باقىت — كوكتەمگى بۇلت سيياقتى…

460
0
بولىسۋ:

بۇگىن- حالىقارالىق باقىت كۇنى.  بۇۇ باس  اسسامبلەياسى 2012 جىلى 20 ناۋرىزدى حالىقارالىق باقىت كۇنى دەپ اتاۋ تۋرالى قاۋلى قابىلداعان بولاتىن.

شەشىم بۋتان كورولدىگىنىڭ وسى كۇندى دۇنيەجۇزىلىك باقىت كۇنى دەپ اتاۋ تۋرالى ۇسىنىسىنان كەيىن قابىلداندى. ونى بۇۇ-عا مۇشە بارلىق 193 ەل قولدادى.

بۇۇ باس اسسامبلەياسى  بارلىق ەلدەرگە بۇل مەرەكەنى «سايكەس دەڭگەيدە, ونىڭ ىشىندە بىلىم بەرۋ مەن اعارتۋ باعدارلامالارى اياسىندا» اتاپ وتۋدى ۇسىندى. بىر قىزىعى, دۇنيەجۇزىلىك ۇيىم حالىقارالىق باقىتتى كۇن رەتىندە نەگە دال 20 ناۋرىز تاڭدالىپ الىنعانىن تۇسىندىرىپ بەرە المادى.

ال ويشىلار, وسى باقىت ۇعىمىن قالاي تۇسىندىرگەن ەكەن?! ەندەشە, تومەندەگى ۇلاعاتتى سوزدەردەن, باقىت تۇسىنىگىن بىر تارازىلاپ كورىڭىز.

 

باقىتتىڭ مانى – پاراساتتىلىقتا, اركىمنىڭ وز الدىنا يگىلىكتى ماقسات قويا بىلۋىندە, ول ماقسات تەك كەزدەيسوق راحات ۇشىن ەمەس, شىنايى يگىلىك ۇشىن باعىتتالۋىندا, ادامنىڭ وز مىنەز-قۇلقىن, ىس-ارەكەتىن ەرىكتى تۇردە وزگەرتىپ, ىزگىلىككە باعىتتاپ وتىرۋىندا. ال-فارابي

 

باقىت اردايىم باتىل ادام جاعىندا. پ.باگراتيون

 

باقىت — كوكتەمگى بۇلت سيياقتى. ول كورگەن تۇستەي, ۇشقان قۇستاي وتە شىعادى. احمەت يۋگناكي

 

قۇستىڭ ۇشۋ ۇشىن جارالعانى سيياقتى, ادام دا باقىت ۇشىن جارالعان.

ۆ.گ. كورولەنكو

 

كىم كوپ ەڭبەك ەتسە, باقىت سوعان قونادى.

لەوناردو دا ۆينچي

 

ادام باقىتتى بولۋعا تيىستى, ال باعى جانباسا, وعان سول ادامنىڭ وزى كىنالى.

لەۆ تولستوي

 

باقىتتى بولاشاقتىڭ ەڭ باستى نەگىزدەرىنىڭ بىرى — بۇل جالپىعا بىردەي جاقسىلىق تىلەۋ…

ىليياس ەسەنبەرلين

 

باقىتتى زاماننىڭ باقىتتى ۇرپاقتارى, ەڭبەكپەن ەسەيە بەرىڭدەر.

ىبىراي جاقاەۆ

 

ادامدا جاقسى قاسيەت بولماسا, وعان باق تا, باقىت تا قونبايدى.

جۇسىپ بالاساعۇني

 

باقىتسىزدى كورىپ تۇرىپ, باقىتتى بولۋعا بولمايدى.

مولەر

 

باسقالاردى باقىتتى ەتۋگە تىرىسا وتىرىپ, وز باقىتىمىزدى دا تابامىز.

پلاتون

 

ازىرلەگەن د.بالابەكۇلى

فوتو: www.aikyn.kz. سۋرەتتى تۇسىرگەن اۆتور

 

بولىسۋ:

پىكىر جازۋ


*