فۋتبولدان تۋرنير وتتى

اقتوبەدە پارتييانىڭ 20 جىلدىعىنا وراي كىشى فۋتبولدان جارىس وتتى. سپورتتىق شاراعا باستاۋىش پارتييا ۇيىمدارىنان 24 كوماندا قاتىستى. ەكى كۇنگە ۇلاسقان دوپ دوداسى تارتىسقا تولى بولدى. 

– ەلباسى بيىلعى جولداۋىندا بۇقارا­لىق سپورت پەن دەنە شىنىق­تىرۋدىڭ قول­جەتىم­دىلىگىن ارتتى­رۋدى تاپسىرعان بولا­تىن. بۇقارالىق سپورت تۇرلەرى تەك قانا شال­قار اۋدانى ورتالىعىندا عانا ەمەس, سەلو­لىق وكرۋگتەردە دە دامۋدا. ماسەلەن, بيىل موڭكە بي اۋىلىندا جاڭا سپورت زال قولدا­نىسقا بەرىلدى, اقتوعاي اۋىلدىق وكرۋگىندە سپورت الاڭىن اشۋ جوسپارلانىپ وتىر. بۇل – «مەكتەپتەگى سپورت الاڭدارى» پار­تييالىق جوباسىنىڭ جۇزەگە اسۋىنىڭ جارقىن كورىنىسى, – دەدى جارىلعاسىن شامبالاەۆ.
سپورت ارداگەرى, فۋتبولدان وبلىستىق سپارتاكيادا چەمپيونى مۇحتار تۇسىپبەكوۆ سپورتتى سەرىك ەتكەن ادامنىڭ رۋحى دا مىق­تى بولاتىنىن اتاپ وتتى. جارىسقا قاتىسۋ­شى كومان­­دالارعا شالقار اۋ­داندىق ماس­لي­­ح­اتى­نىڭ حاتشىسى سقاق بيگەەۆ ساتتىلىك تىلەدى.
جارىس قورىتىندىسىنا وراي ى ورىندى قارسىلاستارىنان وق بويى وزىق شىققان «491 سايلاۋ وكرۋگى» بپۇ-نىڭ كومانداسى جەڭىپ الىپ, اۋىسپالى كۋبوگكە يە بولدى. جۇلدەلى ىى ورىندى «قامقور لوكوموتيۆ» بپۇ كومانداسى ەنشىلەدى. ۇزدىك ۇشتىككە «بوزوي اۋىلدىق وكرۋگى» بپۇ-نىڭ «كس دوستىق» كومانداسى لايىق دەپ تانىلدى. جەڭىمپاز كوماندالار «نۇر وتان» پارتيياسى شالقار اۋداندىق فيليالىنىڭ توراعاسى باۋىرجان قانيەۆتىڭ اتىنان ديپلوم جانە سىيلىقتارمەن ماراپات­تالدى.
«كس دوستىق» كومانداسىنىڭ ويىن­شىسى, بەلسەندى جاس تەمىرلان تۇگەلباەۆتىڭ ايتۋىنشا, مۇنداي ىس-شارالار تۇرعىن­داردىڭ سپورتقا ىنتاسىن ارتتىرىپ قانا قويماي, ۇجىمدار اراسىندا جىلى قارىم-قاتىناس ورناتىپ, پارتييالىقتاردى بىرىكتىرۋگە ۇلكەن كومەگىن تيگىزەدى.
ايتا كەتەيىك, پارتييانىڭ شالقار اۋداندىق فيليالى كۋبوگى ۇشىن دوپ دوداسى ەندى جىل سايىن ۇيىمداستىرىلماق.

ابىلمانسۇر جاسان