«3.2.1. ستارت!» جوباسى باستالدى

671
0
بولىسۋ:

«نۇر وتان» پارتيياسىنىڭ ورتالىق اپپاراتىندا ناقتى الەۋمەتتىك جانە ەكولوگييالىق ماسەلەلەردى شەشۋ, رەسپۋبليكانىڭ تۇرلى وڭىرلەرىندەگى تۋريزمدى دامىتۋ جولىنداعى جاستاردىڭ باستامالارىن انىقتاپ, قولداۋعا باعىتتالعان «3.2.1. ستارت!» جوباسىن تانىستىرۋعا ارنالعان باسپاسوز كونفەرەنتسيياسى وتتى.
«3.2.1. ستارت!» جوباسى شەڭبەرىندە 17-22 جاس اراسىنداعى جاستار كاسىپ­كەرلىك قىزمەت ارقىلى ماڭىزى بار جوبالاردى جۇزەگە اسىرۋدا ناقتىلى كومەك الادى. جوباعا www.321.the-steppe.com سايتىنا وتىنىم جىبەرۋ ارقىلى قاتىسا الادى. وتىنىمدەر ۇستى­مىزدەگى جىلدىڭ 16 ناۋرىزىنان 17 ساۋىرىنە دەيىن قابىلدانادى.
«بۇل جوبا «نۇر وتان» پارتيياسىنىڭ جانىنداعى «جاس وتان» جاستار قاناتى, CCI Kazakhstan كومپانيياسى, «اتا­مەكەن» ۇلتتىق كاسىپكەرلەر پالاتاسى جانە «ورتالىق ازييانىڭ ەۋرازييا قورى» (واەق) قوعامدىق ۇيىمىنىڭ ۇيىم­داستىرىلۋىمەن قولعا الىندى. جو­بانىڭ ەكىنشى كەزەڭىندە بىلىم جانە عىلىم مينيسترلىگىنىڭ, دەنساۋلىق ساق­تاۋ جانە الەۋمەتتىك دامۋ مينيستر­لىگىنىڭ, ۇلتتىق ەكونوميكا مينيستر­لىگىنىڭ, «اتامەكەن» ۇكپ-نىڭ جانە CCI Kazakhstan كومپانيياسى وكىلدەرىنەن تۇراتىن كوميسسييا كونكۋرستى جالعاس­تىراتىن 10 وتىنىمدى ىرىكتەپ الادى. بۇل كەزەڭ وسى جىلدىڭ 24 ساۋىرىنە دەيىن جالعاسادى.
– جوبانىڭ تاقىرىپتارى الەۋمەت­تىك, ەكولوگييالىق ماسەلەلەرگە جانە بالالار مەن جاستاردىڭ جاعدايىنا بايلانىستى بولۋى قاجەت. ەڭ الدىمەن, وڭىرلەردەگى جاستاردىڭ جوبالارىنا كوڭىل بولىنەدى. بىر اي ىشىندە جينالعان جوبالاردىڭ ىشىنەن ۇزدىك 10 جوبانى انىقتاپ, جازدا اۆتورلارىن استاناعا شاقىرامىز. جوبانى قالاي جۇزەگە اسىرۋ كەرەك, قالاي تانىستىرعان جون, بيۋدجەتتى قالاي ساقتاۋعا بولاتىنى تۋ­رالى ارنايى ۆەبينارلارعا قاتىسا­دى. ونان سوڭ كوتەرگەن ماسەلەسىنىڭ ماڭىز­دىلىعى مەن ونى شەشۋدىڭ قاجەتتىلىگى سەكىلدى كريتەرييلەردى العا تارتىپ, 3 جەڭىمپازدى انىقتايمىز. ار جەڭىم­پازعا 1 ملن تەڭگە كولەمىندە گرانت بەرى­لەدى. بىراق اقشا تۇرىندە ەمەس. قاجەتتى ينۆەنتار مەن جاب­دىقتار ساتىلىپ الىناتىن بولادى, – دەدى CCI Kazakhstan كومپانيياسىنىڭ كور­پوراتيۆتىك جانە مەملەكەتتىك قاتىناستار بولىمىنىڭ ديرەكتورى اليما يسەمباەۆا.
ونىڭ ايتۋىنشا, جوباعا قاتىسۋ ۇشىن جوبا سايتىنا قاتىسۋ تۋرالى وتىنىم بەرۋ كەرەك. ونان سوڭ قاتىسۋشى جوباعا نە ۇشىن قاتىسقىسى كەلەتىنى, وزىنىڭ جوباسى تۋرالى قىسقا اقپارات بەرىپ بەينەروليك تۇسىرەدى. كەلەسى قادامدا بايلانىس تەلەفونىن جازىپ, سايتقا وتىنىش جىبەرەدى. 2017 جىلدىڭ قاراشا ايىندا قورىتىندى پرەزەن­تاتسييا وتكىزىلىپ, جوبانىڭ العاشقى ناقتى ناتيجەلەرى كوپشىلىككە تانىس­تىرىلاتىن بولادى.
«جاس وتان» جق توراعاسى دانييار سۇندەتباەۆ ستارت جوباسىنىڭ جاستارعا ۇلكەن مۇمكىندىك بەرەتىنىن ايتىپ وتتى.
– بۇل – قازاقستانداعى ەڭ ۇلكەن جاستاردىڭ ۇيىمى. جوباداعى باستى مىندەتىمىز – اقپاراتتاندىرۋ, جاستاردى جوباعا قاتىسۋعا شاقىرۋ جانە جوبانىڭ اۋقىمدىلىعىنا ۇلەس قوسۋ. ەگەر قاتى­سۋشىلارعا بىزدىڭ ۇيىمنان قانداي دا بىر كومەك قاجەت بولسا, ايماقتاردا بول­سىن, ۇلكەن قالالاردا بولسىن سول جاق­تاعى جاسوتاندىقتاردان كەز كەلگەن ۋاقىتتا كومەك الا الادى, – دەدى ول.

تاڭشولپان تولەگەن

 

بولىسۋ:

پىكىر جازۋ


*