الماتى جاستارى تاريحي مۇرامەن تانىستى

369
0
بولىسۋ:

حالىقارالىق ەسكەرتكىشتەر مەن تاريحي ورىندار كۇنىن مەرەكەلەۋ اياسىندا الماتى قالالىق مادەنيەت باسقارماسى, «نۇر وتان» قالالىق فيليالىمەن بىرلەسىپ ارحەولوگييالىق «بورالداي ساق قورعانى» ساياباق اۋماعىندا ەكسكۋرسييالىق جاڭا مارشرۋتتىڭ تۇساۋكەسەرىن جانە تاريحي ەسكەرتكىش اۋماعىندا سەنبىلىك ۇيىمداستىردى. 
شارا بارىسىندا الماتى قالاسىنىڭ مادەنيەت باسقارماسىنىڭ ماماندارى مەن «نۇر وتان» پارتيياسىنىڭ بەلسەندىلەرى قالا جاستارىنىڭ وكىلدەرىمەن جانە اكتسيياعا قاتىسۋشىلارمەن پرەزيدەنتتىڭ «بولاشاققا باعدار: رۋحاني جاڭعىرۋ» ماقالاسىن تۇ­سىندىرۋ ماقساتىندا سۇحباتتاسىپ, پىكىر الىستى.
– بۇل ىس-شارانىڭ مەملەكەت باسشىسى نۇرسۇلتان نازارباەۆ جاقىندا عانا جارييا­لاعان ماقالاسىنداعى يدەيالارعا تىكەلەي قاتىسى بار. تۋعان ولكەنىڭ تاريحىن بىلۋ جانە قۇرمەتتەۋ, ونىڭ مادەني قۇندىلىق­تارى مەن يگىلىكتەرىن قورعاۋ – ار ازاماتتىڭ پا­رىزى. بۇگىنگى اكتسييانىڭ اياسىندا قالا­مىز­داعى تۋريزمدى دامىتۋعا وز قولدارىمەن ۇلەستەرىن قوسسىن, سونداي-اق تاريحي مۇرا­لار­دىڭ تانىتۋعا قوسىلسىن دەگەن ماقساتتا جاستاردى ارنايى تارتتىق, – دەيدى الماتى قالالىق «جاس وتان» فيليالى توراعاسىنىڭ مىندەتىن اتقارۋشى مادي احمەتوۆ.
سونداي-اق اڭگىمە بارىسىندا اكتسيياعا قاتىسۋشىلار بۇگىنگى تاڭدا الماتى قالا­سىن­دا 136 تاريحي-مادەني ەسكەرتكىش بار ەكەنىن بىلدى. ونىڭ ىشىندە 82-سى – ساۋلەت قۇ­رىلىستارى, 10-ى – ارحەولوگييالىق جا­عىنان قۇندى ەكەن, قالعان 44-ى – مونۋمەن­تالدىق سيپاتتاعى ەسكەرتكىشتەر. بۇل تا­ريحي-مادەني ەسكەرتكىشتەردىڭ ىشىندە «بو­رالداي ساق قورعانى» ەرەكشە ورىن الادى. قورىمنىڭ ۇزىندىعى – 3 شاقىرىم, ال ەنى 800 مەتردى قۇرايدى. ىشىنارا ىرى قورعان­داردىڭ بيىكتىگى 10-14 مەترگە دەيىن جەتەدى, ال ديامەترى 80-150 مەتر بولادى.
– قازىردىڭ وزىندە بۇل ەسكەرتكىشتەر كەشەنى اۋماعىندا ەكسكۋرسييالار وتكىزىلىپ تۇرادى. بولاشاقتا بۇل جەردە اشىق اسپان استىنداعى ارحەولوگييالىق ساياباق جاساۋدى ۇسىنىپ وتىر, – دەيدى الماتى قالاسى مادەنيەت باسقارماسىنىڭ باس مامانى ماعجان ساماتۇلى.
ىس-شارادان كەيىن بولعان ۇزاق اڭگىمە-دۇكەن بارىسىندا ەكسكۋرتسيياعا قاتىسۋشىلار بىزدىڭ وتانىمىزدىڭ تاريحى مەن مادەني مۇراسىنا قانىعىپ, بىلىمدەرىن تولىقتىردى. بارلىق قاتىسۋشىلارعا سىيلىق رەتىندە كىتاپتار تاپسىرىلدى. بۇل كىتاپتى وقىعان جاس­تاردىڭ ۇلتتىق ساناسى نىعايادى, اربىر جاستىڭ بويىنا پاتريوتيزم سەزىمى ۇيالايدى دەپ سانايدى شارانى ۇيىمداستىرۋشىلار.

قايىرجان تورەجان

 

بولىسۋ:

پىكىر جازۋ


*