زەينەتكەردىڭ جۇمىس ىستەگەنى جون بە?

316
5
بولىسۋ:

«نۇر وتان» پارتيياسىنىڭ رەسپۋب­ليكالىق قوعامدىق قابىلداۋ بولمەسىندە ماجىلىس دەپۋتاتى ارمان قوجاحمەتوۆ ازاماتتاردى قابىلدادى. تۇرعىندار ەڭبەك جانە باسپانا داۋى, قۇقىعىنىڭ بۇزىلعانى, سوت شەشىمدەرىنە كەلىسپەيتىندىگى تۋرالى ارىزدانىپ كەلگەن.

كەيىنگى جىلدارى زەينەت جاسىنا جەتكەن ازاماتتار زاڭ بويىنشا زەينەتكە شىعۋى تيىس. قابىلداۋعا كەلگەن دەرماتولوگ دارىگەر ليزا بۇرحانقىزى «زاڭ زەينەت­كەر­لەردىڭ بارىنە بىردەي بولۋى كەرەك. جۇمىس بەرۋشىنىڭ زەينەتكەرلەردى جۇمىستان بوساتۋعا قاتىستى تالابىن زاڭنان الىپ تاستاۋى قاجەت» دەگەن شاعىمىن ايتتى. ونىڭ ايتۋىنشا, ەڭبەككە جارامدى بولسا دا, ونى ەشبىر مەديتسينالىق مەكەمە جۇمىسقا المايتىن كورىنەدى.
«دەرماتولوگ دارىگەرمىن. زەينەتكە شىققان سوڭ, بالامدى وقىتۋ ۇشىن جۇمىس ىستەگىم كەلەدى. بىراق مەنەن دە جاسى ۇلكەن زەينەتكەرلەر باسقارىپ وتىرعان مەدي­تسينالىق مەكەمەلەر جۇمىسقا المايدى. سەبەبى, جۇمىس بەرۋشىنىڭ ەركى وزىندە… ەگەر زاڭ بويىنشا «ازاماتتار زەينەت­كەرلىككە شىققان سوڭ, جۇمىس ىستەمەۋى كەرەك دەسە, تالاپ بارلىق زەينەتكەرگە بىردەي بولۋى كەرەك دەپ سانايمىن. جۇمىس سۇراپ بارسام, تۇر-الپەتىمە قاراپ جۇمىسقا المايدى. بالامدى قىرۋار قارجى تولەپ وقىتىپ وتىر­مىن. دەنساۋلىعىما قاراپ, تىسىمدى تۇگەندەپ سالدىرۋعا مۇرشام جوق. تۇر-الپەتىڭە قاراپ جۇمىسقا الماۋ, وزگە زەينەتكەرلەر باسشىلىق قىزمەتتە وتىر­عاندا مەنى جۇمىسقا الماۋىن كەمسىتۋشىلىك دەپ سانايمىن» دەدى ليزا بۇرحانقىزى.
زەينەتكەردىڭ تالاپ-تىلەگىن وتىنىش رەتىندە جازىپ قالدىرۋ كەرەكتىگى ايتىلدى. الەۋمەتتىك ماسەلە الداعى ۋاقىتتا تالقى­لاۋعا ۇسىنىلماق. قابىلداۋعا استاناعا ارنايى كەلگەن, ادىلەتسىزدىكتەن قاجىعان تۇر­كىستان وبلىسىنىڭ تۇرعىنى ەركىنبەك نۇر­جانوۆ سوت شەشىمىمەن كەلىسپەيتىندىگىن ايتتى. تۇركىستان وبلىسى ورداباسى اۋدانى شۇبارسۋ اۋىلىنىڭ تۇرعىنى ەركىنبەك نۇرجانوۆ ۇلىنىڭ ولىمىنە كىنالىلەر جازا­لانسا دەيدى. ونىڭ ايتۋىنشا, بىر جىلدان بەرى ادىلدىك ىزدەپ قۇقىق قورعاۋ ورگاندارىنىڭ تابال­دىرىعىن توزدىرعان.
«بالامنىڭ ولىمىنە قاتىستى سوت شەشىم­دەرىمەن كەلىسپەيمىن. ماردان ساپارباەۆ اتىن­داعى پەداگوگيكالىق ينستيتۋتتا وقيتىن ۇلىم كىسى قولىنان قازا تاپتى. بىراق بىر توپ بالا كىنالى بولسا دا, «جۇرەگىنە بىر-اق رەت پى­شاق سۇعىلعان» دەپ بىر عانا ادامدى جازاعا تارتتى. كىنالىلەر الى جازالانباي بوستان­دىقتا جۇر. تەرگەۋ جۇمىستارى ادىل وتپەگەن­دىك­­تەن, وسى كۇنگە دەيىن ادىلدىككە جەتە الما­دىم. ايماقتاعى جەڭ ۇشىنان جالعاسقان جەم­قورلىق كىنالىلەردىڭ جازادان قۇتىلىپ كەتۋىنە ىقپال ەتىپ وتىر» دەپ شاعىمىن ايتتى.
ماجىلىس دەپۋتاتى ارمان قوجاحمەتوۆ ادام ولىمىمەن اياقتالعان قىلمىستىق وقي­عا­نىڭ جاي-جاپسارىن مۇقييات تىڭداپ, قۇجات­تارىن وقىپ شىقتى. ەركىنبەك نۇرجانوۆتىڭ ارىزى بويىنشا ىستىڭ اق-قاراسىن اجىراتۋ ۇشىن جوعارعى سوتتان اراشا سۇراۋعا كەڭەس بەردى. سونداي-اق قابىلداۋدا كەلگەن ازامات­تار­دىڭ باسپانا ماسەلەسى, قۇقىقتارىن قور­عاۋعا بايلا­نىس­تى ارىز-شاعىمدارى تىڭ­دال­دى. كوتەرىل­گەن ماسەلەلەر الداعى ۋاقىتتا زاڭ شەڭبە­رىندە شەشىمىن تابادى.

