نۇرسۇلتان نازارباەۆ: وليمپيادا جەڭىمپازدارى ميلليونداعان بالاعا جىگەر بەردى

644
0
بولىسۋ:

پرەزيدەنت نۇرسۇلتان نازارباەۆ قازاقستان رەسپۋبليكاسى ۇلتتىق وليمپيادالىق كوميتەتىنىڭ 25 جىلدىعىنا ارنالعان سالتاناتتى ىس-شاراعا قاتىستى.

مەملەكەت باسشىسى قاتىسۋ­شى­لاردى مەرەيتويمەن قۇتتىق­تاپ, وليمپيادالىق قوزعالىستىڭ قازىرگى الەمدەگى ەرەكشە رولىن اتاپ وتتى.
– بىز حالىقارالىق وليمپيا­دالىق قوزعالىسقا قوسىلدىق. ول تاۋەلسىز جاڭا قازاقستاندى قۇرۋ ىسىنىڭ ماڭىزدى بىر بولىگى بولىپ سانالادى. سەبەبى, وليمپيادالىق قوزعالىس دەگەنىمىز سپورتپەن عانا شەكتەلمەيدى عوي. بۇل – اشىقتىق, بىرلىك, وزارا قۇرمەت قۇندىلىق­تارىنا, تان مەن جاننىڭ جەتى­لۋىنە نەگىزدەلگەن ومىر فيلوسو­فيياسى. وليمپيادا مودەلى بويىن­شا ۋنيۆەرسيادالار, قۇر­لىق ويىندارى مەن باسقا دا جا­رىستار وتكىزىلىپ تۇرادى. وليم­پيادا جەڭىمپازدارىنىڭ ۇلگىسى بۇكىل الەمدەگى ميلليونداعان بالانى سپورتپەن شۇعىلدانۋعا جىگەرلەندىرەدى, – دەدى قازاقستان پرەزيدەنتى.
سونىمەن قاتار ەلباسى ەلى­مىزدە حالىقارالىق سپورت شارا­لارىن دايىنداۋ جانە وتكىزۋ تيىستى دەڭگەيدە جۇزەگە اسىرىلىپ وتىرعانىن اتاپ وتتى.
– قازاقستان الەمدىك وليم­پيادا قاۋىمداستىعىنىڭ لايىق­تى مۇشەسىنە اينالدى. بىز سپورت­­تىڭ دامۋىنا جان-جاقتى قولداۋ كورسەتىپ كەلەمىز. كەيىنگى 25 جىلدا تۋىمىز بارلىق وليم­پيا­دادا جەلبىرەپ, سپورتشىلارى­مىزدىڭ جەڭىسىنىڭ قۇرمەتىنە انۇرانىمىز اسقاقتادى. تاياۋدا ۇلتتىق قۇرامامىز الماتىدا وتكەن قىسقى ۋنيۆەرسيادادا وز دەڭگەيىنىڭ بيىك ەكەنىن داۋسىز دالەلدەدى, – دەدى نۇرسۇلتان نازارباەۆ.
مەملەكەت باسشىسى قازاق­ستان­نىڭ الەمدىك سپورت ارەنا­سىندا وز ورنىن بۇدان ارى بە­كەمدەي تۇسەتىنىنە سەنىم بىلدىرىپ, سپورتشىلارىمىزعا جاڭا جەتىس­تىكتەر مەن جەڭىستەر تىلەدى.
سوڭىندا ەلباسى ىس-شارانىڭ قۇرمەتتى قوناعى – ۇلتتىق وليم­پيادا كوميتەتتەرى قاۋىم­داس­تىعىنىڭ پرەزيدەنتى احماد ال-فاحاد اس-ساباحتى سپورتتى دامىتۋعا قوسقان زور ۇلەسى ۇشىن قازاقستان رەسپۋبليكاسى تاۋەل­سىزدىگىنىڭ 25 جىلدىعىنا ارنالعان مەرەيتويلىق مەدالمەن مارا­پاتتادى.

بولىسۋ:

پىكىر جازۋ


*