چەمپيوندار ساربازدارمەن جۇزدەستى

181
0
بولىسۋ:

قازاقستان رەسپۋبليكاسى قورعانىس مينيسترىلىگىنە قاراستى ارميياشىلاردىڭ ورتالىق سپورت كلۋبى (اوسك) وز قاتارىنداعى سپورتشىلاردى كەڭ بايتاق ەلىمىزدىڭ ار قيىرىندا ورنالاسقان گارنيزوندارعا اپارۋدى جاقسى بىر داستۇرگە اينالدىردى.

تاياۋدا سونداي بىر يگى شارا شىمكەنتتە ۇيىمداستىرىلدى. اتالمىش شاھاردا ورنالاسقان №35748 اسكەري بولىمشەگە ايگىلى سپورتشىلار ولگا رىپاكوۆا پەن دەنيس ۋلانوۆ ات باسىن بۇردى. بۇل ەسىمدەر جانكۇيەرلەرگە جاقسى تانىس. رىپاكوۆا ۇش قارعىپ سەكىرۋ جاتتىعۋى بويىنشا ۇش بىردەي وليمپيادا ويىندارىندا جەڭىس تۇعىرىنا كوتەرىلگەن ايگىلى جەڭىل اتلەت. 2012 جىلى ول لوندوندا التىننان القا تاعىنسا, 2008 جىلى بەيجىڭ جانە 2016 جىلى ريو دە جانەيرودا قولا مەدالدى قورجىنعا سالدى. الەم چەمپيوناتىندا ەكى رەت جۇلدەگەرلەر قاتارىنان كورىنىپ, ازييا ويىندارىندا ۇش رەت باس جۇلدەنى ولجالادى. اۋىر اتلەتيكانىڭ حاس شەبەرى ۋلانوۆ ريو وليمپياداسىندا قولاعا قول سوزسا, تاشكەنتتە ازييا چەمپيونى اتاندى.

ولگا رىپاكوۆا جانە دەنيس ۋلانوۆ شىمكەنتتەگى گارنيزوندا وتان الدىنداعى ازاماتتىق بورىشتارىن وتەپ جۇرگەن جاۋىنگەرلەرمەن, ساردارلاردىڭ بالالارىمەن جانە رەسپۋبليكالىق «جاس ۇلان» مەكتەبىنىڭ تاربيەلەنۋشىلەرىمەن كەزدەستى. كوپشىلىكتى تولعاندىرعان ساۋالدارعا جاۋاپ بەرگەن ايگىلى سپورتشىلار كەزدەسۋ سوڭىندا اسكەري بولىمشەنىڭ اللەياسىندا تال ەكتى.

 

عالىم سۇلەيمەن

 

بولىسۋ:

پىكىر جازۋ


*