مەديتسينالىق ساقتاندىرۋ ماسەلەلەرى تالقىلاندى

738
0
بولىسۋ:

«نۇر وتان» پارتيياسىنىڭ ورتالىق اپپاراتىندا پارتييا باسشىلىعى دەنساۋلىق ساقتاۋ مينيسترلىگى وكىلدەرىمەن بىرگە مىندەتتى الەۋمەتتىك مەديتسينالىق ساقتاندىرۋ ماسەلەسىن تالقىلادى. باستى تاقىرىپ مامس-نى جۇزەگە اسىرۋدا تۋىندايتىن قيىندىقتار جونىندە بولدى.
پارتييا جۇمىستارى اياسىندا مىندەتتى الەۋمەتتىك مەديتسينالىق ساقتاندىرۋ جۇيەسىنەنگىزۋ سيپاتىنا تۇسىندىرمە ىس-شارالارى كوپتەپ وتكىزىلىپ كەلەدى. ەلباسى دارى-دارمەك تاريفتەرىن ارنايى باقىلاۋعا الدى. جولداۋدا ايتىلعانداي, «بىز جالپى شىعىندى ازايتۋعا نەگىزدەلگەن ەكونوميكانىڭ جاڭا مودەلىنە كوشىپ جاتىرمىز. سونىمەن قاتار, مەديتسينالىق كومەك كورسەتۋ اقىسى جۇيەسىن قايتا قاراۋ قاجەت, دەدى پارتييا حاتشىسى فارحاد قۋانعانوۆ.
ونىڭ ايتۋىنشا, مامس زاڭىنىڭ كۇشىنە ەنۋىنە وتە از ۋاقىت قالدى جانە بارلىق الەۋمەتتىك توپتار مەديتسينالىق ساقتاندىرۋ جۇمىسىنىڭ قالاي جۇرگىزىلەتىنىن بىلۋى كەرەك.
سوز ەل ازاماتتارى تۋرالى بولىپ جاتقاندىقتان ەشقانداي قاتەلىك پەن كەمشىلىكتەرگە ورىن جوق. ەگەر قازىر ماسەلە تۋىندايتىن بولسا, وعان دەرەۋ مان بەرىڭىزدەر, ورتاق تالقىلاۋعا سالىڭىزدار. بارلىعىمىز بىرگە شەشەتىن بولامىز, دەدى پارتييا حاتشىسى.
شارا بارىسىندا وبلىستىق فيليالداردىڭ دايىندىق جۇمىستارى جونىندەگى ەسەبى تىڭدالدى. پارلامەنت ماجىلىسىنىڭ دەپۋتاتى, جۇمىس توبىنىڭ باسشىسى زاۋرەش جۇماناليقىزى وڭىرلەردە وزگە مەملەكەت ازاماتتارى, وزىن جۇمىسپەن قامتىپ وتىرعان جانە جۇمىسسىز ازاماتتار تۋرالى ناقتى اقپارات بولۋى كەرەكتىگىن اتاپ وتتى.

تاڭشولپان تولەگەن

بولىسۋ:

پىكىر جازۋ


*