جاھاندىق باسەكەگە قابىلەتتى – قازاقستان

269
0
بولىسۋ:

جىلدار جىلجىعان سايىن مەملەكەتتىڭ الەۋەتى  شيكىزات رەسۋرستارىنان گورى عىلىم مەن بىلىمگە تاۋەلدىلىگى ايقىندالا باستادى.

ەل مەن ەلدىڭ, حالىق پەن ۇلتتىڭ جارقىن بولاشاعىن ىزگىلىككە نەگىزدەلگەن عىلىمي تەحنيكالىق يگىلىكپەن بايلانىستىرۋى دا زاڭدى. سەبەبى, بۇل – جاھاندانۋ كەزەڭىنىڭ جاسامپاز قاجەتتىلىگى.  ال-فارابي ايتقانداي, «بىلىمگە باس ۇرعان قايىرىمدى قالا تۇرعىندارىنىڭ كەلەشەگى كەمەلدى» بولاتىندىعىن اڭعارتسا كەرەك.  سانالى تاربيە مەن ساپالى بىلىمدى شامشىراق قىلعان بىلىمنىڭ قارا شاڭىراعى ال-فارابي اتىنداعى قازۇۋ -دە دامىعان ەلدەردىڭ وزىق بىلىم وردالارىمەن يىق تىرەسىپ, عىلىم  جولىندا كوش باستاپ كەلەدى. بۇل – شىندىق.  ونىڭ ايقىن دالەلى – ۋنيۆەرسيتەتتىڭ عىلىمي-تەحنولوگييالىق پاركى.  بۇگىنگى جاس مامان بولعانىمەن, ەرتەڭگى زييالى قاۋىم قاتارىن قالىپتاستىرۋدى كوزدەيتىن ورتالىق از ۋاقىت ىشىندە ەلەۋلى تابىستارعا قول جەتكىزىپ ۇلگەردى.  جاس عالىمداردىڭ عىلىمي زەرتتەۋ ەڭبەكتەرى مەن تاجىريبەلىك ىزدەنىستەرى  ىس جۇزىندە جۇزەگە اسىپ, قازاق عىلىمىنىڭ دامۋىنا كەلەلى ۇلەس قوسىپ جاتقانىن بۇگىندە ەشكىم جوققا شىعارا الماس. ناقتىراق ايتساق, قازاق ۇلتتىق ۋنيۆەرسيتەتىنىڭ IV ستۋدەنتتەر جانە جاس عالىمداردىڭ «فارابي الەمى» اتتى حالىقارالىق عىلىمي كونفەرەنتسيياسى – عىلىمي-وندىرىستىك جوبالاردى جۇزەگە اسىراتىن تەڭدەسسىز جيىن. ستۋدەنتتەر مەن جاس عالىمداردىڭ عىلىمي-ىزدەنىس پەن وقۋ-تانىمدىق ىس-ارەكەتىن ىنتالاندىرۋ, قازىرگى عىلىمي ماسەلەلەردى شەشۋ, سونىمەن قاتار شىعارماشىلىق قابىلەتتەرىن دامىتۋ ماقساتىندا IV ستۋدەنتتەر جانە جاس عالىمداردىڭ «فارابي الەمى» اتتى حالىقارالىق عىلىمي كونفەرەنتسيياسى وتتى. كونفەرەنتسيياعا ستۋدەنتتەر مەن جاس عالىمدار بەلسەندى قاتىستى, اسىرەسە ونىڭ ىشىندە ەكونوميكا جانە بيزنەس جوعارى مەكتەبىنىڭ “ەكونوميكا” ماماندىعىنىڭ 2-كۋرس ماگيسترانتى ەركىن نازارباي وزىنىڭ «ورتالىق ازييا مەملەكەتتەرىنىڭ ترانسفورماتسييالاۋ مودەلى مەن قازىرگى دامۋ دەڭگەيى» اتتى ەڭبەك جۇمىسىنىڭ وزەكتىلىگى بويىنشا ەرەكشەلەندى.

جاھاندىق ەكونوميكالىق ينتەگراتسييا پروتسەسىنىڭ جەدەلدەتۋىمەن بايلانىستى ار مەملەكەتتىڭ حالىقارالىق نارىقتىق باسەكەلەستىك ورتاداعى جاڭا مۇمكىندىكتەر مەن قيىندىقتار جانە ماسەلەلەر كۇن سايىن ارتۋدا. سوعان بايلانىستى ورتالىق ازييا مەملەكەتتەرى وز ەكونوميكاسىن تۇراقتى جانە قارقىندى دامىتۋ ماقساتىندا بىرقاتار ايماقتىق ىنتىماقتاستىق مەحانيزمدەر قۇرۋ ارقىلى ايماقتاعى ىشكى ماسەلەلەر مەن قيىندىقتاردى شەشىپ, مەملەكەتتىك ستراتەگييالىق ماقساتتارىن جۇزەگە اسىرۋدا. كونفەرەنتسييا بارىسىندا ماگيسترانت وزىنىڭ ماماندىعىنىڭ عىلىمي زەرتتەۋ ادىستەرى مەن زاڭدىلىقتارى مەن تالاپتارىنا سايكەس بىرقاتار ماڭىزدى زەرتتەۋلەر جۇرگىزىپ, قازىرگى جاھاندىق ماسەلەلەردى قاراستىرا وتىرىپ, اتالمىش تاقىرىپ اياسىندا ماسەلەلەردى شەشۋ مەن جاڭا مودەلدەردى جۇزەگە اسىرۋدىڭ ەڭ تيىمدى ادىستەرىن ۇسىندى.

ماگيسترانت كونفەرەنتسييا وتكىزۋ بارىسىندا بىلىكتى ماماندارمەن سۇحباتتاسا وتىرىپ, ايتۋلى مارتەبەلى شارانىڭ الەۋمەتتىك جانە ەكونوميكالىق ماسەلەلەردى  تيىمدى شەشۋدىڭ نەگىزگى باستاۋى  ەكەنىنە كوز جەتكىزدى.

ەركىن نازارباي, «ەكونوميكا» ماماندىعىنىڭ 2-كۋرس ماگيسترانتى, ەكونوميكا جانە بيزنەس جوعارى مەكتەبى,

س. كوندىباەۆا, «ەكونوميكا» كافەدرا مەڭگەرۋشىسىنىڭ عىلىمي-يننوۆاتسييالىق جۇمىس جانە حالىقارالىق بايلانىستار جونىندەگى ورىنباسارى

بولىسۋ:

پىكىر جازۋ


*