يتالييالىقتارعا قازاقتىڭ سالت-داستۇرى تانىستىرىلدى

181
0
بولىسۋ:

ەكسپو-2017 ۇيىمداستىرۋشىسى كەڭسەسىندە «استانا ەكسپو-2017»  ۇك» اق باسقارما توراعاسى احمەتجان ەسىموۆ پەن ۆەنەتسييانىڭ قازاقستانداعى  قۇرمەتتى كونسۋلى جانە «Venicecom Group» بىرلەستىگىنىڭ پرەزيدەنتى پەرلۋيدجي الۋيزيو كەزدەستى.

كەزدەسۋ بارىسىندا قۇرمەتتى كونسۋل ۆەنەتسييادا اعىمداعى جىلدىڭ 25-اقپانىندا استانادا وتەتىن  «ەكسپو-2017» حالىقارالىق مامانداندىرىلعان كورمەسىنە ارنالعان كارناۆالى ۇيىمداستىرىلدى دەپ حابارلادى. شارا بارىسىندا يتالييالىقتار مەن حالىقارالىق دەلەگاتتار وكىلىنە قازاقتىڭ سالت-داستۇرى مەن مادەنيەتى تانىستىرىلدى.

–ۆەنەتسييا قوناقتارى مەن يتالييالىقتار الداعى ۋاقىتتا وتەتىن ەكسپو-2017 كورمەسىنىڭ ماتەريالدارىن ۇلكەن ەكراننان تاماشالادى. ۆەنەتسييالىقتار قازاق حالقىنىڭ تۇرمىسىنا قىزىعۋشىلىق تانىتتى. شارا سوڭىندا ۆەنەتسيياعا قازاقستاننىڭ جالاۋى سىيعا تارتىلدى جانە بارلىق قاتىسۋشىلاراستانادا وتەتىن ىرى حالىقارالىق ىس شاراعا شاقىرتۋ الدى, – دەدى پ.الۋيزيو.

احمەتجان ەسىموۆ وز كەزەگىندە, «بۇگىنگى كۇنگە 115 ەل مەن 20 حالىقارالىق ۇيىمدار كورمەگە قاتىسۋعا كەلىسىم بەرگەنىن اتاپ وتتى.ال 41 ەل وز پاۆيلوندارىن قابىلداپ, ەكسپوزيتسييالاردى تاقىرىپتىق جاعىنان راسىمدەۋگە كىرىستى» دەپ مالىمدەدى. باسقارما باسشىسى يتالييانىڭ ەكسپوزيتسيياسى جاڭعىرتىلعان  ەنەرگييا كوزدەرى سالاسىن ۇيىمداستىرۋدا وزىنىڭ ۇزدىك جوبالارى مەن جەتىستىكتەرىن كورسەتەتىنە نىق سەنىمىن بىلدىردى.

ەسكە سالا كەتەلىك, استانا قالاسىندا وتەتىن ەكسپو-2017 حالىقارالىق مامانداندىرىلعان كورمەسى 2017 جىلى ماۋسىمنىڭ 10-نان قىركۇيەكتىڭ 10-نا دەيىن جالعاسادى, كورمەگە كەلۋشىلەر سانى 5 ميلليونداي بولادى دەپ كۇتىلۋدە.

ەركىن قالدان

بولىسۋ:

پىكىر جازۋ


*