جۇمىسشىلارعا الاڭداۋلى

310
0
بولىسۋ:

ماجىلىستىڭ جالپى وتىرىسىندا پارلامەنتشىلەر ۇكىمەت مۇشەلەرىنە دەپۋتاتتىق ساۋالدار جولدادى. «نۇر وتان» فراكتسيياسىنىڭ مۇشەسى گ.بي­جا­نوۆا پرەمەر-مينيستر ب.ساعىن­تاەۆقا جانە باس پروكۋرور ق.قوجامجا­روۆقا جۇگىنىپ, «ارسەلور ميتتال تەمىرتاۋ» اق كاسىپورىن­­دارىن­داعى جاعدايعا نازار اۋدارتتى.

«2016 جىلعى قازاندا «نۇر وتان» فراكتسيياسىنىڭ دەپۋتاتتارى م.تىنىكەەۆ جانە ا.بازارباەۆ پرەمەرگە اۋتستاففەر دەپ اتالاتىن, بىلىكتىلىگى جوق مامانداردىڭ ەڭبەگىن قارىزعا تارتۋعا تىيىم سالۋ قاجەتتىلىگى, سونداي-اق, كاسىپورىننىڭ شتاتتىق جۇمىسشىلارىمەن سالىس­تىرعاندا ولاردىڭ قىسىم كورسەتىلگەن جاع­دايى تۋرالى دەپۋتاتتىق ساۋال جول­دا­عان بولاتىن. دەپۋتاتتاردىڭ قاراعاندى وڭىرىنە ساپارى بارىسىندا وسى ماسەلەنى شاحتا ديرەكتورلارى مەن كاسىپوداقتار تاعى دا كوتەردى. وسى ۋاقىتقا دەيىن اتالعان احۋالدى وزگەرتۋ شارالارى قابىلدانباعان, شەتەلدىك ينۆەستور قارىز ەڭبەگىنىڭ ۇلەسىن ارتتىرۋدى جالعاستىرۋدا», – دەيدى دەپۋتات.
بۇگىندە كومىرشىلەر كاسىپوداعىنىڭ دەرەگىنشە, 8 كومىر شاحتاسىندا اۋتستاففەر رەتىندە 650 ادام تارتىلعان. دەپۋتات قولدانىستاعى ەڭبەك زاڭناماسى قارىز ەڭبەگى سالاسىن, ونىڭ ىشىندە, قاۋىپتى (ەرەكشە قاۋىپتى), زيياندى (ەرەكشە زيياندى) ەڭبەك جاعدايلارى سالاسىن رەتتەمەيتىنىن اتاپ وتەدى. سالدارىنان, بۇل ادامدار تيىستى جۇمىس كولەمىن ورىنداعانىمەن ولارعا ەڭبەكاقى مولشەرى بويىنشا قىسىم كورسەتىلۋدە, ولارعا ۇجىمدىق شارت, سا­لالىق كەلىسىم شارتتارى قولدا­نىل­مايدى.
وسىعان وراي ماجىلىس دەپۋتاتى باس پروكۋروردان تەكسەرۋ ۇيىمداستىرۋدى, شەتەلدىك ينۆەستوردىڭ وز مىندەتتەمەلەرىن ورىنداماۋ سەبەبىن زەردەلەپ, كىنالى تۇل­عالارعا پروكۋرورلىق قاداعالاۋ شارالارىن قولدانۋدى سۇرادى.
نۇروتاندىق دەپۋتات ب.جىلقىشيەۆ ۆيتسە-پرەمەر – اۋىل شارۋاشىلىعى مي­نيسترى و.شوكەەۆكە جۇگىنىپ, اتاۋلى الەۋ­مەتتىك كومەك (ااك) جايىن تىلگە تيەك ەتتى: «ااك-تى الۋعا ۇمىتكەر از قامتىلعان وتباسىلاردىڭ جيىنتىق كىرىسىن ەسەپتەۋدىڭ قولدانىستاعى ادىستەمەسىنە سايكەس, وتباسىنىڭ جان باسىنا شاققانداعى ورتاشا كىرىسىن ەسەپتەۋدە جەكە قوسالقى شارۋاشىلىقتان (جقش) الىنعان كىرىستەر ەسكەرىلەدى. بۇل رەتتە جقش تۇسەتىن كىرىس­تەردى ەسەپتەۋ بويىنشا كوزقاراستار 2005 جىلدان بەرى قايتا قارالماعان, بۇل قازىرگى جاعدايدا ااك الۋعا ۇمىتكەر ادامدار كىرىستەرىنىڭ مولشەرىن اسىرا ۇلعايتۋعا نەمەسە كەمىتۋگە الىپ كەلەدى. ااك تاعا­يىنداۋدا اۋىل شارۋاشىلىعى مينيستر­لىگىندە جقش-دان تۇسەتىن جيىنتىق كىرىستى ەسەپتەۋدىڭ قولدانىستاعى ادىستەمەسىن جاڭارتۋ جانە قايتا قاراۋ ۇشىن قانداي شارالار قارالىپ جاتىر? قاي مەرزىمگە دەيىن ول شارالار قولدانىسقا ەنەدى?» دەپ سۇرادى دەپۋتات.

ەلدوس سەنباي

بولىسۋ:

پىكىر جازۋ


*