قازۇۋ ستۋدەنتى-«قازاق ارۋى» اتاندى

1508
0
بولىسۋ:

«قازاق ارۋى-2017» سۇلۋلىق بايقاۋى وز مارەسىنە جەتىپ, باس جۇلدەگە ال-فارابي اتىنداعى قازاق ۇلتتىق ۋنيۆەرسيتەتى, جۋرناليستيكا فاكۋلتەتىنىڭ ستۋدەنتى نۇرگۇل اسانوۆا يە بولدى.

سۇلۋلىق بايقاۋىنا ەلىمىزدىڭ ار وڭىرىنەن ىرىكتەلگەن 16 ارۋ قاتىستى. ولار: اقبايان ومىرقۇلوۆا (وقو) ايبانۋ جەكسەنعالي (اتىراۋ وبلىسى), اقمارجان جۇمان (استانا), امينا مەكتەپباەۆا (الماتى), بەگايىم جورابەكوۆا (وقو), ۆيكتورييا پەتروۆا (پاۆلودار وبلىسى), گۇلجانات جۇماجانوۆا (اقتوبە وبلىسى), ايگەرىم ورىنبەكوۆا (قاراعاندى وبلىسى), جۇلدىز ورىنباساروۆا (جامبىل وبلىسى), زۋxرا سايپي (قىزىلوردا وبلىسى), مارييا حالبييات (الماتى وبلىسى), نازەركە داۋىلباەۆا (اتىراۋ وبلىسى), نۇرگۇل اسانوۆا (بقو وبلىسى), پەريزات ابداشوۆا (ماڭعىستاۋ وبلىسى), ساۋلە ادىلباەۆا (بقو), شىرىن اقپار (شقو).

بىرنەشە كەزەڭدە ونەر كورسەتكەن سۇلۋلار, قازىلار القاسىنىڭ شەشىمىمەن باس جۇلدە ورالدىق نۇرگۇل اسانوۆاعا بەرىلدى. سونداي-اق, «قازاق ارۋى-2017» سۇلۋلىق بايقاۋىندا 1-ورىندى قىزىلوردالىق زۋحرا سايپي, ال 2-ورىندى اقتوبەلىك گۇلجانات جۇماجانوۆا السا, 3-ورىن قاراعاندىلىق ايگەرىم ورىنبەكوۆاعا بۇيىردى. سونىمەن قاتار, زۋحرا سايپي «ارۋنا» ساۋدا ۇيىنىڭ ارنايى سىيلىعىنا يە بولدى. ال ايگەرىم ورىنبەكوۆا «كورەرمەندەر كوزايىمى» نوميناتسيياسىن يەلەندى.

العاشقى بولىپ سۇحباتتاسىپ ۇلگەرگەن بلوگەر ەلۆيرا ەرگالينا نۇرگۇلدىڭ قاراپايىمدىلىعىن اتاپ وتىپ, ونى كەشYou-دىڭ بۇرىنعى انشىسى اقبوتاعا ۇقساتتى. ينستاگراممداعى ەلۆيرانىڭ ساۋالدارىنا جاۋاپ بەرگەن نۇرگۇل, وزىنىڭ بىلىم الىپ جاتقان ۋنيۆەرسيتەتىن ماقتانىشپەن جەتكىزدى.  نۇرگۇلدىڭ ۋنيۆەرسيتەتتەگى كۋراتورى شاريپا نۇرجانوۆا: «بىزدىڭ نۇرگۇل اسانوۆا «قازاق ارۋى-2017″ اتاندى. ال-فارابي اتىنداعى قازۇۋ-دىڭ, يۋنەسكو, حالىقارالىق جۋرناليستيكا جانە قوعامدىق مەديا كافەدراسىنىڭ ۇجىمى مەن 205 توپ ستۋدەنتتەرى ياعني, گرۋپپالاستارى, جانە كۋراتور-ەدۆايزەرى رەتىندە نۇرگۇلدى وسى جەڭىسىمەن شىن جۇرەكتەن قۇتتىقتايمىز. بۇدان دا بيىكتەرگە شارىقتاي بەر, التىنىم!»,-دەلىنگەن فەيسبۋكتەگى پاراقشاسىندا. بيىلعى جىلدىڭ حاس سۇلۋىمەن الەمۋەتتىك جەلىدە دوستاسقىسى كەلگەن حالىق, نۇرگۇلدىڭ ينستاگرامداعى جەكە پاراقشاسىن بىر كۇننىڭ ىشىندە 2400 جازىلۋشىدان – 15 مىڭنان اسا جازىلۋشىعا كوبەيدى.

دوسجان بالابەكۇلى

فوتو: ن.اسانوۆانىڭ ينستا پاراقشاسىنان الىندى

بولىسۋ:

پىكىر جازۋ


*