مايرا جانىسباي

بولىسۋ:

5 پىكىر جازىلعان

  1. احمەت 16 قاراشا, 2018 at 18:02 جاۋاپ

    ستولكو ينفورماتسيي موجنو پولۋچيت پري تاكيح وبششەستۆەننىح پريەمنىح. رادۋەت چتو ۆسە رابوتايۋت وتكرىتو ي پروزراچنو, دوستۋپنو.

  2. سامات 16 قاراشا, 2018 at 18:03 جاۋاپ

    مولودەج دۋمايۋ چاستو پولزۋيۋتسيا تاكيمي مومەنتامي دليا پولۋچەنييا وتۆەتوم وت پەرۆىح ليتس

  3. ماليك 16 قاراشا, 2018 at 18:03 جاۋاپ

    رادۋەت كوگدا رۋكوۆوديتەلي رەگيونا پرينيمايۋت ناسەلەنيە, نە رەدكو مولودەج ينتەرەسۋيۋتسيا و سۆويح ۆوزموجنوستياح, سفەرە پرەدپرينيماتەلسۆتا ي ت.د.

  4. ايدار 16 قاراشا, 2018 at 18:03 جاۋاپ

    جاقسى جۇمىس. حالىقپەن كەزدەسۋ كەرەك, حالىقتى تىڭداۋ كەرەك. جاستاردا جيى كەلەدى دەپويلايمىن وسىندىق قابىلداۋلارعا

  5. ساكەن 16 قاراشا, 2018 at 18:04 جاۋاپ

    وڭىر باسشىلارى وسىنداي كەزەدسۋلەر جاساپ جاتقاندا جاستار وز مۇمكىندىكتەرى بويىنشا, بيزنەس سالاسى بويىنشا كوپ سۇراقتارىنا جاۋاپ الىپ جاتادى.

پىكىر جازۋ


*