МИЛЛИОНЫНШЫ ҚОНАҚ

Түркістан облысының әкімі Жансейіт Түймебаев  Қожа Ахмет Яссауи кесенесіне келген миллионыншы қонақты күтіп алды. Өңір басшысы мұхиттың ар жағынан – АҚШ-тың Солтүстік Королина штатынан Яссауи кесенесін көруге келген ерлі-зайыпты Уильям және Барбара Брэнчтерді  қазақтың қонақжай салтымен қарсы алып, шапан кигізіп, қолына қамшы ұстатып, тайқазан сыйлады. Туристерді  өңірдегі туризмді дамыту мақсатында атқарылып жатқан жұмыстармен таныстырды.

Кездесуде Уильям Брэнч елімізге алғаш келіп отырғанын, жалпы Аме­рика азаматтары Орталық Азия елдері ішінде Түркістанға жиі келетінін жет­кізді.
«Түркістан – Орталық Азия мем­ле­­кеттері ішіндегі тарихы бай, киелі ме­кендердің бірі. Біздің ел азамат­тары осы қасиетті қалаға жиі келеді. Түр­кістан қаласы мен Яссауидің тари­хынан хабардармыз. Қазақ­станға, Түр­кістан өңіріне келгелі қазақ хал­қының қонақжайлығы мен дарқан көңі­ліне куә болып жүрміз. АҚШ-қа бар­ғаннан кейін ондағы отан­дас­т­а­ры­мызға осы құнды­лықтарыңызды жет­кіземіз», – деді Уильям Брэнч.
– Сіздерді қасиетті қаламыздың мил­лионыншы турисі атану­ларыңыз­бен құттықтаймын. Бұл – біз үшін қуа­ныш. Мәселен, дәл бүгін Түркістан қа­ласына келушілер саны 1 млн адам­ға жетіп, өткен жыл­дың осы ке­зеңі­мен салыстыр­ғанда, 57,2 пайызға артып отыр. Сонымен қатар өңірде туризмді дамыту үшін жүйелі бағдарламалар даяр­ладық. Алдағы уақытта келу­шілер са­ны тағы арта түседі деп жоспарлап отыр­мыз, – деді Жансейіт Қансейіт­ұлы.
2018 жылдың ІІ тоқсанының қо­ры­тындысы бойынша облысқа келу­шілер саны 65,4 мың адамға жетіп, өткен жылдың осы кезеңімен салыс­тыр­ғанда 7,7 пайызға артқан. Бұдан өзге, орналастыру орында­рымен көр­сетілген қызмет көлемі биылғы жыл­дың алты айында 543,7 млн теңгеге же­тіп, өсу қарқыны 16,8 пайызға өс­кен.
Сондай-ақ Қазақстанның турис­ти­фикациялау картасының респуб­ли­ка­лық маңызы бар ТОП-10 нысанына облыстан «Әзірет Сұлтан» қорық-мұра­жайы енгізілген.

Тельман БЕЙСЕН