باس سانيتارلىق دارىگەر مەرەكەدە ساقتانۋعا شاقىردى

359
0
بولىسۋ:

قازاقستان رەسپۋبليكاسى دەنساۋلىق ساقتاۋ مينيسترلىگى ناۋرىز مەيرامىن مەرەكەلەۋ كەزىندە جاپپاي ۋلانۋعا جول بەرمەۋ ۇشىن گيگيەنالىق تالاپتاردى ساقتاۋعا كەڭەس بەرەدى.

–كوكتەمنىڭ كەلۋىمەن قازاقستاندىقتار داستۇرلى تۇردە ۇستەلدى الۋان تۇرلى تاعامدار اسسورتيمەنتىمەن –جابۋعا تىرىسادى: كوپتەگەن ۇلتتىق تاعامداردان باستاپ سالاتتار جانە كرەمى بار كونديتەرلىك بۇيىمدارعا دەيىن تولتىرادى, الايدا, ەگەر گيگيەنا تالاپتارى ساقتالماسا, وندا تاماقتان ۋلانۋعا الىپ كەلۋى مۇمكىن. وسىعان بايلانىستى, ناۋرىز مەيرامىن مەرەكەلەۋ كەزىندە جانە وسى مەيراممەن بايلانىستى دەمالىس كۇندەرى ۋلانۋعا جول بەرمەۋ ۇشىن گيگيەنالىق تالاپتاردىڭ ساقتالۋىن تاعى دا ەسكە سالا وتىرىپ كەڭەس بەرەمىن – دەدى باس مەملەكەتتىك سانيتارلىق دارىگەر جانداربەك بەكشين.

اتاپ ايتقاندا, تاعامداردى دايىنداۋ كەزىندە مەرەكەلىك ۇستەلگە ولاردى ساقتاۋ مەرزىمدەرى مەن تۇتىنۋ ۋاقىتىن ساقتاۋ كەرەك, شيكى جانە دايىن تاعامداردىڭ بىرگە ساقتالۋىنا جول بەرمەۋ قاجەت, ال ساپاسىنا كىشكەنە كۇدىكتەنگەن بولساڭىز, ول تاعامدى تۇتىنۋدان الىپ تاستاۋ قاجەت,  اسىرەسە, كەشەگى ۇستەلدەن كەيىن قالعان تاعامداردى. سونداي اق, «تاۋىق ەتىنەن جاسالعان دايىن تاعامدار ەڭ ۇلكەن قاۋىپ توندىرەدى, جۇمىرتقا قوسىلعان تاعامدار, مايونەز بەن قايماق قوسىلعان سالاتتار, كرەمى بار كونديتەرلىك ونىمدەر (تورتتار, تاتتى ناندار) – دەپ اتاپ وتتى جانداربەك بەكشين.

ادەتتە مەرەكە كۇندەرى قوعامدىق تاماقتاندىرۋ وبەكتىلەرى مەن ساۋدا ورىندارى ۇلكەن ساندى كۋلينارلىق, سونداي-اق, كرەمدى كونديتەرلىك ونىمدەر دايىنداپ پىسىرەدى.

وسىعان بايلانىستى, تاماق ونىمدەرىنىڭ ساپاسى مەن قاۋىپسىزدىگىن كۋالاندىراتىن قۇجاتتاردىڭ بولۋىنا, ولاردى ساقتاۋ جانە  ىسكە اسىرۋ شارتتارىنا نازار اۋدارۋ قاجەت.

سونداي-اق, ناۋرىز مەيرامى كۇندەرىندە ۋلانۋدىڭ الدىن الۋ ماسەلەلەرىنە مەيرامحانالار, كافە جانە ازىق-تۇلىك دۇكەندەردىڭ باسشىلارىنىڭ كوڭىل بولۋلەرىنە  نازار اۋدارامىز. پەرسونال جەكە گيگيەنا ەرەجەلەرىن ساقتاۋى تيىس, مەديتسينالىق تەكسەرىپ-قاراۋدان وتكەن پەرسونالدان جۇمىسقا جىبەرىلەدى.

–مەرەكەلىك ۇستەلگە دايىن تاعامداردى الدىن الا قويىلماۋىن جانە ولاردىڭ قاجەتتى تەمپەراتۋرالىق رەجيممەن ساقتالۋىن قامتاماسىز ەتۋگە كەڭەس بەرەمىز. دايىن تاعامداردىڭ ساقتالۋ ۋاقىتىن بۇزۋعا جول بەرمەڭىز, – دەدى جانداربەك بەكشين.

ەركىن قالدان

بولىسۋ:

پىكىر جازۋ


*