇلەس قوسۋعا شاقىردى.

 

ميۋا باينازاروۆا

 

بولىسۋ:

پىكىر جازۋ


*