پرەزيدەنت جولداۋىنا ۇن قوستى

159
0
بولىسۋ:

ەلباسى نۇرسۇلتان نازارباەۆتىڭ اربىر باستاماسى قوعامدا قىزۋ قولداۋعا يە بولىپ جاتادى. سىرا, ونىڭ سەبەبى – پرەزيدەنت باستامالارىنىڭ ومىرشەڭدىگىندە, قوعامداعى كۇردەلەنگەن پروبلەمالاردى دوپ باسۋىندا سەكىلدى. اتالعان باستامالارعا تۇرلى مەكە­مەلەر, كومپانييالار ۇن قوسىپ, تالقىلاپ, قورى­تىندى شىعارىپ كەلەدى. سونداي شارا­نىڭ بىرىن الماتى حالىقارالىق اۋەجايى پرەزيدەنتتىڭ بەس الەۋمەتتىك باستاماسى مەن جولداۋىن نەگىزگە الا وتىرىپ وتكىزدى.

الماتى قالاسى تۇركسىب اۋدانىندا وتكەن شاراعا «نۇر وتان» پارتيياسى تۇركسىب اۋداندىق فيليالى توراعاسىنىڭ ورىن­باسارى نۇرلانبەك اجىباەۆ پەن اۋەجايدىڭ ۆيتسە-پرەزيدەنتى باقىتجان ابدىراسىلوۆ قاتىسىپ, سوز سويلەدى.
– «بەس الەۋمەتتىك باستاما» – بۇل ناقتى تاپسىرمالارى مەن ورىندالۋ ۋاقىتى, قارجىلىق جاعدايى بەكىتىلگەن اسا قاجەتتى الەۋمەتتىك باعدارلاما. نەگىزىنەن ول قوعام­نىڭ الەۋمەتتىك از قامتىلعان توپتارىنىڭ ماسەلەلەرىن شەشۋگە باعىتتالعان. بۇل باس­تاما – دال قازىرگى ساتتە ادامدارعا ەڭ كەرەك نارسە. پرەزيدەنت باستامالارىنىڭ ىشىنە جاڭا يپوتەكالىق باعدارلاما, سالىقتىڭ ازايتىلۋى, گرانتتاردىڭ بولىنۋى جانە جاڭا ستۋدەنتتىك جاتاقحانالار سالۋ ماسەلەسى كىرەدى. وندا, سونداي-اق شاعىن نەسيە بەرۋدى ارتتىرۋ ماسەلەسى مەن ەلدىمەكەندەردى گاز­داندىرۋ شارالارى دا قامتىلعان. قوعام­نىڭ الەۋمەتتىك بەرىكتىگىن ارتتىرا تۇسۋ ۇشىن اتالعان تاپسىرمالاردى جۇمىلعان جۇدىرىقتاي اتقارا بىلۋىمىز كەرەك, – دەدى نۇرالى اجىباەۆ.
كەزدەسۋ بارىسىندا پرەزيدەنتتىڭ وسى جىلدىڭ 5 قازانىندا جاساعان «قازاقستان­دىقتاردىڭ ال-اۋقاتىنىڭ وسۋى: تابىس پەن تۇرمىس ساپاسىن ارتتىرۋ» اتتى جولداۋى دا تالقىلانىپ, ونداعى باسىم باعىتتار تۇ­سىن­دىرىلدى. شارا اياسىندا سوز العان باقىتجان ابدىراسىلوۆ اۋەجاي ۇجىمىنىڭ پرەزيدەنت جولداۋىنا تيياناقتى قولداۋ بىلدىرەتىنىن, ونىڭ ىسكە اسۋى ۇشىن ايانباي ەڭبەك ەتەتىنىن ايتتى. «قازىرگى تاڭدا جولاۋشىلارعا كور­سەتى­لەتىن قىزمەت ساپاسىن ارتتىرا تۇسۋ جايى قاراستىرىلىپ جاتىر. مۇگەدەك ادام­دارعا دا بارلىق جاعداي جاسالعان. بىز وز تارا­پىمىزدان اركەز وڭ وزگەرىستەر جاساپ, كوپشىلىكتى قۋانتۋعا تىرىسامىز» دەپ اتاپ وتتى ول.
كەزدەسۋ اياسىندا نۇرلانبەك اجىباەۆ پارتييانىڭ «كەدەرگىسىز كەلەشەك» جوباسى اياسىندا جۇزەگە اسىپ جاتقان مۇگەدەك جان­دار ۇشىن جاسالعان نىسانداعى مۇمكىن­دىك­تەرمەن دە تانىستى.

اباي ايماعامبەت, الماتى قالاسى

بولىسۋ:

پىكىر جازۋ


*