كورمە پاۆيلوندارى تانىستىرىلدى

131
0
بولىسۋ:

قىتاي جانە اۆسترييا مەملەكەتتەرى «ەكسپو – 2017» كورمەسىندەگى پاۆيلوندارىن جۋرناليستەرگە تانىستىردى.

10 ماۋسىمدا باستالاتىن «ەكسپو – 2017» كورمەسىنە قاتىسۋشى مەملەكەتتەرگە تيەسىلى پاۆيلونداردىڭ اۋماعى – 78 مىڭ شارشى مەتر. جالپى, كورمەدە 58 پاۆيلون بولادى. ونىڭ 52-ى – حالىقارالىق جەكە جانە التاۋى بىرىكتىرىلگەن پاۆيلون بولادى. كورمەنىڭ ەڭ ۇلكەن پاۆيلونى – قىتاي ەلىنە تيەسىلى. ول ەكى قاباتتان تۇرادى, كولەمى – 1 053 شارشى مەتر.
بۇگىندە قۇرىلىس جۇمىستارى قىزۋ جۇرگىزىلۋدە. قحدر «ەكسپو – 2017» كورمەسىنە «بولاشاق ەنەرگيياسى جانە جاسىل جىبەك جولى» تاقىرىبىندا ەنەرگەتيكا سالاسىنداعى يننوۆاتسييالىق تەحنولوگييالاردى كورسەتەدى. قىتاي حا­لىقارالىق ساۋدا پالاتاسىنىڭ ديرەكتورى, ۇلتتىق پاۆيلون كونسترۋكتيۆتى توبى­نى­نىڭ باسشىسى دجە دجيە كورمەگە كەلۋشى­لەرگە قىتايدىڭ زاماناۋي تەحنولوگييا ونىمدەرى ۇسىناتىنىن ناقتىلاپ وتتى.
– بىز ۇشىن قازاقستاندا وتەتىن«ەكسپو – 2017» كورمەسىنە قاتىسۋ ماڭىزدى. بۇل جولى بىز ەڭ ۇلكەن پا­ۆيلون­نىڭ بىرىن تاڭدادىق. قازاقستان تاراپى پاۆيلوندى تاپسىردى. ەندى ىشكى جۇمىستاردى ارى قاراي وزىمىز ات­قارامىز. قحدر-عا تيەسىلى اۋماقتاعى قۇرىلىس جۇمىستارى ويداعىداي جۇرگىزىلىپ جاتىر. جوسپار بويىنشا مامىر ايىنىڭ ورتاسىنا تامان اياقتايمىز, – دەدى ول.
سونىمەن بىرگە, قىتاي پاۆيلونىندا قانداي يننوۆاتسييالىق تەحنولوگييالار قويىلاتىنىن ايتىپ بەردى.
– وز پاۆيلونىمىزدا قىتايدىڭ جاسىل ەنەرگەتيكادا جەتكەن جەتىستىكتەرىن, بالامالى ەنەرگەتيكا سالاسىنداعى يننوۆاتسييالىق تەحنولوگييالاردى ۇسىناتىن بولامىز. استانادا وتەتىن حالىقارالىق, ماڭىزى زور كورمەگە 25 قالانىڭ كاسىپكەرلەرىن شاقىردىق. قازىر ەڭ ۇلكەن 10 كومپانييا وسى سالادا جۇمىس ىستەپ جاتىر, – دەدى.
اۆسترييا مەملەكەتى دە «ەكسپو – 2017» كورمەسىندە اشىلاتىن پاۆيلو­نىن تانىستىردى. ولاردىڭ كورمەدەگى تاقىرىبى – «اقىل, جۇرەك جانە كۇش» دەپ اتالادى. بۇل پاۆيلوندا دا ازىر قۇرىلىس جۇمىستارى جۇرىپ جا­تىر. قازاقستانداعى اۆسترييا ەلشىسى اتالمىش جۇمىستاردىڭ كورمەگە دەيىن اياقتالاتىندىعىن ايتتى.
– اۆسترييا ەنەرگييانىڭ 37 پايىزىن – سۋدان, 10 پايىزىن – جەلدەن, ال قالعانىن باسقا بيوماسسادان الادى. پاۆيلوننىڭ قۇنى – 5 ملن ەۋرو. اۋماعى – 900 شارشى مەتر, – دەدى ول.
گەرحارد سايللەر اۆسترييا پاۆيلو­نىنىڭ نەگىزگى ەرەكشەلىگىنە توقتالدى.
