الماتىدا سپورتتىق جاڭا جوبا باستالدى

621
0
بولىسۋ:

الماتىدا «سپورت مەنىڭ اۋلامدا» سپورتتىق باعدارلاماسى ىسكە قوسىلدى. وسى  جوبا اياسىندا 7 جاستان 17 جاسقا دەيىنگى بالالار باپكەرمەن بىرگە, وزدەرى قالاعان سپورت تۇرىمەن وز اۋلالارىندا شۇعىلدانا الادى. بۇل جوبا وسى جىلدىڭ كوكتەمىنەن باستالىپ, 2019 جىلعا دەيىن جالعاسادى. بىلىكتى نۇسقاۋشىلار بەلگىلەنگەن كەستە بويىنشا كۇن سايىن  شەبەرلىك ساباعىن  جۇرگىزىپ, دۇرىس جاتتىعىپ, ويناۋعا نۇسقاۋ بەرەدى.

– بىزبەن بىرگە جاتتىعۋعا كوبىنەسە 14 جاسقا دەيىنگى بالالار كەلەدى. بىز جاتتىعۋلاردى دۇيسەنبىدەن باسقا, كۇن سايىن تاڭەرتەڭ جانە تۇستەن كەيىن 1,30 – 2 ساعات بويى وتكىزەمىز. بالالاردىڭ باسىم بولىگى فۋتبولعا قىزىعۋشىلىق تانىتۋدا, سوندىقتان, وسى ويىندى جيى وينايمىز. ويىننىڭ الدىندا كىشكەنە شىنىعىپ الامىز, جۇگىرىپ, تۇرلى جاتتىعۋلارمەن جالعاستىرامىز. بالالار مەن ولاردىڭ اتا-انالارىنا بۇل وتە ۇنايدى, – دەيدى اۋەزوۆ اۋدانىنىڭ نۇسقاۋشىسى  سانييا كەمبيل

اتالمىش جوبانىڭ باستى ماقساتى – بالالاردى  سالاۋاتتى ومىر سالتىنا جانە  سپورتقا قىزىقتىرۋ. بالالار نۇسقاۋشىلارمەن بىرگە تەگىن جاتتىعىپ, ولاردان ساباق الىپ, سونداي-اق, باسقا جەتكىنشەكتەرمەن بىرگە جاقسى ۋاقىت وتكىزە الادى. جاتتىعۋلار  الىپ شاھاردىڭ بارلىق الاڭداردا وتكىزىلەدى.

– بىز كۇنىگە دوستارىمىزبەن وسىندا كەلىپ, فۋتبول وينايمىز. بۇل بىزدىڭ سۇيىكتى سپورت تۇرىمىز. نۇسقاۋشىمىز دا بىزگە ۇنايدى. ول (سانييا كەمبيل) بىزگە نە ىستەۋ كەرەكتىگىن ايتىپ  وتىرادى, ارقاشان قولداۋ كورسەتەدى. ونىمەن بىرگە جاتتىعۋلار وتە قىزىق وتەدى, – دەپ اساد گۋمباتوۆ پەن نيكولاس بۋسكيح اسەرلەرىمەن بولىستى.

ايتا كەتەتىن جايت, بۇل جوبانىڭ باستاۋشىسى – الماتى قالاسى دەنە شىنىقتىرۋ جانە  سپورت باسقارماسى. نۇسقاۋشىلار ار اۋداندا ەكى اۋىسىم بويىنشا كۇن سايىن, ار تۇرلى ۋاقىتتاردا جۇمىس ىستەيدى.

دوسجان بالابەكۇلى

 

بولىسۋ:

پىكىر جازۋ


*