سەن مەنىڭ سىرلاسىمسىڭ ولەڭ دەگەن…

630
1
بولىسۋ:

 27 ساۋىر كۇنى الماتى قالاسى مادەنيەت جانە ارحيۆتەر باسقارماسىنىڭ قولداۋىمەن «الاتاۋ» داستۇرلى ونەر تەاترىندا اقىن, مادەنيەت قايراتكەرى سەرىك قاليەۆتىڭ «جاسىننىڭ وتى جانىمدا» اتتى شىعارماشىلىق كەشى وتەدى.    

ادەبي-مۋزىكالىق كەزدەسۋگە قازاقستاننىڭ ەڭبەك سىڭىرگەن قايراتكەرى ەركىن شۇكىمانوۆ, التىناي جوراباەۆا, مەيرامبەك بەسباەۆ, توقتار مەن بەيبىت, گۇلبارشىن تەرگەۋبەكوۆا, عاني ماتەباەۆ, مۇراتبەك سارباسوۆ, قانات ۇمبەتوۆ جانە حالىققا تانىمال ايتىس اقىندارى رينات زايتوۆ, سارا توقتامىسوۆا, اينۇر تۇرسىنباەۆا, سەرىكزات دۇيسەنعازين جان باسقا ونەر وكىلدەرى قاتىسادى.

«ايقىننىڭ» انىقتاماسى:

سەرىك قاليەۆ – 1972 جىلى شىعىس قازاقستان وبلىسى, تارباعاتاي اۋدانىندا دۇنيەگە كەلگەن. ال-فارابي  اتىنداعى  قازاق ۇلتتىق  ۋنيۆەرسيتەتىنىڭ  فيلولوگييا  فاكۋلتەتىن, ماگيستراتۋراسىن  تامامداعان. قازاقستان جازۋشىلار وداعىنىڭ, ايتىس اقىندارى مەن جىرشى-تەرمەشىلەردىڭ حالىقارالىق وداعىنىڭ مۇشەسى. رەسپۋبليكالىق اقىندار ايتىسىنىڭ جۇلدەگەرى. «تولقىننان تولقىن تۋادى», «جاس اقىندار  انتولوگيياسى» جىر جيناقتارى  مەن «جىر مارجان» اتتى 10 تومدىق پوەزييا انتولوگيياسىنا توپتاما  ولەڭدەرى ەنگەن.  2007 جىلى «كوزايىم», 2012 جىلى «ۋاقىت كەرۋەنى» جىر جيناعى جارىق كورگەن. ەلۋگە تارتا  تانىمال  اندەردىڭ  ولەڭىن  جازعان.

ال-فارابي اتىنداعى قازاق ۇلتتىق  ۋنيۆەرسيتەتىندەگى  ستۋدەنتتەر  كلۋبىنىڭ  ديرەكتورى, قازاق راديوسىندا بولىم مەڭگەرۋشىسى, «اتامۇرا» كورپوراتسيياسىندا اعا رەداكتور, قازاق مەملەكەتتىك قىزدار پەداگوگيكالىق ۋنيۆەرسيتەتى «قىزدار ۋنيۆەرسيتەتى»  باسپاسىنىڭ  ديرەكتورى قىزمەتتەرىن اتقارعان.
2010 جىلى مادەنيەت  قايراتكەرى  توسبەلگىسىمەن ماراپاتتالعان.

 

سەرىك قاليەۆتىڭ ولەڭدەرى

كەۋدەم مەنىڭ ساعىنىشتىڭ تەڭىزى,

تولقىندارى اڭساۋلاردان قۇرالعان.

مۇڭ مەن كۇلكى بىر-بىرىنىڭ ەگىزى,

شاعالا بوپ شارىقتايدى مىڭ ارمان.

 

جاعالاۋىن شارق ۇرادى ۇمىتىم,

ساعىممەنەن ارىلتپاق بوپ كۇماننان.

ساعىنىشىن تىنباي ىزدەپ كۇنى-تۇن,

ساعىنىشقا جولىعادى كىل الدان.

 

ساعىنىشپەن باسىپ كەتكەن ىزىڭ – گۇل,

وڭىم تۇگىل قول جەتەر مە تۇسىمدە.

سىرعا تولى جۇرەگىم دە جۇزىپ جۇر,

كەۋدەمدەگى سول تەڭىزدىڭ ىشىندە.

 

كەۋدەم مەنىڭ ساعىنىشتىڭ تەڭىزى,

بۋىرقانسا الابۇرتقان كوڭىلىم.

