كومەك كورسەتىلەدى

143
0
بولىسۋ:

«نۇر وتان» پارتيياسىنىڭ باستاماسىمەن پاۆلودار وبلىستىق پاللياتيۆتىك كومەك اۋرۋحاناسىندا الەۋمەتتىك-قۇقىقتىق جاردەم كورسەتۋ جونىندە تاقىرىپتىق قابىلداۋ ۇيىمداستىرىلدى.

شاراعا «نۇر وتان» پارتيياسى وبلىستىق فيليالىنىڭ وكىلدەرى, پاۆلودار قالالىق ماسليحاتىنىڭ دەپۋتاتى وراز مۇقاشەۆ, «بىرىڭعاي جيناقتاۋشى زەينەتاقى قورى»
اق وبلىستىق فيليالىنىڭ ديرەكتورى ۆلاديمير پيتراكوۆ, وبلىستىق جۇمىسپەن قامتۋ جانە الەۋمەتتىك باعدارلامالار باس­قارماسىنىڭ قىزمەتكەرى مايگۇل راحىمجانوۆا جانە وزگە دە قوناقتار قاتىستى.
قابىلداۋ كەزىندە ازاماتتار تاراپىنان سان تۇرلى جەكە ساۋال كەلىپ تۇستى. ايتالىق, اۋرۋحانانىڭ مەدبيكەسى گالينا پرەسەل ەڭبەك وتىلىن راستاۋ ۇشىن قانداي قۇجاتتار كەرەكتىگىن سۇرادى. بۇل ساۋالعا ۆ.پيتراكوۆ ەگجەي-تەگجەيلى جاۋاپ بەردى.
اۋرۋحانادا ەمدەلىپ جاتقان ناۋقاس سۆەتلانا كازانتسەۆا 4-دارەجەدەگى ونكولو­گييالىق اۋرۋمەن اۋىراتىنداردى جورگەكتەرمەن قامتۋ ماسەلەسىن كوتەردى. ونىڭ ايتۋىنشا, اربىر ناۋقاسقا ايىنا 90 دانا جورگەك نەمەسە 3 وراماسى قاجەت. بىرەۋىنىڭ قۇنى – 270 تەڭگە.
– ەرەجەگە سايكەس, پاللياتيۆتىك كومەك اۋرۋحانالارى جورگەكتەردى الۋشىلار تىزىمىنە ەنبەيدى. سول سەبەپتى, اۋرۋحانانى اتالمىش تىزىمگە قوسۋعا كومەك كورسەتۋىڭىزدى سۇراي­مىن, – دەدى ول.
قابىلداۋ كەزىندە بۇل ماسەلە بويىنشا ماجىلىس دەپۋتاتتارىنا ارنايى حات جول­داناتىن بولىپ شەشىلدى.
تاعى بىر وتىنىش تۇرعىن ۇي كوم­مۋنالدىق-شارۋاشىلىق سالاسىنا قاتىستى بولدى. اۋرۋحانانىڭ باس دارىگەرى اسەم قاسەنوۆانىڭ سوزىنە قاراعاندا مەكەمەنىڭ اۋلاسىن جوندەۋگە كومەك كەرەك.
– شۋاقتى كۇندەر جاقىنداپ كەلەدى. بىزدە ەمدەلىپ جاتقان ازاماتتاردىڭ دالاعا شىعىپ, تازا اۋا جۇتىپ, تىنىعۋىنا قاجەتتى اۋلا اباتتاندىرىلماعان. اۋلامىز ۇلكەن ەمەس. سوندىقتان ونى رەتكە كەلتىرۋ قىمباتقا تۇسپەيدى, – دەدى ا.قاسەنوۆا.
پاۆلودار قالالىق ماسليحاتىنىڭ دەپۋتاتى و.مۇقاشەۆ بۇل ماسەلەنى شەشۋگە قولقابىس جاسايتىنىن ايتتى.
– بىرىنشى كەزەكتە جوبالىق-سمەتالىق قۇجاتتاما جاساۋ قاجەت. بيىل بيۋدجەتتەن قالانى اباتتاندىرۋعا قوسىمشا قاراجات بولىنەتىنىن ەسكەرسەك, بۇل ماسەلەنى شەشۋگە مۇمكىندىك بار, – دەدى حالىق قالاۋلىسى.
ا.جۇماتوۆ

بولىسۋ:

پىكىر جازۋ


*