باس پارتييانىڭ باعىتى ايقىن

208
0
بولىسۋ:

جامبىل وبلىستىق دراما تەاترىندا «نۇر وتان» پارتيياسى جامبىل وبلىستىق فيليالى ححىىى ەسەپ بەرۋ-سايلاۋ كونفەرەنتسيياسى وتىپ, وندا فيليالدىڭ سوڭعى ەكى جىلدا اتقارعان قىزمەتتەرى كەڭىنەن تالقىلاندى.

كونفەرەنتسييا جۇمىسىنا «نۇر وتان» پارتيياسىنىڭ حاتشىسى قانىبەك جۇماشەۆ, پارتييا جامبىل وبلىستىق فيليالىنىڭ توراعاسى, وبلىس اكىمى اسقار مىرزاحمەتوۆ, پارتييا وبلىستىق فيليالى ساياسي كەڭەسىنىڭ, ساياسي كەڭەسى بيۋروسىنىڭ مۇشەلەرى, پارتييا تاراز قالالىق, اۋداندىق فيليالدارىنان سايلانعان دەلەگاتتار, ەتنو-مادەني بىرلەستىك جەتەكشىلەرى, ۇەۇ توراعالارى, ساياسي پارتييالار, جەرگىلىكتى اتقارۋشى, قۇقىق قورعاۋ ورگاندارىنىڭ باسشىلارى قاتىستى.
«نۇر وتان» پارتيياسىنىڭ حاتشىسى قانىبەك جۇماشەۆ پارتييا تاراپىنان جاسالىپ جاتقان ىرگەلى ىستەرگە كەڭىنەن توقتالدى.
– ەلباسى, «نۇر وتان» پارتيياسىنىڭ توراعاسى ن.نازارباەۆتىڭ تاپسىرماسىمەن ەلىمىزدە ەكونوميكالىق, ساياسي جانە الەۋ­مەتتىك جاڭعىرۋ جۇزەگە اسىرىلىپ جاتىر. بىزدىڭ ساياسي ۇيىم وسى وزگەرىستەردىڭ بىرىنەن دە قالىس قالماي, اۋىل-ەلدە ورىندالۋىنا زەر سالاتىن بولادى. پارتييانىڭ وز ىشىندە دە اۋقىمدى جاڭعىرتۋ جۇمىستارى باستالدى. بۇگىن مەملەكەت باسشىسى مەملەكەت الدىنا 3.0 جاڭعىرتۋدى جۇزەگە اسىرۋ مىندەتىن قويىپ وتىر. وسىعان بايلانىستى بىزدىڭ پارتييا الدىندا قازاقستاندى جاڭعىرتۋعا دايەكتى تۇردە قاتىساتىن ستراتەگييالىق كۇش بولۋ مىندەتى تۇر. وسى مىندەتتەردى جۇزەگە اسىرۋ ماقساتىندا پارتييا ۇلكەن جۇمىس اتقارۋدا. ماسەلەن, ەڭ ماڭىزدى باستامالاردى تالقىلاۋ ۇشىن بىز NurOtanTrends جانە
NurOtanTalks سيياقتى جاڭا فورماتتاعى پىكىرتالاس الاڭدارىن جاسادىق.
مەملەكەت باسشىسى بىزدىڭ ۇيىمدى «ناق­تى ىستەر پارتيياسى» قۇرامىنا اينالدىرۋ مىندەتىن قويدى. پارتييانىڭ ترانسفور­ماتسييالاۋ, ەڭ باستىسى زاماناۋي باسقارۋ ادىستەرىنە كوشۋدى قامتيدى. بىزدىڭ پارتييا­داعى جوبالىق تاسىل Prince2 ادىستەمەسىنە نەگىزدەلگەن, ماقساتتارى, مىندەتتەرى, جۇ­مىستىڭ باعىتتارى, تەرميندەردىڭ ناقتى انىقتالۋى, ماقساتتى اۋديتورييا جانە تۇپكىلىكتى ناتيجەلەر ونىڭ قاعيداتتارى, – دەدى قانىبەك بەكبولاتۇلى.
القالى جيىندا «نۇر وتان» پارتيياسى وبلىستىق فيليالى توراعاسىنىڭ بىرىنشى ورىنباسارى ەرقانات مانجۋوۆ پارتييا وبلىستىق فيليالىنىڭ ەكى جىلدا اتقارعان جۇمىستارى مەن جەتىستىكتەرى, الدا تۇرعان مەجەلى مىندەتتەرى تۋرالى باياندادى.
