«ساتتى قادام» – ساتتى ساپار

384
0
بولىسۋ:

«نۇر وتان» پارتيياسى «جاس وتان» جاستار قاناتى «ساتتى قادام» پارتييالىق جوباسىن تورت جىلدان بەرى تابىستى جۇزەگە اسىرىپ كەلەدى. بىلتىردان بەرى ەلىمىزدىڭ جاستارى ۇشىن جوبانىڭ ماڭىزى ارتا تۇستى. جاس ماماندارعا تاعىلىمداما ۇيىم­داستىرۋعا باعىتتالعان جوبا جوو مەن تجكب تۇلەكتەرى – جەتىم بالالاردى جۇمىسقا ورنالاستىرۋعا جانە ۇلتتىق بىرىڭعاي تەستىلەۋ كەزىندە شەكتى دەڭگەيگە جەتپەگەن مەكتەپ تۇلەكتەرىنە ارى قاراي وقۋدى جالعاستىرۋعا نەمەسە جۇمىسقا ورنالاسۋعا كومەك كورسەتۋ بويىنشا جاڭا باعىتتارمەن تولىقتىرىلدى.


«ساتتى قادام» جوباسى – بۇل جوعارى وقۋ ورىندارى مەن كول­لەدجدەردىڭ تۇلەكتەرى ۇشىن قا­زاقستاننىڭ ىرى ۇيىمدارى, ۇلتتىق كومپانييالارى, تۇرلى مي­نيسترلىكتەر مەن مەكەمەلەردەن تاعىلىمداما وتۋدى باستاۋعا بىرەگەي مۇمكىندىك. وسى رەتتە, بىلتىر ۇلت­تىق كومپانييالارعا, تۇرلى مينيسترلىكتەر مەن مەملەكەتتىك ۇيىمدارعا 172 ادام تاعىلىمداماعا جىبەرىلدى.
كوپ جاعدايدا ستۋدەنتتەردىڭ جو­عارى وقۋ ورىندارىندا العان تەورييا­­لىق جانە تاجىريبەلىك بىلىمدە­رى جۇمىس بەرۋشىنىڭ تالابىنا ساي كەلمەيدى. سول سەبەپتى, تاعىلىمداما ەڭبەك نارىعىندا جاس مامانداردىڭ باسەكەگە قابىلەتتىلىگىن ارتتىرۋ ارقىلى تۇلەكتەرگە الداعى قىزمەت جولىنىڭ باعىتىن تاڭداپ, قاي سالادا بولماسىن وزىنىڭ قۇزىرەتتىلىگىن باعالاۋعا ىقپالداسادى. سونداي-اق ەگەر تاعىلىمدامادان وتۋشى وزىن كورسەتە السا, جۇمىسقا كەدەرگىسىز ورنالاسا الادى. بيىل 12 جاس مامان كاسىبي شەبەرلىكتەرىن كورسەتىپ, اۋىل شارۋاشىلىعى, ۇلتتىق ەكونوميكا, دەنساۋلىق ساقتاۋ جانە الەۋمەتتىك دامۋ, بىلىم جانە عىلىم مينيسترلىگىنە جانە «ەۋرازييالىق بانك» اق-نا جۇمىسقا ورنالاستى. وسىنداي كورسەتكىشتەر جوباعا قاتىسۋشىلار ۇشىن تابىستى بولاشاقتىڭ بەرىك ىرگەتاسى ەكەندىگىن دالەلدەيدى.
«جاس وتان» جاستار قاناتى تۇلەكتەر قاتارىنداعى جەتىم بالا­لاردى ەڭبەككە ماشىقتاندىرۋعا بەلسەندى ىقپال ەتىپ كەلەدى. وسى باعىتتا جەتىم بالالاردى جۇمىسقا ورنالاستىرۋ بويىنشا جۇمىس بەرۋشىلەر, جەرگىلىكتى ۋاكىلەتتى ورگاندار مەن «جاس وتان» جاس­تار قاناتىنىڭ فيليالدارى ارا­سىنداعى شارتتاردى جاساسۋ ارقى­لى مەملەكەتتىك جانە بيزنەس قۇرىلىم­داردى جۇمىلدىرىپ, كورسەتىلگەن ماقساتتى توپتاردىڭ وكىلدەرىن تۇراقتى جۇمىس ورنىمەن قامتاماسىز ەتۋ باعىتىندا جۇمىس­تار جۇرگىزىلۋدە.