ساعىنىشتان تۇرادى ەكەن نەگىزى,

مىنا جەردىڭ بەتىندەگى ومىرىم.

 

جۇرەككە مورى باسىلعان,

تۋعان جەر دەيتىن قۇجاتتىڭ.

ارمانىمدى  ىزدەپ عاسىردان,

وزىڭنەن كەتتىم ۇزاپ تىم.

 

ساعىمداي جىلدار كوشكەندە,

ساعىنىش مۇڭىن ىشەمىن.

جۇلدىزىم كوكتەن وشكەندە,

وزىڭە اعىپ تۇسەمىن.

***

سەن مەنىڭ سىرلاسىمسىڭ ولەڭ دەگەن,

سەنى ويلاپ اڭساپ كۇتىپ ەلەڭدەگەم.

سەن مەنسىز ومىر سۇرە العانىڭمەن,

مەن سەنسىز قۋانىشقا بولەنبەگەم.

 

سەن مەنىڭ مۇڭداسىمسىڭ ولەڭ دەگەن,

ەگىزدەي تىرشىلىكتى تەل ەمگەن ەم.

قيياناتتان شايلىققان جۇرەگىمنىڭ,

تامىرىنا نار بەرىپ مەنى ەمدەگەن.

 

سەنى مەنىڭ قاناتىمسىڭ ولەڭ دەگەن,

كەزىڭ جوق الاسارىپ تومەندەگەن.

پارىزىم بار الدىڭدا وتەلمەگەن,

قارىزىم بار وزىڭە تولەنبەگەن.

***

مەن جۋىپ تاۋىسامىن قاي كۇنانى,

ازايعان جوق جۇرەكتە قايعىم الى.

مەنىڭ اكەم ومىردەن قايتقان كۇنى

اسپانىمنان شىتىناپ اي قۇلادى.

تۇسىمە ەنسەڭ سول باياعى كەيپىڭدە,

ال, مەن وكسىپ ويانۋشى ەم كەي تۇندە.

قۇلاعان اي جەرگە تۇسكەن شىتىناپ,

جارتى اي بولىپ قادالىپ تۇر بەيىتىڭدە.

اسىل اكە, جارىق شاشقان وز ايىم,

كوڭىلىمە قوناقتاپ جۇر تەز ۋايىم.

ەرىن سايلاپ, ورىپ جۇرمىن قامشىسىن,

سەن كورمەگەن نەمەرەڭ بار كوزايىم.

قانشايىم بايداۋلەت

 

 

بولىسۋ:

1 پىكىر جازىلعان

  1. سەرىكباي ماحانۇلى 4 مامىر, 2017 at 18:35 جاۋاپ

    تالاسىپ نە كەرەك ?
    اۋلاققا ىز تاستاپ ومىر وتكەلىن ,
    كۇننىڭ وزى ساۋلەسىمەن وتكەنىن .
    بايقايسىڭ با , قىرعا شىعىپ سەزىنشى
    جايماشۋاق كەلىپ جەتكەن كوكتەمىن .

    كەرىم دالا گۇل راۋشان تاعىنىپ ,
    ان قۇستارى قانات قاقتى ساعىنىپ .
    مازالايدى جۇرەك , مۇلگىپ تۇر اسپان
    امالسىزدان قۇدىرەتكە باعىنىپ.

    تۇتاسقانداي كوك تەگەنە سۇر بوياۋ,
    ۇقساعانداي دۇنيەلەر تۇر وياۋ .
    جىلى لاپتى يتەرمەلەپ اساۋ جەل
    اداسقانداي الدە كىممەن جۇر جاياۋ .

    ادام پەندە اڭدىسقانداي زۋىلداق ,
    اپتىعاسىڭ قايدا عانا زۋىلداپ .
    اسىقپاعىن , اياعىڭدى ساناي باس
    تۇرعان جوق قوي تاباق تولى قۋىرداق .

    تىرشىلىكتە ولىم دەگەن زور قاۋىپ ,
    ومىرىڭە المايسىڭ با جول تاۋىپ ?
    اجال كەلىپ تاۋسىلعاندا دام – تۇزىڭ
    قالار بارى , جيعان مالىڭ قور بولىپ .

    كەرەگى نە , پىرلەرىڭە سۇيەنىپ ?
    باق تالاسىپ , كەۋدە كەرىپ شىرەنىپ .
    شاماڭ كەلسە قايرىمدىلىق جاساعىن
    جۇرە بەرمەي كورىنگەنگە تىلەنىپ ? !

پىكىر جازۋ


*