جاعىمسىز ارەكەتتەن ساق بولۋعا شاقىردى

203
0
بولىسۋ:

تۇركىستان قالاسىندا «نۇر وتان» پار­تيياسى وبلىستىق فيليالىنىڭ كەزەكتى حححV ەسەپ بەرۋ-سايلاۋ كونفەرەنتسيياسى وتتى. كونفەرەنتسييادا كۇن تارتىبىندە تورت ماسەلە قارالدى جانە بايانداماشىلار سۇراق-ساۋال­دارعا جاۋاپ بەردى. كونفەرەنتسيياعا «نۇر وتان» پارتيياسىنىڭ حاتشىسى ق.جۇماشەۆ, وبلىس اكىمى, «نۇر وتان» پارتيياسى تۇر­كىستان وبلىستىق فيليالىنىڭ توراعاسى ج.تۇيمەباەۆ, «نۇر وتان» پارتيياسى وبلىس­تىق فيليالى توراعاسىنىڭ بىرىنشى ورىن­با­سارى ن.جولداسوۆ, وبلىستىق ماسليحاتتىڭ حات­شىسى ق.بالابيەۆ جانە پارتييا فيليا­لىنىڭ ساياسي كەڭەس مۇشەلەرى, ماسليحات دەپۋتات­تارى, باستاۋىش پارتييا ۇيىمدارى­نىڭ باسشىلارى, مەملەكەتتىك ورگانداردىڭ باسشىلارى, باق وكىلدەرى قاتىستى.

كۇن تارتىبىندە تورت ماسەلە قارالدى. اتاپ ايتقاندا, ەلباسى نۇرسۇلتان نازارباەۆتىڭ «قازاقستاندىقتاردىڭ ال-اۋقاتىنىڭ وسۋى: تابىس پەن تۇرمىس ساپاسىن ارتتىرۋ» اتتى قازاقستان حالقىنا جول­داۋىنان تۋىندايتىن مىندەتتەرى مەن وبلىستىق ساياسي كەڭەسىنىڭ 2017-2018 جىلدارى اتقارعان جۇمىستارىنىڭ ەسەبى تۋرالى, «نۇر وتان» پارتيياسى تۇركىستان وبلىستىق فيليالى باقىلاۋ-تەكسەرۋ كوميسسيياسىنىڭ 2017-2018 جىلدارى اتقارعان جۇمىستارىنىڭ ەسەبى تۋرالى, تۇركىستان وبلىستىق فيليالىنىڭ ساياسي كەڭەس قۇرامىن سايلاۋ جانە «نۇر وتان» پارتيياسى تۇركىستان وبلىستىق فيليالى باقىلاۋ-تەكسەرۋ كوميسسيياسىنىڭ قۇرا­مىن سايلاۋ وتتى.
ەلباسىنىڭ «قازاقستاندىقتاردىڭ ال-اۋقاتىنىڭ وسۋى: تابىس پەن تۇرمىس ساپاسىن ارتتىرۋ» جولداۋىن تۇركىستان وبلىسىندا جۇزەگە اسىرۋ بارىسى تۋرالى جانسەيىت تۇيمەباەۆ باياندادى.
«نۇر وتان» پارتيياسىنىڭ حاتشىسى قانىبەك جۇماشەۆ ەلباسىنىڭ «قازاق­ستان­دىقتاردىڭ ال-اۋقاتىنىڭ وسۋى: تابىس پەن تۇرمىس ساپاسىن ارتتىرۋ» جولداۋى بويىنشا ەلىمىزدەگى اتقارىلىپ جاتقان جۇمىستار جايىنا توقتاپ, جالپى پارتييا تاراپىنان ناقتى اتقارىلىپ جاتقان ىستەردى ايتىپ بەردى.
«بۇگىن تۇركىستان قالاسىندا پارتييا­نىڭ وبلىستىق فيليالىنىڭ سوڭعى ەكى جىلدا اتقارىلعان جۇمىستارىنىڭ ەسەبى بەرىلىپ وتىر. وڭىردىڭ ەكونوميكالىق-ساياسي الەۋمەتتىك دامۋىندا بىزدىڭ پارتييا­لاستاردىڭ ەڭبەگى وتە زور دەپ ەسەپتەيمىن. سوندىقتان فيليالداعى بۇگىنگى سايلانىپ, بەكىتىلىپ وتىرعان پارتييانىڭ ساياسي قۇرا­مىنا الداعى اتقارار جۇمىستارىنا سات­تىلىك تىلەيمىن. قازىر ەلباسىنىڭ جول­داۋىن تالقىلاۋعا جانە ونى جان-جاقتى تۇسىندىرۋ ماقساتىندا دەپۋتاتتار ار وڭىر­لەرگە شىعىپ جاتىر. ەندى الداعى كۇندەرى بۇل جولداۋداعى ايتىلعان مىندەتتەر مەن تاپسىرمالاردى جۇزەگە اسىرۋ ماڭىزدى بولىپ وتىر. جولداۋداعى اتقارىلار جۇ­مىستاردى «نۇر وتان» پارتيياسى نەگىزگى جۇزەگە اسىرۋشى, باقىلاۋشى ساياسي مۇم­كىندىكتى الىپ وتىر. وسى قوعامدىق باقى­لاۋدى قامتاماسىز ەتۋ ۇشىن تيىستى ورىن­داردى, قوعامدىق ۇيىم­داردى, بارلىق ۇكىمەتتىك ەمەس ۇيىمداردى جانە پارلا­مەنت دەپۋتاتتارى دا بۇل جۇمىسقا تىكەلەي تارتىلاتىن بولادى» دەدى ق.جۇماشەۆ.
پارتييا حاتشىسى 7 باعدارلامانىڭ قولعا الىنعانىن دا جەتكىزدى. سونداي-اق, ول سوز اراسىندا اتقارىلار اربىر جۇمىس­تار­دىڭ اشىقتىعىنا اسا مان بەرۋ كەرەك­تىگىن اتاپ كورسەتتى. تۇركى الەمىنىڭ مادەني جانە رۋحاني ورتالىعى اتانعان تۇركىستان وڭىرىندە سىبايلاس-جەمقورلىق سىندى جاعىمسىز ارەكەتتەردەن اۋلاق بولۋى كەرەكتىگىن دە ايتتى.


