ەكىجاقتى پىكىر الماستى

416
0
بولىسۋ:

 

«نۇر وتان» پارتيياسى تاراز  قالالىق فيليالىنىڭ ۇيىمداستىرۋىمەن   قالالىق ماسليحاتتاعى دەپۋتاتتىق فراكتسييا مۇشەلەرىنىڭ قاتىسۋىمەن «فراكتسييا قىزمەتىنىڭ تيىمدىلىگىن ارتتىرۋ» اتتى تاقىرىپتا سەمينار وتتى.

جيىندا ەلباسى, پارتييا توراعاسى ن.نازارباەۆتىڭ «بولاشاققا باعدار: رۋحاني جاڭعىرۋى» ماقالاسى جانە فراكتسييا قىزمەتىنىڭ تيىمدىلىگىن ارتتىرۋ جولدارى تالقىلاندى.

شاراعا تاراز قالاسىنىڭ اكىمى رۇستەم داۋلەت, تاراز قالالىق ماسليحاتىنداعى دەپۋتاتتىق فراكتسيياسىنىڭ جەتەكشىسى ارىن اسقاربەكوۆ, پارتييا اكتيۆتەرى, قالالىق دەپتۋتاتتىق فراكتسييا مۇشەلەرى جانە باق وكىلدەرى قاتىستى.

جيىندا قالا اكىمى رۇستەم داۋلەت مەملەكەت باسشىسىنىڭ باعدارلامالىق ماقالاسى ەلىمىزدىڭ جاڭا تاريحي كەزەڭگە كوشەتىن قۇجات ەكەنىن اتاپ وتتى. پارتييانىڭ سايلاۋالدى باعدارلاماسىنىڭ ورىندالۋى, فراكتسييا مۇشەلەرىنىڭ سايلاۋشىلارمەن كەزدەسۋلەرى, باستاۋىش پارتييا ۇيىمدارىمەن قارىم-قاتىناسى تۋرالى فراكتسييا مۇشەسى جانار ورىنباەۆا جان-جاقتى تۇسىنىكتەمە بەردى.

فراكتسييا مۇشەلەرىنىڭ وزدەرى ەسەپتە تۇراتىن باستاۋىش پارتييا ۇيىمدارىندا ەسەپ بەرۋى مەن ازاماتتاردى جەكە ماسەلەلەرى بويىنشا قوعامدىق قابىلداۋلار وتكىزۋ تۋرالى «بايتەرەك» باستاۋىش پارتييا ۇيىمىنىڭ توراعاسى مۇرات بەرداليەۆ ايتىپ وتتى.

جاستار ساياساتى مەن پارتييالىق جوبالارعا قاتىسۋى تۋرالى پارتييا تاراز قالالىق فيليالى جانىنداعى «جاس وتان» جاستار قاناتى بولىمشەسىنىڭ باسشىسى باقكەلدى تۇرسىنبەك وز ويىمەن بولىستى.

جيىندا سوز العان تاراز قالالىق ماسليحاتىنىڭ حاتشىسى باتىربەك قۇلەكەەۆ «قازاقستان رەس­پۋب­ليكاسىنداعى جەرگىلىكتى مەملەكەتتىك باسقارۋ جانە وزىن-وزى باسقارۋ تۋرالى» زاڭىندا كورسەتىلگەن ماس­ليحات دەپۋتاتتارىنىڭ وز وكىلدىكتەرىن جۇزەگە اسى­رۋ كەزىندەگى قۇقىق­تارى, مىندەتتەرى مەن جاۋاپ­كەرشىلىگى جانە دەپۋتاتتىق ساۋالدار جايىندا بايانداپ بەردى.

«نۇر وتان» پار­تيياسى تاراز قالالىق ماسليحاتىنداعى دەپۋتاتتىق فراكتسيياسىنىڭ مۇشەسى قايرات جەتىباەۆ فراك­تسييانىڭ نەگىزگى فۋنك­تسييالارى مەن قۇزىرەتى, ونىڭ قىزمەتىن ۇيىمداستىرۋ جانە قۇرى­لىمدارىمەن وزارا ىس-قيمىل تارتىبى تۋرالى اتاپ وتتى.

سەمينار – كەڭەستى قو­رى­تىندىلاعان «نۇر وتان» پارتيياسى تاراز قالالىق فيليالى توراعاسىنىڭ بىرىنشى ورىنباسارى ارىن ىليياسۇلى: «ماسليحات دەپۋ­تاتتارىنىڭ حالىق­پەن اتقارعان جۇمىستارىن سايتتارعا شىعارۋىمىز كەرەك. ولاردىڭ ىستەرىن ناسيحاتتاۋ ارقىلى بىز پارتييا­نىڭ دا بەدەلىن كوتەرەمىز. الداعى 5 جىل ىشىندە جۇكتەلگەن مىندەت­تەردى اتقارا وتىرىپ, باعدارلامالارعا ىقپال جاسايمىز», – دەدى.

ەرمان ابديەۆ,

تاراز قالاسى

بولىسۋ:

پىكىر جازۋ


*