– ەلىمىزدە «ەكسپو – 2017» كورمەسىندەگى اۆسترييا پاۆيلونىنىڭ ديزاينىن جاساۋ ۇشىن ارنايى بايقاۋ وت­كىزدىك. ناتيجەسىندە, VM ارحيتەك­تورلىق توبى جەڭىسكە جەتتى. بىزدىڭ پاۆيلوننىڭ وزگە ەلدەردىڭ الاڭىنان ەرەكشەلىگىن كورمەدە كورىپ, باعاسىن بەرەتىن بولاسىزدار. سوندا دا قىزىقتى ەرەكشەلىگىنىڭ بىرىنە توقتالايىن. پاۆيولوندا ەلىمىزدىڭ ۇلتتىق ونەرىن پاش ەتەتىن مادەني شارا كوپتەپ ۇيىمداستىرىلادى. سونداي-اق كورمە ىشىندە كەلۋشىلەر دەمالاتىن دەمالىس ورنى دا بولماق», – دەدى ول.
«استانا ەكسپو – 2017» ۇك» اق حالىقارالىق قاتىسۋشىلارمەن جۇمىس اتقارۋ دەپارتامەنتىنىڭ ديرەكتورى يليا ورازاقوۆ حالىقارالىق كورمەنىڭ قاۋىپسىزدىگىن ساقتاۋ ماقساتىندا تيىستى جۇمىستاردىڭ اتقارىلىپ جاتقاندىعىن جانە كورمەگە دايىندىق بارىسىن ايتىپ بەردى.
– «ەكسپو – 2017» كورمەسىنە قاتىسۋعا نيەت بىلدىرگەن 115 مەملەكەتتىڭ 103-ىنە پاۆيلون بەرىلدى. جاقىن ارادا 12 پاۆيلون تاپسىرعالى جاتىرمىز. قاتىسۋشى مەملەكەتتەردىڭ تالاپ-تىلەكتەرىن ەسكەرۋدەمىز. الايدا كەز كەلگەن وتىنىشتى قابىلداي بەرمەيمىز. ماسەلەن, كەي ەلدەر وزدەرىنىڭ پاۆيلونى ۇشىن ەلەكتر قۋاتىن كوبەيتۋدى سۇ­رايدى. ەندى بىرى وز اۋماعىنا كۇردەلى كونسترۋكتسييالاردى قويۋدى سۇرايدى. ەندى بىرى ساقتاۋ ماقساتىندا ول تالاپتار قاناعاتتاندىرىلعان جوق, – دەدى ول.
يليا ورازاقوۆتىڭ ايتۋىنشا, ەشقانداي ەلمەن كەلىسپەۋشىلىكتەر ورىن الماعان. الايدا قاتىسۋعا وتىنىش بىلدىرەردە وز پاۆيلوندارىنىڭ قانداي بولۋىنا بايلانىستى شەشىمدەرىن بىرنەشە رەت وزگەرتكەن مەملەكەتتەر دە بولعان. مۇنداي الەمدىك ۇلكەن جوبادا تەحنيكالىق سۇراقتار مەن تالقىلاۋلار, ەسكەرتپەلەر بۇعان دەيىن بولعان, قازىر دە بار جانە بولا بەرەدى.
– اربىر مەملەكەتتىڭ وزىنىڭ بايلانىس جەلىسى, جەكە ەسەپتەۋ قۇرالدارى مەن قاجەت ەنەرگييا كولەمى بولادى. ارينە, بارلىعى وزدەرىنىڭ قاتىسۋعا وتىنىش بەرگەندەگى كورسەتكەنىندەي بولماق. ۇشىنشىدەن, قاتىسۋشىلاردىڭ جيىنىندا ارىپتەستەر كوميسسيياسى قۇرىلدى. ونىڭ قۇرامى 18 ادامنان تۇرادى. باستى پريتسيپى – ار ايماقتىڭ بىردەي دارەجەدە تانىستىرىلۋى. ونىڭ قۇرامىنا افريكا, ازييا, ەۋروپا جانە وزگە دە ايماقتىڭ وكىلدەرى كىردى, – دەدى ول.
ي.ورازاقوۆتىڭ ەسەپتەۋىنشە, اتالعان كوميسسييانىڭ مىندەتى – ۇيىمداستىرۋ, قاتىسۋشى مەملەكەتتەر اراسىنداعى سۇراقتارعا بايلانىستى جانە وزگە دە ماسەلەلەردى تالقىلاپ, شەشىم شىعارۋ.

 

تاڭشولپان تولەگەن

 

بولىسۋ:

پىكىر جازۋ


*