گلاۋكومانى انىقتاۋ اپتالىعى جۇرىپ جاتىر

409
0
بولىسۋ:

دۇنيەجۇزىلىك گلاۋكوماتولوگتاردىڭ قاۋىمداستىعى جانە دۇنيەجۇزىلىك گلاۋكوماعا شالدىققان ناۋقاستار قاۋىمداستىعىنىڭ باستاماشىلىعىمەن, گلاۋكوما پروبلەماسىنا حالىقتىڭ نازارىن اۋدارۋ ماقساتىندا, 2008 جىلدان قازاقستاندا دۇنيەجۇزىلىك گلاۋكوما كۇنى, ال 2011 جىلدان – «جاسىرىن گلاۋكومانى جويۋ» ۇرانىمەن دۇنيەجۇزىلىك گلاۋكوما اپتاسى وتۋدە. بۇل تۋرالى دەنساۋلىق ساقتاۋ مينيسترلىگىنىڭ باسپاسوز قىزمەتى حابارلادى.

–مۇنداي ىس-شارالاردى ۇيىمداستىرۋدىڭ باستى يدەياسى – قازاق كوز اۋرۋلارى عىلىمي-زەرتتەۋ ينستيتۋتىنىڭ جەتەكشى وفتالمولوگتارى بۇل اۋرۋدىڭ ەرەكشەلىگىن, دياگنوستيكا ادىستەرىن جانە تەراپيياسى جونىندە  ناۋقاستار مەن دارىگەرلەرگە مالىمدەۋى.  گلاۋكومانى ەرتە انىقتاۋ جانە پاتسيەنتتىڭ دارىگەر تاعايىنداعان ەمىن ساقتاعان كەزىندە, اۋرۋدىڭ ۇدەۋىن كوپ جاعدايدا توقتاتۋعا بولادى, ياعني كورۋدى ساقتاۋ جانە  تولىققاندى ومىر سۇرۋگە مۇمكىندىك بەرەدى – دەيدى «قۇرمەت بەلگىسى» وردەندى قازاق كوز اۋرۋلارى عىلىمي-زەرتتەۋ ينستيتۋتى» باسقارما توراعاسى تۇرسىنگۇل بوتابەكوۆا.

اپتا اياسىندا جەر-جەردە گلاۋكوما ورتالىقتارىندا اشىق ەسىك كۇندەرى وتۋدە, گلاۋكوماعا سكرينينگتىك تەكسەرۋلەر جۇرگىزىلۋدە. قازاق كوز اۋرۋلارى عىلىمي-زەرتتەۋ ينستيتۋتىندا 14 ناۋرىزدان گلاۋكوماسى بار ناۋقاستارعا كەڭەستەر بەرىلىپ, ينستيتۋتتىڭ كەڭەستىك-وڭالتۋ بولىمشەسى بازاسىندا بارلىق تىلەك بىلدىرۋشىلەرگە تەگىن كوزىشىلىك قىسىمىن ولشەدى, وفتالمولوگ دارىگەرلەر گلاۋكوما مەكتەبىنىڭ «گلاۋكومانى ەمدەۋ جانە دياگنوستيكالاۋدىڭ وزەكتى ماسەلەلەرى» تاقىرىبىنداعى جۇمىسىنا قاتىسۋدا.

الەمدە بولسىن, وتاندىق وفتالمولوگييا سالاسى بولسىن گلاۋكوما باستى پروبلەمالاردىڭ بىرى بولىپ قالادى.

2011 جىلدىڭ 11 ساۋىرىندە «سالاماتتى قازاقستان» مەملەكەتتتىك باعدارلاماسى اياسىندا گلاۋكوماعا سكرينينگ جۇرگىزۋ باستالدى, قورىتىندىسى بويىنشا گلاۋكومانىڭ 24 750 جاڭا جاعدايلارى انىقتالدى. قازىرگى ۋاقىتتا گلاۋكوماعا سكرينينگ جۇرگىزۋ «دەنساۋلىق» مەملەكەتتىك باعدارلاماسى اياسىندا جالعاسىن تاپتى.

«ايقىننىڭ انىقتاماسى: الەمدە ار تۇرلى مالىمەتتەر بويىنشا  گلاۋكوماسى بار ناۋقاستاردىڭ سانى 66,8 دەن 105 ملن دەيىن ادامدى قۇرايدى. قازاقستاندا رەسمي تىركەلگەن گلاۋكوماسى بار ناۋقاستاردىڭ  سانى 60 مىڭنان استام ەكەنىن ايتا كەتكەن جون.

ەركىن قالدان

 

بولىسۋ:

پىكىر جازۋ


*