اشىق دارىس وتتى

135
0
بولىسۋ:

بۇگىندە پارتييالىق كادرلاردىڭ قازىرگى كەزدەگى ساياسي ولشەمدەر مەن كريتەرييلەرگە لايىق بولۋى – جاڭا زاماننىڭ باستى تالابىنا اينالدى. وسىعان وراي پارتييا توراعاسى دا پارتييالىق وقىتۋ جۇيەسىن دامىتۋ بويىنشا قىزمەتكەرلەرگە بىرقاتار ماڭىزدى مىندەتتەردى جۇكتەگەن بولاتىن.

«نۇر وتان» پارتيياسىنىڭ ساياسي مەنەد­جمەنت اكادەميياسىندا وففلاين وقىتۋ بويىنشا «ساياسي تەحنولوگييالار مەن كوممۋنيكاتسييالار» اتتى اشىق دارىس وتتى. پراكتيكالىق ساباق كەزىندە «پار­تييالىق قىزمەتتەگى ساياسي ماركەتينگ», «ساياسي ماركەتينگ ادىستەرى مەن ماقساتى», «كوشباسشىلىق – ساياسي ماركەتينگ», «ستراتەگييالىق كوشباسشىنىڭ بەينەسى», «ساياسي نارىقتى قامتۋ ستراتەگييالارى», «توپتىق ستراتەگييالاردى سالىستىرۋ», «قازىرگى ەلەكتروليت ترەندتەرى», «ەلەكتر نارىعىنىڭ سەگمەنتتەلۋى» جانە ت.ب. تاقى­رىپتار بويىنشا كەزدەسۋگە قا­تىسۋشى­لاردىڭ سۇراقتارىنا جاۋاپ بەرىلىپ, ارتۇرلى تاقىرىپتاردا دارىس وقىلدى.
«ساياسي كوشباسشىلىق» وقۋ-دايىندىق باعدارلاماسى بويىنشا بىرىنشى دارىستى
ز.تۇرىسبەكوۆ وقىدى. ول «الەمدەگى بار قازاقتىڭ وتانى – قازاقستان» تاقىرىبى بويىنشا اڭگىمە وربىتىپ, ەل بىرلىگىنىڭ وزەكتى ماسەلەلەرىنە ەرەكشە توقتالدى.
– قازىر ەلىمىزدە 12 ميلليون قازاق بار. ال 4 ميلليون قازاق شەت مەملەكەتتەردە تۇرادى. ونىڭ 1,8 ميلليونى – قىتايدا,
1 ميلليونى – رەسەيدە, 1 ميلليونى – وزبەكستاندا, 20 مىڭى – موڭعولييادا, 45 مىڭى – قىرعىزستاندا ەكەن. تۇركييادا بۇرىن 35 مىڭ قازاق بولعان, ونىڭ 15 مىڭى بۇگىندە ەۋروپاعا كەتىپ قالعان. يا, 16 ميلليون دەگەن كوپ ەمەس. از عانا قازاقپىز. بىز بىرىنشى كەزەكتە اۋىزبىرشىلىگىمىزدى جو­عالتپاۋىمىز كەرەك. ىنتىماق بولماسا – ەل بولمايمىز, جۇرت بولمايمىز. سول ۇشىن ىنتىماقتا, بىرلىكتە بولعان جون. وسى ماسەلەنى ۇمىتپاساڭىزدار ەكەن, – دەدى ول.
وز كەزەگىندە ريچارد مёرفي مەن الەك­ساندر رومانوۆيچ تا «ساياسي پارتييانى جاڭعىرتۋ: الەمدىك تاجىريبەدەگى تابىستى مىسالدار» اتتى تاقىرىبى بويىنشا بىل­گەندەرىن ورتاعا سالىپ, تاجىريبەلەرىمەن بولىستى. وقىتۋدىڭ زاماناۋي فورماسى ارقىلى تىڭداۋشىلار قۇلاققاپ ارقىلى دارىس وقۋشىنىڭ سوزىن ورىسشا اۋدارما ارقىلى تىڭداۋعا دا مۇمكىندىك الدى.
ايتا كەتەيىك, اشىق دارىس ساباعى قارا­شانىڭ توعىزىنا دەيىن جالعاسپاق. بەس كۇن بويى بولاتىن پراكتيكالىق ساباق بارىسىندا «نيككولو م» ستراتەگييالىق كوممۋنيكاتسييالار اگەنتتىگى ديرەكتورلار كەڭەسىنىڭ توراعاسى, ساياساتتانۋشى يگۋر مينتۋسوۆ, حالىقارالىق ساياسي كەڭەسشىلەر قاۋىمداستىعى ديرەكتورلار كەڭەسىنىڭ مۇشەسى ريچارد مёرفي, رەسەي مەملەكەتتىك جانە قوعام قايراتكەرى الەكساندر رومانوۆيچ, الەۋمەتتانۋ عىلىمدارىنىڭ كانديداتى ۆلاديمير پوپوۆ ارتۇرلى تاقىرىپتاردا دارىس وقيدى.

ابىلمانسۇر جاسان

بولىسۋ:

پىكىر جازۋ


*