بىلىم جانە عىلىم مينيستر­لىگىنىڭ مالىمەتى بويىنشا, 2015-2016 جىلدارى جەتىم بالالار قاتارىنداعى 3595 جاس ماماننىڭ 2454-ى – تەح­نيكالىق جانە كاسىپتىك بىلىم بەرۋ تۇلەكتەرى جانە 1141-ى – جوعارى وقۋ ورىندارىنىڭ تۇلەكتەرى. جاستاردىڭ دەنى اۋىلشارۋاشىلىق وندىرىسىندەگى تراكتورشى-ما­شينيست, تەمىر جول كولىگىندە تاسىمالدى ۇيىمداستىرۋ جانە قوزعالىستى باسقارۋ, ەلەكترمەن دانەكەرلەۋشىلەر, فەرمەر شارۋا­شىلىعى, ەسەپتەۋىش تەحنيكا جانە باعدارلامالىق قامتاماسىز ەتۋ, تەمىر جول جىلجىمالى قۇرامىن پايدالانۋ, جوندەۋ جانە تەحنيكالىق قىزمەت كورسەتۋ, عيماراتتار مەن قۇرىلىستاردى قۇرۋ جانە پايدالانۋ سيياقتى تەحنيكالىق ماماندىقتار يەسى. جالپى, مەديتسينا, مەكتەپكە دەيىنگى تاربيەلەۋ جانە وقىتۋ, راديوتەحنيكا, ەلەكترونيكا جانە تەلەكوممۋنيكاتسييا, بيوتەحنولوگييا, مۇناي-گاز ىسى, مەتەورولوگييا, گەودەزييا جانە كارتوگرافييا مامان­دىقتارى بويىنشا دا تۇلەكتەر كوپ.
قازىرگى كەزدە رەسپۋبليكا بويىنشا 1640 ادام جۇمىسقا ور­نالاستى. بارلىق ايماقتاردا فيليالدارى بار ىرى كومپانييالارمەن كەلىسىمشارتتار جاساسۋ جۇمىستارى جۇرگىزىلۋدە.
بيىل «جۇمىسپەن قامتۋ جول كارتاسى – 2020», بىلىم بەرۋدى جانە عىلىمدى دامىتۋدىڭ 2016-2019 جىلدارعا ارنالعان مەملەكەتتىك باعدارلاماسى جانە «ماڭگىلىك ەل جاستارى – يندۋستريياعا» الەۋمەتتىك باعدارلامالارىنىڭ قۇرالدارى ارقىلى «نۇر وتان» پارتيياسى, دسادم جانە بجعم اراسىنداعى ۇشجاقتى مەموراندۋم اياسىندا
مەكتەپ تۇلەكتەرى اراسىنان ۇبت-دا شەكتى دەڭگەيگە جەتپەگەن مەكتەپ تۇلەك­تەرىنە ارى قاراي وقۋىن جالعاستىرۋعا جانە جۇمىسقا ورنالاستىرۋعا كومەك كورسەتۋ بويىنشا ىس-شارالار جۇرگىزۋ جوسپارلانۋدا. تاۋەلسىزدىكتىڭ العاشقى جىلدارىنان باستاپ, بىلىم, دەنساۋلىق, جاڭا اقپاراتتىق تەحنولوگييالارعا قولجەتىمدىلىك, كا­سىبي جانە جەكە باسەكەگە قابى­لەت­تىلىك, پاتريوتتىق تاربيە, جاس ۇرپاقتىڭ تابىستى بولۋ ماسەلەلەرى ەلباسىمىز ن.نازارباەۆتىڭ ار­دايىم نازارىن­دا بولدى جانە وسى ۇستانىم قالا بەرەدى. قازاقستاننىڭ بولاشاعى – قازاقستان جاستارىنىڭ دامۋ دەڭگەيىمەن, ولاردىڭ قوعامعا ىقپالداسۋىمەن بايلانىستى. بولاشاقتىڭ نەگىزى بۇگىننەن قالانىپ جاتىر.

جولداسبەك اشىمحانۇلى

بولىسۋ:

پىكىر جازۋ


*