Ядролық қарусыздануды қолдайды

159
0
Бөлісу:

Кеше Сенат төрағасы Қасым-Жомарт Тоқаев Пагуош ғалымдар қозғалысының бас хатшысы Котта Рамусино Паолоны қабылдады. Кездесу барысында 2017 жылы Қазақстанда Пагуош конференциясын өткізу мәселелері қаралды.

Сенат төрағасы Қазақстан тарапы бұл маңызды шараны жоғары деңгейде ұйымдастыруға ниеттеніп отырғанын хабарлады. 1957 жылы құрылған Пагуош қозғалысы жаһандық ауқымда бей­бітшілікті, қарусыздануды, бей­бітшілікті және ғылыми ынтымақ­тас­тықты жақтайтын ғалымдарды, саяси және қоғам қайраткерлерін біріктіреді. Бұл қозғалыс қарусыздану және қауіп­сіздік саласындағы ядролық қаруды ауада, ғарыш кеңістігінде және су ас­тында сынауға тыйым салу туралы шарт, зымыранға қарсы қорғаныс жүйесін шектеу туралы шарт, Биологиялық және химиялық қару түрлеріне тыйым салу туралы конвен­ция, Еуропадағы жай қару-жарақтар туралы шарт және басқа да көптарапты келісімдерді әзірлеу мен қабылдауда маңызды рөл атқарды. Ұйым 1995 жылы бейбітшілік саласындағы Нобель сыйлығына ие болды.
Қ.Тоқаевтың айтуынша, Қазақстан Пагуош қозғалысының идеялары мен құндылықтарын жақтайды. Қарусыз­дану мен қауіпсіздік саласындағы халықаралық келісімдерді әзірлеу мен қабылдаудағы рөлін жоғары бағалайды. Қозғалыс мүшелерінің Астанада осындай кездесу өткізуге ниет білдіруі – еліміздің және Семей ядролық полигонын жауып, әлемдегі төртінші орынға ие болған ядролық қарудан бас тартқан әрі адамзатты ядролық қауіптен құтқару ісіне зор үлес қосқан Президент Нұрсұлтан Назарбаевтың халықаралық беделінің көрінісі.

Ерік ЕРДЕНОВ

Бөлісу:

Пікір жазу


*