كاسىپ اشام دەگەندەرگە قولداۋ بار

306
1
بولىسۋ:

 

«نۇر وتان» پارتيياسى تاراز قالالىق فيليالىنىڭ ۇيىمداستىرۋىمەن شاعىن جانە ورتا كاسىپكەرلىكتى دامىتۋ ماقساتىندا وز ىسىن جاڭادان باستاعىسى كەلەتىن جاستارمەن كەزدەسۋ وتتى.
كاسىپ اشقىسى كەلەتىندەرگە «دامۋ» كاسىپكەرلىكتى قولداۋ قورى ارقىلى بيزنەس جوسپار جاساتىپ, تەگىن وقۋ كۋرس­تارىنا قاتىسىپ, ەكىنشى دەڭگەيلى بانك­تەر ارقىلى جەڭىلدەتىلگەن نەسيە الۋعا بولاتىندىعى جايلى تۇسىندىرىلدى. ەل­باسى جولداۋىندا كاسىپكەرلىككە كە­دەرگى كەلتىرمەۋدى, كەرىسىنشە قولداۋدى ۇسىنعان بولاتىن. وسىنى الدىعا تارت­قان نۇروتاندىقتار ەكىنشى دەڭگەيلى بانكتەردىڭ, دامۋلىقتاردىڭ باسىن قوسىپ, تولىققاندى ماعلۇمات بەردى. جامبىل وبلىستىق كاسىپكەرلەر پالا­تاسىنىڭ دا كاسىپكەرلەرگە بارىنشا كومەكتەسىپ وتىرعاندىعىن تىلگە تيەك ەتتى. جامبىل وبلىستىق دامۋ قورى­نىڭ ايماقتىق فيليالىنىڭ كەڭەسشىسى جاندوس ساتەكباەۆ جاس كاسىپكەرلەرگە 6 پايىزبەن نەسيە بەرىلەتىندىگىن جەت­كىزدى. جاستاردى كاسىپ اشۋعا, بيزنەس ترەنينگتەرگە تەگىن قاتىسۋعا شاقىردى. ەڭ الدىمەن, تىڭ بيزنەس يدەيا بولۋى شارت. شاعىن جانە ورتا بيزنەسكە ۇلەس قوسام دەگەندەر بولسا ساۋىر ايىندا «دامۋ» كاسىپكەرلىكتى قولداۋ قورىندا 3 كۇندىك وقۋعا شاقىردى. ارنايى وقىدى دەگەن سەرتيفيكات الۋعا بولادى ەكەن. بۇل ۇش كۇننىڭ ىشىندە ەسەپشىلىك, كەدەندىك, زاڭدىلىق تۇرعىسىنان سا­باق­تار وتىلەدى. ەگەر ۇش كۇندى ازسىنساڭىز بىر اي بويى وقۋىڭىزدى «اتامەكەن» كاسىپكەرلىك پالاتاسىندا جالعاس­تى­رۋىڭىزعا بولادى. جەكە كاسىپكەرلىكتى تىركەۋدى دە وز مويىندارىنا الاتىن­دىقتارىن ايتتى. تەك ناقتى ماقساتىڭىز بەن كاسىپتى يگەرىپ اكەتەم دەگەن تالابىڭىز بولسا بولعانى. مۇمكىندىك بار. ىستى جاساي بىلۋ كەرەك. جاستاردىڭ كاسىپ اشۋعا 18 ملن 150 مىڭ تەڭگەدەي نەسيە الۋعا بولاتىنىن جەتكىزدى. بيز­نەس جوسپاردى قالاي جاساۋ كەرەك, كا­سىپ­تى ارى قاراي قالاي دوڭگەلەتۋ كە­رەك وسىنىڭ بارى بۇگىندە تەگىن وقى­تىلادى. بىلتىر دامۋ قورى ارقىلى 8 جوبا وتىپ, 23,9 ملن اقشا نەسيەگە بەرىلگەن. سول جاستاردىڭ ىشىندە جام­بىل وبلىستىق دامۋ قورىنىڭ اي­ماقتىق فيليالىنىڭ كەڭەسشىسى جاندوس قامىسبەكۇلىنىڭ وزى دە بار. ول پلاستيك بۇيىمدار جاساۋ ىسىن قولعا العان.

ەرمان ابديەۆ
تاراز قالاسى

بولىسۋ:

1 پىكىر جازىلعان

پىكىر جازۋ


*