ماسكەۋدە ەكسپو-2017-گە بيلەت ساتىلا باستادى

482
0
بولىسۋ:

ەكسپو-2017 حالىقارالىق مامانداندىرىلعان كورمەسى باستالعانعا دەيىن ۇش اي بۇرىن رەسەي فەدەراتسيياسىندا وسى ىس-شاراعا بيلەتتەردى ساتۋ باستالدى. ساتۋدى باستاۋ سالتاناتى كورمەنىڭ رەسمي بيلەت وپەراتورىنىڭ  كاسسالارىندا – ماسكەۋدە جانە سانكت-پەتەربوردا وتتى.

ەندى رەسەي ازاماتتارى بيلەتتكە كورمەنىڭ رەسمي سايتى ارقىلى تاپسىرىس بەرىپ قانا قويماي, سونداي-اق ولاردى وز ەلىنىڭ ىرى قالالارىنداعى كاسسالاردا تىكەلەي ساتىپ الا الادى. قازىردىڭ وزىندە بيلەتتەردى ماسكەۋدە, سانكت-پەتەربۋرگتە, قازاندا, نيجنيي نوۆگورودتا, ەكاتەرينبوردا, نوۆوسيبيرسكىدە, سوچيدە ساتىپ الۋعا بولادى.

رەسەي كورمە باعدارلاماسىنىڭ 100-دەن استام ىس-شاراسىنىڭ قوسا ۇيىمداستىرۋشىسى بولىپ, وعان بەلسەندى قاتىساتىن بولادى. سونىمەن قاتار, «استانا ەكسپو-2017» ۇلتتىق كومپانيياسى رەسەيدىڭ شەكارا ماڭىنداعى وبلىستارىمەن جانە تاتارستان رەسپۋبليكاسىمەن ىنتىماقتاستىق تۋرالى مەموراندۋمدارعا قول قويدى.

رەسەيلىك ەكسپوزيتسييا ەكسپو-2017 كورمەسىندەگى ەڭ ىرى ەكسپوزيتسييالاردىڭ بىرى بولادى. ىسكەرلىك باعدارلامانىڭ باستى تاقىرىبى «جاھاندىق ەنەرگەتيكالىق تەڭگەرىم» بولادى.

قازىرگى تاڭدا 115 ەل, 18 حالىقارالىق ۇيىم جانە بىرقاتار ترانسۇلتتىق كومپانييالار, ونىڭ ىشىندە رەسەيلىك «روساتوم» اتوم ەنەرگيياسى جونىندەگى مەملەكەتتىك كورپوراتسييا ايتۋلى وقيعاعا قاتىسۋىنراستاعان. قازىردىڭ وزىندە «ەكسپو-2017» كورمەسىنە التى جۇز قىرىق مىڭنان استام بيلەت ساتىلدى.

كورمە استانادا 2017 جىلعى 10 ماۋسىم – 10 قىركۇيەك ارالىعىندا وتەدى. تۇتاستاي العاندا, 2 ميلليوننان استام كەلۋشى جانە 5 ميلليونعا جۋىق كەلۋ كۇتىلەدى, ونىڭ ىشىندە 85 پايىزى – بۇل قازاقستاندىقتار جانە 15 پايىزى شەتەلدىك مەيماندار. تۋريستەر ۇشىن 3000 ىس-شارادان تۇراتىن بىرەگەي مادەني-ويىن-ساۋىق باعدارلاماسى ازىرلەندى.

ەركىن قالدان

بولىسۋ:

پىكىر جازۋ


*