ان ونەرىنىڭ الار ورنى ەرەكشە

375
0
بولىسۋ:

ۆالەنتينا ەلەۋسىنوۆا – رەسپۋبليكالىق, حالىقارالىق بايقاۋلاردا توپ جارىپ جۇرگەن ونەردىڭ وز وكىلى.  

1997-2001 جىلى وڭتۇستىك قازاقستان مۋزىكالىق كوللەد­جىن­دە بىلىم العان. 2006 جىلى قۇرمانعازى اتىنداعى قازاق ۇلتتىق كونسەرۆاتوريياسىن كسرو حالىق ارتيسى, پروفەسسور روزا جامانوۆانىڭ توبىنان «جەكە ان سالۋ» ماماندىعى بويىنشا بىتىردى. 2001 جىلى انشىلەر اراسىنداعى ححىى رەسپۋبليكالىق جاس ورىن­داۋشىلار بايقاۋىنان ۇمىت سىيلىعىنىڭ يەگەرى. حالىقارالىق جانە رەسپۋبليكالىق بايقاۋلاردىڭ جەڭىمپازى. كوپبالالى انا 2008 جىلدان بەرى پ.چايكوۆسكيي اتىن­داعى الماتى مۋزىكالىق كوللەدجىندە اكادەمييالىق ۆوكال پانىنەن دارىس بەرەدى. شاكىرتتەرىنىڭ الدى بەدەلدى بايقاۋلاردا جانە ستۋدەنتتىك وليمپيادالاردا توپ جارىپ ۇل­گەردى. ۇستازدىق قىزمەتپەن قاتار, اردايىم قالاارالىق وتكىزىلەتىن مادەني ىس-شارالارعا بەلسەنە قاتىسادى. سونداي-اق قازاق­ستاننىڭ ەڭبەك سىڭىرگەن قايراتكەرى بىرجان حاسانعاليەۆ باسقاراتىن وقۋ ورنىندا ۇيىمداستىرىلاتىن كونتسەرتتىك باعدارلامالار مەن بايقاۋلاردىڭ اردايىم باسى-قاسىندا جۇرەدى.
وقىتۋشى-ۇستازدىڭ بولمىسىنا كلاسسيكالىق شىعارمالارمەن قاتار, قازاقتىڭ حالىق اندەرى جاقىن. ساباق بارىسىندا حالىق اندەرىنىڭ جانرلىق-ستيلدىك ەرەكشەلىك­تەرىنە باسا نازار اۋدارىپ وتىرادى.

ۆالەنتينا ەلەۋسىنوۆا:
– ان – حالىق مۇراسى, ومىر ايناسى. ەلىمىزدىڭ باسىنان كەشكەن تاريحي شەجىرەسى مەن دۇنيە-تانىمىن سۋرەتتەيدى. عاسىرلار قويناۋىنان سىر شەرتەدى. ۇلتىمىزدىڭ بولمىسىن, تابيعات كورىنىستەرىن, ومىر قۇبىلىستارىن سيپاتتايدى. حالىق اراسىندا كەڭ تارالعان «ەلىم-اي», «قاماجاي», «بيپىل», «ساۋلەم-اي» سيياقتى اندەر ەل اراسىندا دا, ۇلكەن ساحنالاردا دا جيى ورىندالادى. ەلباسى نۇرسۇلتان نازارباەۆ «كەز كەلگەن ۇلتتىڭ وزىندىك كەسكىن-كەلبەتى مەن بولمىس-بىتىمىن ايقىندايتىن ۇعىمدى ونىڭ وزىنە تان ۇلتتىق مادەنيەتى دەيتىن بولساق, قازاق مادەنيەتىندەگى ان ونەرىنىڭ الار ورنى ەرەكشە» دەپ اتاپ وتكەن بولاتىن. سوندىقتان جۇمىس بارىسىندا ار داۋىردىڭ, اربىر تاريحي كەزەڭنىڭ وز ۇنى, وز ماقامىن شاكىرتتەرىمنىڭ بويىنا دارىتىپ, قاز-قالپىندا جەتكىزۋگە كۇش سالامىن.

قانشايىم بايداۋلەت

بولىسۋ:

پىكىر جازۋ


*