تۇركىستاندى كورىپ قايتتى

266
0
بولىسۋ:

اقتوبەدە اتا-انا قامقورلىعىنان ايىرىلعان بىر توپ بالا تۇركىستان قالاسىنا ساياحاتتاپ قايتتى. ىس-شارانى «نۇر وتان» پارتيياسىنىڭ «كاسىپكەرلەردىڭ قۇقىعىن قورعاۋ قاۋىمداستىعى» زاڭدى تۇلعالار بىرلەستىگى باستاۋىش پارتييا ۇيىمى «قامقورشىلىق-زابوتا» قايىرىمدىلىق قورىمەن بىرلەسىپ ۇيىمداستىردى.

بالالار ەرەكشە كوتەرىڭكى كوڭىل-كۇيمەن ورالدى. ولار تاريحي قالادان العان اسەرىن جارىسا اڭگىمەلەپ بەردى. ماسەلەن, 8-سىنىپ وقۋشىسى جانات ابسالياموۆقا قوجا احمەت ياسساۋي كەسەنەسى, ارىستان باب كەسەنەسى, ۇكاشا اتا قۇدىعى ەرەكشە ۇناعان. ول بىلتىر وسى باستاۋىش پارتييا ۇيىمىنىڭ دەمەۋشىلىگىمەن استانا قالاسىنا دا بارىپ كەلگەن ەكەن.
– بىز بىرنەشە جىلدان بەرى «جايسان» ارناۋلى بىلىم بەرۋ ۇيىمىنىڭ تاربيەلە­نۋ­شىلەرىن قامقورلىعىمىزعا الدىق. ولاردىڭ بالالىق شاعى الاڭسىز وتۋى ۇشىن تۇرلى ويىن-ساۋىق ورتالىقتارىنا الىپ بارساق, ولكە تاريحىن بىلىپ وسۋى ۇشىن تاريحي قالالارعا ساياحات ۇيىمداستىرۋدى قولعا الدىق. كەلەسى جىلى بالالاردى الماتى قالاسىنا الىپ بارۋدى جوسپارلاپ وتىرمىز, – دەدى وبلىستىق ماسليحاتتاعى «نۇر وتان» فراكتسيياسىنىڭ مۇشەسى دميتريي دوۆماتەنكو.
«جايسان» ارناۋلى بىلىم بەرۋ ۇيىمىنىڭ تاربيەشىسى دينا ساداق­باەۆانىڭ ايتۋىنشا, تۇركىستان قالاسىنا «جايسان» ارناۋلى بىلىم بەرۋ ۇيىمىنىڭ 15 تاربيەلەنۋشىسى بارعان. ولار ارىستان باب, قوجا احمەت ياسساۋي, ۇكاشا اتا كەسەنەسىندە بولىپ, تاريحي-ەتنوگرافييا­لىق مۇراجايىن تاماشالاعان. سودان كەيىن ساۋران قالاشىعىنا بارىپ, ارحەولوگييالىق قازبا جۇمىستارىن كوردى.

ايزات ايدارقىزى

بولىسۋ:

پىكىر جازۋ


*