ار ەلدىڭ سالتى باسقا

172
0
بولىسۋ:

قازاقستان پرەزيدەنتى ن.نازارباەۆ 2017 جىلى ساۋىر ايىندا «بولاشاققا باعدار: رۋحاني جاڭعىرۋ» اتتى ماقالاسى جارييالانعان كۇننەن باستاپ ۇلتتىق قۇندىلىقتار مەن ۇلتتىق كودتى قالىپتاستىرۋعا باعىتتالعان ىس-شارالار اتقارىلدى. اربىر ۇلتتىڭ وزىندىك ەرەكشەلىكتەرى مەن سالت-داستۇرلەرىنە نەگىزدەلگەن مادەنيەتى بولاتىنىن تاعى دا بىر ناقتىلاي تۇستى.

وسى باعدارلامانىڭ جالعاسى رەتىندە بۇگىنگى جارييالانىپ وتىرعان ەلباسىنىڭ «ۇلى دالانىڭ جەتى قىرى» اتتى ماقالاسى ۇلتىمىزدىڭ جەتىستىك­تەرى مەن ەرەكشە­لىك­تەرىن ودان ارى پاش ەتۋگە مۇمكىندىك بەرىپ وتىر. قازاق جەرى­نىڭ كيەلىگىن, كوپتەگەن عالىم­دار مەن دانىشپانداردىڭ مەكەنى ەكەنىن تاريح بەتتەرىنەن وقىپ قانا قويماي, الەمدىك دەڭگەيدە تانىتۋدى قولعا الۋىمىز قاجەت.
ەلباسىنىڭ «تاريحىن بىلمەگەن ەلدىڭ بولاشاعى دا بۇلىڭعىر بولادى» دەگەن پىكىرىن باسشىلىققا الا وتىرىپ, دالا وركەنيەتىنىڭ تاريحي كەزەڭدەرىن كەڭىنەن قامتيتىن «ۇلى دالا تۇلعا­لارى» اتتى عىلىمي-كوپشىلىك سەرييا­لاردى شىعاراتىن بولساق, جاستاردىڭ بويىندا ناعىز پاتريوت­تىق تاربيەنىڭ قالىپ­تاساتىنىن بەلگىلى. سوندىقتان فيلمدى ساپا­لى ارى شەتەل ازاماتتا­رىمەن بىرلەسە وتىرىپ تۇسىرۋ – بىزدىڭ عانا ەمەس, شەتەل ازاماتتارىنىڭ دا بىز­دىڭ تاريحي تۇلعالارىمىزدىڭ ەرەن ەڭ­بەك­تەرى جايلى مالىمەتتەر الاتىنى سوزسىز.
ەلىمىز تۇركى حالىقتارىنىڭ قا­سيەتتى قارا شاڭىراعى بولىپ تابىلعان­دىقتان «تۇركى وركەنيەتى: تۇپ تامى­رى­نان قازىرگى زامانعا دەيىن» اتتى جوباسى مەن «دالا فولكلورىنىڭ انتو­لوگيياسىن» جاساۋدى تاپسىرىپ وتىر.
بۇل شارالار وز كەزەگىندە ەلىمىزدىڭ ەر­تەڭى ۇشىن جاسالىپ وتىرعان قۇندى دۇنيە دەپ ەسەپتەيمىن. حالىقتىڭ ۇلى­لىعى – ونىڭ رۋحانيياتىندا. مۇحتار شاحانوۆ ايت­قان­داي: «تاريحتى
بىلمەۋ – تامىرسىزدىق» – دەي كەلە, اربىر ادام وزىنىڭ تاريحي تۇل­عا­لارى مەن ولاردىڭ ەرلىگى تۋرالى ماع­لۇمات­تارعا قانىق بولعان جاعدايدا كەلە­شە­گىمىز كەمەل بولاتىنىنا سەنەمىن.

ەربول بايقونىسوۆ,
«نۇر وتان» پارتيياسى شىمكەنت قالالىق فيليالىنىڭ ساياسي جۇمىستار بولىمى مەڭگەرۋشىسى

بولىسۋ:

پىكىر جازۋ


*