تۇركييامەن اراقاتىناستى ۇزۋگە بولمايدى

264
0
بولىسۋ:

تۇركييا مەن ەۋرووداق اراسى  تاعى بۇلىندى. داۋدىڭ باسى  نيدەرلاندىدا  جاتىر. 11  ناۋرىز كۇنى تۇركييا  سىرتقى ىستەر  مينيسترى  مەۆليۋت چاۆۋشوگلۋ  مىنگەن ۇشاقتى نيدەرلاندى  بيلىگى  وز  جەرىنە قونۋعا رۇقسات بەرمەدى. 

نەگە? سەبەپ – بىرەۋ. تۇرىك  مينيسترى  وسى ەلدە تۇرىپ  جاتقان تۇرىكتەردىڭ الدىندا سوز  سويلەپ, ۇگىت-ناسيحات  جۇرگىزۋى تيىس-تۇعىن. اڭگىمەنىڭ وزەگى – nۇرىك كونستيتۋتسيياسىنداعى  وزگەرتۋلەر, وسىعان بايلانىستى 16 ساۋىردە  جالپىحالىقتىق  رەفەرەندۋم وتەتىن ەدى. ەگەر دە  حالىق قولداسا,  تۇركييا  پرەزيدەنتتىك باسقارىلىمعا كوشپەك. مەۆليۋت چاۆۋشوگلۋدىڭ ەۋروپاعا  ساپارى  وسىعان  بايلانىستى ەكەن. ويتكەنى ەۋروپادا 5-6 ميلليون  تۇرىك  تۇراتىنىن, ولاردىڭ دا سايلاۋعا قاتىساتىنىن  ەسكەرسەك, بۇل از داۋىس ەمەس.

نەگىزى نيدەرلاندى  بيلىگى  وسىندا  تۇراتىن تۇرىك پەن  كۇرد اراسىندا دۇربەلەڭ تۋىپ  كەتۋ مۇمكىندىگىنەن تۇرىك مينيسترىنىڭ كەلۋىنە تىيىم  سالدى. بۇل  ازداي وسى ەلگە  قۇرلىقتاعى  جولمەن  كەلۋگە  تىرىسقان تۇرىكتىڭ وتباسى  جونىندەگى  مينيسترى فاتما بەتيۋل ساييان  كايياندى دا  جولدان  توقتاتىپ,  كەرى  قايتاردى. نيدەرلاندى  مەملەكەتىنىڭ بۇل ارەكەتى تۇركييا  جاعىنان   ەسكەرۋسىز  قالمادى. نيدەرلاندى جاعىنان  تۇركيياعا باعىت العان  بۇكىل  رەيس كەيىنگە  شەگەرىلدى. ەڭبەك دەمالىسىندا  جۇرگەن نيدەرلاند ەلشىسىنە دە تۇركيياعا  كەلۋگە  شەكتەۋ قويىلدى. بۇل  ازداي  تۇرىك پرەزيدەنتى  رەجەپ تايىپ  ەردوعان  نيدەرلاندى  مەملەكەتىن  «ۇلتشىلدىقتىڭ,  فاشيزمنىڭ, ناسىلشىلدىكتىڭ  استاناسى» دەپ ايىپتادى. سونداي-اق  بۇل  ەلگە قارسى  سانكتسييا قولداناتىنىن دا  ايتىپ  قالدى. دەسەك  تە, نيدەرلاندىنى  قولداپ  جاتقان  ەۋروپالىق مەملەكەتتەر دە  جوق  ەمەس. ولار  ەردوعاننىڭ  نيدەرلاندى «فاشيزمنىڭ  ورداسى»  دەگەنگە  قارسى ۋاج ايتۋدا. تىپتى «بۇدان كەيىن  تۇركييا ەۋرووداقتىڭ قۇرامىنا  وتەمىن دەپ ارمانداماي-اق  قويسىن» دەپ تە جاتقاندار  بار. بۇعان  قارسى  تۇرىك  بيلىگى  «تۇركييا ەندىگارى بوسقىنداردى وز  جەرىندە ۇستاماي,  ەۋروپاعا   ايداپ  سالادى»  دەپ ۇركىتۋگە كوشتى.

وسىلايشا,  ەۋرووداق  پەن  تۇركييا  اراسىنداعى تەكەتىرەس جالعاسىپ  جاتىر.  «تۇركييانىڭ ەۋرووداقپەن ساۋدا اينالىمى 65 پايىزدى  قۇرايدى. سونداي-اق  وداق ۇشىن دە  تۇركييا وتە  قاجەت. ويتكەنى  تۇركييا  ەۋرووداقتىڭ  ەڭ ىرى  بەس ساۋدا ارىپتەسىنىڭ بىرى. تاراپتار اراسىنداعى قارجىلىق وپەراتسييالار  140 ميلليارد  ەۋرونى   قۇرايدى. سوندىقتان تۇركييامەن قالايدا ارا قاتىناستى  ۇزۋگە  بولمايدى», – دەيدى نەمىس كانتسلەرى  انگەلا  مەركەل.

اينۇر  قازىكەنوۆا

بولىسۋ:

پىكىر جازۋ


*