سونىمەن قاتار ەسەپ بەرۋ-سايلاۋ كون­فەرەنتسيياسىندا پارتييانىڭ وبلىستىق فيليالى باقىلاۋ-تەكسەرۋ كوميسسيياسىنىڭ توراعاسى جارىلقاسىن ايتاقوۆ اتقارىلعان جۇمىستار بويىنشا ەسەپ بەردى. كوميسسييا تاراپىنان جۇرگىزىلگەن تەكسەرۋلەر مەن تالداۋلار بارىسىندا پارتيياعا كىرۋ جانە مۇشەلىك جارنا تولەۋ, بۋحگالتەرلىك ەسەپ پەن شىعىس سايكەستىگىن باقىلاۋ, پارتييا بيۋدجەتىن ورىنداۋ جانە ونىڭ تيىستى تۇسىمدەرمەن تولىقتىرىلۋى, بەرىلگەن ليميتتەر مەن فيليالدارداعى ماتەريالدىق قۇندىقتاردىڭ ساقتالۋى سيياقتى ماسەلەلەر باستى نازاردا بولعانىن تىلگە تيەك ەتتى.
جالپى «نۇر وتان» پارتيياسىنىڭ وڭىر تۇرعىندارىنىڭ الەۋمەتتىك-ساياسي ومىرىندەگى رولى ەرەكشە. سەبەبى, پارتييا مۇشەلەرى مەم­لەكەتتىك ساياساتتى باسىمدىقتارىن تۇرعىن­دارعا تۇسىندىرۋدە, مەملەكەتتىك باعدارلا­مالاردىڭ جۇزەگە اسىرىلۋىندا اشىقتىقتى قامتاماسىز ەتۋدەگى ىقپالى كوپ. «نۇر وتان» پارتيياسى وبلىستىق ماسليحاتتا دەپۋتاتتىق فراكتسيياسىنىڭ جۇمىسى دا جۇيەلى. كون­فەرەنتسييادا جارىسسوزگە شىققاندار «نۇر وتان» پارتيياسىنىڭ وسى باعىتتارداعى جۇمىستارىنا كەڭىرەك توقتالدى. پارتييا وبلىستىق فيليالى جانىنداعى سىبايلاس جەمقورلىققا قارسى ىس-قيمىل جونىندەگى قو­عامدىق كەڭەستىڭ توراعاسى باحتييار الداشوۆ باقىلاۋ جۇمىستارىنىڭ ناتيجەلەرىن سوز ەتتى. سونىمەن قاتار, جيىندا «پرەزيدەنتتىڭ بەس الەۋمەتتىك باستاماسىن» جۇزەگە اسى­رىلۋىن باقىلاۋ جونىندەگى وبلىستىق قوعام­دىق كەڭەستىڭ جۇمىسى تۋرالى دا ايتىلدى. سونداي-اق, جيىندا پارتييانىڭ مەركى اۋ­داندىق فيليالىنىڭ توراعاسى, اۋدان اكىمى مەيىرحان ومىربەكوۆ, پارتييا جۋالى اۋداندىق فيليالى توراعاسىنىڭ بىرىنشى ورىنباسارى انار احمەتوۆا ەسەپتى كەزەڭدەگى اتقارىلعان جۇمىستاردىڭ ناتيجەلەرى تۋرالى باياندادى.
كونفەرەنتسييا جۇمىسىن قورىتىن­دى­لاعان پارتييانىڭ وبلىستىق فيليالىنىڭ توراعاسى, وبلىس اكىمى اسقار يسابەكۇلى مەملەكەتتىك باعدارلامالاردى جۇزەگە اسى­رۋدا الدىڭعى شەپتە پارتييا مۇشەلەرى تۇرۋى كەرەگىن ايتىپ, ناقتى تاپسىرمالار بەردى.
كونفەرەنتسييا سوڭىندا پارتييا وبلىستىق فيليالى ساياسي كەڭەسىنىڭ قۇرامى سايلانىپ, ساياسي كەڭەستىڭ العاشقى وتىرىسى وتتى. ساياسي كەڭەس وتىرىسىندا پارتييا وبلىستىق فيليالى ساياسي كەڭەسى بيۋروسىنىڭ جاڭا قۇرامى سايلاندى.

ەرمان ابديەۆ,

جامبىل وبلىسى

بولىسۋ:

پىكىر جازۋ


*