«ناۋرىزدى» مەرەكەلەۋگە 700 -دەن استام ارتيست قاتىسادى

225
0
بولىسۋ:

الماتىدا 22 ناۋرىزدا «ۇلى دالانىڭ ناۋرىزى» مەرەكەلەنەدى. العاش رەت سالتاناتتى شارالار بىردەن ەكى الاڭدا: «استانا» الاڭى مەن اتلەتتەر اۋىلىندا وتەدى. بۇل تۋرالى قالا اكىمدىگىنىڭ باسپاسوز قىزمەتى حابارلادى.

سالتاناتتى شارالارعا 700-دەن استام ارتيستەر قاتىسادى, ولاردىڭ اراسىندا شىعارماشىلىق ۇجىمدار, حودۋليستەر, داستۇرلەر تەاترلارى,سوليستەر, بي توپتارى جانە باسقالارى بار. بۇلاردان وزگە بۇقارالىق «كورىسۋ» بي فلەش- موبى دا وتەدى.

كونتسەرتتەرگە “ياللا” توبى, ايقىن تولەپبەرگەن, مولدىر اۋەلبەكوۆا, الي وقاپوۆ, الىشەر كاريموۆ, مارجان اراپباەۆا, ينديرا ەدىلباەۆا, «مۋزارت», «ايۋمي», «Voice» توپتارى, رامازان ستامعازيەۆ, جاسۇلان ساقاەۆ, نۇرجان جانپەيىسوۆ, ەركىن شۇكىمانوۆ, “سازگەن سازى” فولكلورلىق- ەتنوگرافييالىق انسامبلى, ايگۇل قوسانوۆا,«قوڭىر» توبى,«باحىت KIDS» بالالار حورى, “وتىرار سازى” فولكلورلىق -ەتنوگرافييالىق انسامبلى, “الاشۇلى” توبى, “جورعا” بي توبى, “تۋعان جەر” بي ۇجىمى, “الان” توبى, ماليكا ەسمۇحانبەتوۆا, “مۋزارت لايف» توبى جانە باسقالارى قاتىسادى.

استانا الاڭىنا كيىز ۇيلەر, ار تۇرلى قوستار, شاتىرلار تىگىلىپ, ناۋرىز تاقىرىبىنا وراي جاسالعان ينستاللياتسييالار ورناتىلادى. مەرەكەدە «مۇشەل» اتتى تەاترلاندىرىلعان كورىنىس كورسەتىلىپ, قازاقتىڭ كونەدەن كەلە جاتقان « سامالىق», «تۇلىك جىرى» اتتى سالت-داستۇرلى, ريتۋالدى ان-جىرلارى ورىندالادى.

ال, اتلەتتەر اۋىلىنداعى مەرەكەلىك قويىلىم وتەتىن الاڭ تۇتاستاي جاڭا قونىستانعان قازاق اۋىلىن ەلەستەتەدى. الاڭنىڭ كىرەبەرىسىنە ەجەلگى ۇلگىدەگى قاقپا ورناتىلىپ, ونىڭ ەكى جاق شەتىنە كونە كۇيمە ۇستىنە تىگىلگەن 2 كيىز ۇي قويىلادى.

«نوماد» كاسكادەرلار توبى «جىگىتتەر», «قىز قۋۋ», «اۋدارىسپاق»,«سەمسەرلەسۋ» كورىنىستەرى ارقىلى وز ونەرلەرىن كورسەتەدى. باعدارلاماعا «قوي كوتەرۋ», «لاڭگى تەبۋ», «ارقان تارتۋ» سيياقتى شەبەرلىك پەن ەپتىلىكتى پاش ەتەتىن قازاق ۇلتتىق ويىندارى دا ەنگىزىلگەن.

ەكى مەرەكەلىك الاڭدا دا مۋزىكا اسپاپتارىنىڭ, بۇركىت پەن تازىنىڭ كورمەسىن جانە ارقانمەن جۇرەتىندەر مەن حودۋليستەردىڭ ونەرىن كورسەتۋ دە جوسپارلانعان.

«ناۋرىز» مەرەكەسى بارىسىندا باۋىرساق پەن «ناۋرىز كوجە» تەگىن بەرىلەدى.

مەرەكە سوڭى كەشكى باعدارلاما مەن وتشاشۋعا ۇلاسادى.

ەركىن قالدان

بولىسۋ:

پىكىر جازۋ


*