كونفەرەنتسييا بارىسىندا پارتييا فيليالى توراعاسىنىڭ بىرىنشى ورىنبا­سارى نۇرماحان جولداسوۆ 2017-2018 جىل­دارى اتقارىلعان جۇمىستار تۋرالى ەسەبىن باياندادى.
«ەلباسى نۇرسۇلتان نازارباەۆ بيىل 5 قازاندا قازاقستان حالقىنا جولداۋىن جولدادى. جولداۋدىڭ ەرەكشەلىگى ەلگە قاجەت الەۋمەتتىك ماسەلەلەردى شەشۋگە, حالىق تابىسىنىڭ وسۋىنە باعىتتالعان. جولداۋدا ايتىلعان ەڭ تومەنگى جالاقى مولشەرى 28 مىڭنان 42 مىڭعا ۇلعايتىلىپ, 1,3 ملن جالدامالى جۇمىسكەردىڭ جالاقى­سىنىڭ 30%-عا ارتىپ, ەلىمىزدەگى ورتاشا تابىس پەن تومەنگى تابىستىڭ اراسىنداعى الشاقتىقتىق تەڭگەرىمىنە وڭ اسەر ەتتى. بۇگىنگى تاڭدا وبلىس اۋماعىندا 9 798 كاسىپ­ورىن بار. ەڭ تومەنگى جالاقىنى كوتەرۋ بويىنشا كاسىپورىنداردا, ەڭبەك ۇجىم­دارىندا تۇسىندىرۋ, ناسيحاتتاۋ جۇمىستارى جۇرگىزىلۋدە» دەگەن نۇرماحان ميياتۇلى «نۇر وتان» پارتيياسى تۇركىستان وبلىستىق فيليالى ساياسي كەڭەسىنىڭ 2017-2018 جىل­دارى اتقارعان جۇمىستارىنا توقتالدى.
وبلىستىق پارتييا فيليالى تاراپىنان اۋماقتاردا ورىن العان وزەكتى ماسەلەلەردى شەشۋ ماقساتىندا سايرام, ورداباسى, تۇركىستان, بايدىبەك, ماقتارال اۋماقتا­رىندا كوشپەلى قوعامدىق قابىلداۋ وت­كىزىلگەن. تارقاتىپ ايتقاندا, 61 ازاماتتىڭ وتىنىشى قارالىپ, ونىڭ 29-ى وڭ شەشىمىن تاپتى. اۋماقتىق فيليالدارى تاراپىنان 98 كوشپەلى قوعامدىق قابىلداۋ وتكىزىلىپ, 787 ازاماتتىڭ وتىنىشى قارالىپ, ونىڭ 302 (38,3 پايىز) وڭ شەشىمىن تاپتى. تاعى بىر بەلگىلى بولعانى, جالپى 25 ازامات جەم­قورلىق ارەكەتتەرى ۇشىن پارتييا قاتارىنان شىعارىلعان.
كونفەرەنتسييا سوڭىندا ساياسي كەڭەس قۇرامىنا وزگەرىستەر ەنگىزىلىپ, پارتييالىق باقىلاۋ كوميسسيياسى سايلاندى. شارادان سوڭ «نۇر وتان» پارتيياسىنىڭ حاتشىسى قانىبەك جۇماشەۆ تۇركىستان قالاسىنداعى «بالالار مەن جاسوسپىرىمدەر» ورتالىعىندا جۋىردا عانا اشىلعان IT سىنىبىن ارالاپ, ونداعى جۇمىستارمەن تانىستى.

تەلمان بەيسەنوۆ, تۇركىستان وبلىسى

بولىسۋ:

پىكىر جازۋ


*