بىلىم ساپاسىن ارتتىرماق

159
0
بولىسۋ:

2020 جىلدىڭ قىركۇيەك ايىنان باستاپ قازاقستاننىڭ قالالىق بىلىم بەرۋ مەكتەپتەرىندە جان باسىنا قارجىلاندىرۋ جۇيەسى ەنگىزىلمەك. بۇگىندە قازاقستاننىڭ بىر جارىم مىڭنان استام مەكتەبىندە, ال كوكشەتاۋ قالاسىنىڭ 83 مەكتەبىندە بۇل جۇيە ەنگىزىلگەن ەكەن. 

جوبانىڭ ماقساتى – بيۋدجەتتىك شىعىس­تاردىڭ تيىمدىلىگىن ارتتىرۋ ارقىلى بىلىم سا­پاسىن جاقسارتۋ. ايتا كەتۋ كەرەك, جان باسىنا شاققانداعى قارجىنى اپروباتسييالاۋ ەلىمىزدە 2013 جىلدان باستاۋ الدى. بۇل جۇيە قازاقستان بويىنشا – 73, ونىڭ ىشىندە اقمولا وبلى­سىندا 13 مەكتەپتە ەنگىزىلدى.
– بيىلعى جىلدىڭ ساۋىر ايىنان باستاپ اق­مولا وبلىسىندا 7 قالالىق مەكتەپتە جان با­سىنا قارجىلاندىرۋ 6,3 مىڭنان استام وقۋ­شىنىڭ قاتىسۋىمەن قامتاماسىز ەتىلدى, – دەدى وبلىستىق بىلىم بەرۋ باسقارماسى باس­تى­عىنىڭ ورىنباسارى سۆەتلانا ەرمولاەۆا, كوكشەتاۋ قالالىق №5 كوپ سالالى مەكتەپ-گيمنا­زيياسىندا وتكەن «بىلىم بەرۋ» باعىتى بويىنشا كوميسسييا وتىرىسىندا.
كوميسسييا مۇشەلەرى الدىندا ەسەپ بەرگەن كوكشەتاۋ قالاسىنداعى №5 مەكتەپ گيمنا­زييا­سىنىڭ ديرەكتورى دينا باشاروۆانىڭ بايان­داماسى نۇروتاندىقتاردىڭ ەرەكشە قى­زىعۋشىلىعىن وياتتى. دينا ورازعاليقىزى مەك­تەپتىڭ شىنايى مىسالدارىنا سۇيەنە وتى­رىپ, بىلىم بەرۋدى جان باسىنا قارجى­لان­دىرۋدى ەنگىزۋ كوپتەگەن مەكتەپ ماسەلەلەرىن شەشۋگە باعىتتالعان جانە بىرىنشى كەزەكتە بىلىم ساپاسىن جوعارىلاتۋ, وقۋشىلار مەن مۇعالىمدەردى تۇرلى دەڭگەيدەگى جارىستار مەن جوبالارعا قاتىستىرۋعا ىنتالاندىرۋ, ما­تە­ريال­دىق تۇرعىدان نىعايتۋ ۇشىن وڭ ناتي­جە بەرەدى دەپ سەندىردى. كوميسسييا وتىرى­سىندا پارتييالىقتار بىلىم بەرۋ وكىل­دە­رىنە سۇراق قويىپ, «مەكتەپ اسحا­نالارىن جاڭعىرتۋ» پارتييالىق جوباسىنىڭ جۇزەگە اسىرىلۋى جانە ۇسىنىلاتىن قىز­مەتتەردىڭ ساپاسى تۋرالى ماسەلە كوتەردى.
بيىلعى جىلدىڭ تامىز ايىندا ساپالى تاعامدى ۇيىمداستىرۋ ۇشىن كوكشەتاۋ قالاسىنىڭ 17 مەكتەبىنىڭ اسحانالارى 10 جىل مەرزىمگە سەنىمگەرلىك باسقارۋعا بەرىلدى. كەلىسىم نەگىزىندە جەكەمەنشىك سەرىك­تەستەرمەن جاڭعىرتۋ كەستەسى جاسالعان. وعان سايكەس مەكتەپ اسحانالارى كۇردەلى جون­دەۋدەن وتىپ, كاسىپكەر تەحنولوگييالىق جاب­دىقتاردى ساتىپ الۋدى جوسپارلاپ وتىر. بۇل تۋرالى جي­نالعانداردى كوكشەتاۋ قالا­سىنىڭ بىلىم بەرۋ بولىمىنىڭ باستىعى بەيبىت جۇسىپوۆ حاباردار ەتتى. كوكشەتاۋ قالالىق بىلىم بەرۋ بولىمىنىڭ مەكتەپ اسحانالارىندا تاماق­تانۋدى باقىلاۋ توبىنىڭ توراعاسى كەز­دەسۋ بارىسىندا جۇمىس مونيتورينگىنىڭ ناتي­­جەلەرى تۋرالى ايتىپ بەردى. بارلىق كو­تەرىل­­گەن تۇيتكىلدى ماسەلەلەر پارتييا فيليا­لى­نىڭ باقىلاۋىنا ەندى, ولاردى شەشۋ ۇشىن تيىستى شارالار قابىل­داناتىن بولادى دەپ «نۇر وتان» پارتيياسى اقمولا وبلىستىق في­ليالى توراعاسىنىڭ بىرىنشى ورىنباسارى عالىم بەكماعامبەتوۆ جيىندى قورىتىن­دىلادى.

ابىلايحان جۇماش

بولىسۋ:

پىكىر جازۋ


*

وقۋعا كەڭەس بەرەمىز