قازاقستاندا اۆياتاسىمالداۋشىلاردىڭ تابىسى ارتتى

268
0
بولىسۋ:

2017 جىلعى قاڭتار-اقپاندا اۆياتاسىمالداۋشىلار تابىسى وتكەن جىلعى وسى كەزەڭمەن سالىستىرعاندا 19 پايىزعا ارتتى, دەپ حابارلادى finprom.kz.

اۆياكومپانييالار تابىسىنىڭ ارتۋى – جولاۋشىلار تاسىمالى.  2016 جىلعى قاڭتار-اقپانداعى سومامەن سالىستىرعاندا, اعىمداعى جىلى جولاۋشىلار تاسىمالىنان تۇسكەن تابىس 5 ميلليارد تەڭگەگە ۇلعايىپ, 33 ميللياردقا جەتتى. بىر جىلدا كارگو-تاسىمالداۋدان تۇسىم بارىنشا از, 3 پايىزعا  نەمەسە 24 ميلليون تەڭگەگە ارتتى. 2017 جىلى قازاقستاندىقتار مەن قر رەزيدەنتى بولىپ تابىلمايتىندار 2015-2016 جىلدارمەن سالىستىرعاندا اۋە كولىگىن بارىنشا بەلسەندى پايدالانا باستادى. اعىمداعى جىلعى 2 ايدا اۆياتاسىمالداۋشىلار  911 مىڭعا جۋىق ادامدى تاسىمالدادى. بۇل 98 مىڭعا نەمەسە بىر جىل بۇرىنعى دەڭگەيدەن 12 پايىزعا كوپ. اۋە تاسىمالى سەكتورىندا بەلسەندىلىكتىڭ ەلەۋلى ۇلعايۋى قازاقستانداعى ازاماتتىق اۆياتسييانى دامىتۋدىڭ مەملەكەتتىك ماقساتتارىنا سايكەس كەلەدى.

 inform.kz 

فوتو: د.بالابەكۇلى

بولىسۋ:

پىكىر جازۋ


*