جاستارعا كورسەتىلەتىن كومەك كوپ

176
0
بولىسۋ:

شىمكەنتتە «نۇر وتان» پارتيياسى «وڭ­تۇستىك سۋ» فيليالىنىڭ ۇيىمداستىرۋىمەن قازاقستان رەسپۋبليكاسى پرەزيدەنتى نۇرسۇلتان نازارباەۆتىڭ بەس الەۋمەتتىك باستاماسىنىڭ تورتىنشى باستاماسى – «شاعىن نەسيە بەرۋدى كوبەيتۋ» باعىتىن ناسيحاتتاۋ ماقساتىندا
«سۋ رەسۋرستارى – ماركەتينگ» جشس ۇجىمىنىڭ جاستارىمەن كەزدەسۋ وتكىزىلدى.

«سۋ رەسۋرستارى – ماركەتينگ» جشس-نىڭ ەكونوميكا جانە بيۋدجەتتى جوسپارلاۋ بولىمىنىڭ باستىعى ومارقۇل وڭلانوۆ تورتىنشى باستامانىڭ ماقسات-مىندەتتەرى تۋرالى ايتىپ بەردى.
«شاعىن نەسيەلەندىرۋدىڭ نەگىزگى ماقساتى – بيزنەس اشۋ جانە ونى كەڭەيتۋ. بۇل – جاستار ۇشىن وتە ۇتىمدى جوبا. وسى تورتىنشى باستاما اياسىندا قۇجاتتاردى دايىنداپ, وزدەرىنە جەكە بيزنەس اشۋ ۇشىن بانكتەردەن 4,5 ملن تەڭگە مولشەرىنە دەيىن جەڭىل­دىكپەن شاعىن نەسيە الۋعا, سول ار­قىلى كاسىپكەرلىكتى دامىتۋعا مۇمكىندىك بەرەدى. سىزدەر سۋ جانە كاناليزاتسييا قۇبىر­لارىن قۇرۋ, جوندەۋ, ەسكى قۇبىرلاردى اۋىس­تىرۋ, سۋ ولشەگىش قۇرالدارىن ورناتۋ ت.ب. باعىتتار بويىنشا جۇمىس اتقارا الا­سىزدار. قازىرگى تاڭدا 2017 جىلمەن سالىس­تىر­عاندا, نەسيە بەرۋ 2 ەسەگە ارتىپ, كوپتە­گەن جەرلەستەرىمىز وزدەرىنىڭ بيزنەستەرىن دامىتىپ جاتىر» دەپ, بىرنەشە مىسال كەلتىردى.
پارتييالىقتار ۇيىمداستىرعان جيىن اشىق اڭگىمە تۇرىندە وتتى. جاستار وزىنىڭ وي-پىكىرلەرىمەن بولىسىپ, شاعىن نەسيە بەرۋدى كوبەيتۋ جانە مۇمكىندىك بولسا قايتارىم پايىزىن تومەندەتۋ جونىندەگى ماسەلەلەردى ورتاعا سالدى. سونىمەن قاتار, جيىنعا قاتىسۋشىلار نەگىزى جاستار بولعان سوڭ, باسپانا الۋعا مەكەمەدەن قانداي كومەك كورسەتىلەتىنى, جەكە ۇي قۇرىلىسىن سالۋعا جەر بولۋ تۋرالى, جالاقى ماسەلەسى, تاعى باسقا دا كوپتەگەن سۇراقتار قويىلدى. مەكەمە كاسىپوداق كوميتەتىنىڭ توراعاسى ق.يبراەۆ قويىلعان سۇراقتارعا بارىنشا جاۋاپ بەردى, كەيبىر سۇراقتاردى جازىپ الىپ, تيىستى وكىلەتتى مەكەمەلەرگە سۇرانىس جاساۋ جونىندە حاتتار جولدايتىنىن حابارلادى. «نۇر وتان» پارتيياسى «وڭتۇستىك سۋ» فيليالى توراعاسىنىڭ بىرىنشى ورىنباسارى ابيدين ساكەنوۆ وتىرىستى قورىتىندىلادى, بۇنداي تاقىرىپتا جينالىس جالعاسىن تاباتىنىن ايتىپ, قاتىسقاندارعا العىسىن بىلدىردى.

ايزات ايدارقىزى

بولىسۋ:

پىكىر جازۋ


*