تۇركى الەمىنىڭ كيەلى بەسىگى

271
0
بولىسۋ:

قازاقستاننىڭ تۇڭعىش پرەزيدەنتى نۇرسۇلتان نازارباەۆتىڭ «ۇلى دالانىڭ جەتى قىرى» اتتى جاڭا ماقالاسىن وقىپ, ايرىقشا سەزىمگە بولەنىپ وتىرمىن. مۇنداعى تالدامالىق تاراۋلاردىڭ بارلىعى وتكەن تاريحىمىزدى وياتىپ, ەرتەڭىمىزدى ەڭسەلەندىرەر رۋح قاينارىن شاپشىتادى, كەۋدەمىزدى قۋانىش كەرنەپ, تۇركى الەمىنىڭ پەرزەنتى ەكەندىگىمىزدى ماقتان تۇتامىز.

ماقالانىڭ كيەلى دە قاسيەتتى تالىم تورىمىز تۇركىستانعا ەرەكشە ىلتيپات اۋانىندا جازىلۋى كوڭىلىمدى كوركەيتىپ وتىر. ەلباسى «قازاقتاردىڭ جانە ەۋرازييانىڭ باسقا دا حالىقتارىنىڭ تاريحىندا التايدىڭ الار ورنى ەرەكشە. وسىناۋ اسقار تاۋلار عاسىرلار بويى قازاقستان جەرىنىڭ تاجى عانا ەمەس, كۇللى تۇركى الەمىنىڭ بەسىگى سانالدى. دال وسى وڭىردە بىزدىڭ داۋىرىمىزدىڭ ى مىڭ­جىلدىعىنىڭ ورتا شەنىندە تۇركى دۇنيەسى پايدا بولىپ, ۇلى دالا توسىندە جاڭا كەزەڭ باستالدى» دەگەن سوزدەردى تەرەڭ تولعانىسپەن جەتكىزگەن. مۇنىڭ استارىندا تۇركى الەمىنىڭ تالايلى تاعدىرى مەن گۇلدەنۋ جولدارى كورىنىس تاپقان. وسى ورايدا سوز زەرگەرى, اقىن ماعجان جۇماباەۆتىڭ جىر شۋماقتارى ەسكە تۇسەدى:
تۇركىستان – ەكى دۇنيە ەسىگى عوي,
تۇركىستان – ەر تۇرىكتىڭ بەسىگى عوي.
تاماشا تۇركىستانداي جەردە تۋعان
تۇرىكتىڭ تاڭىرى بەرگەن نەسىبى عوي!
وسى بىر عانا شۋماققا بۇكىل تۇركى حالقىنىڭ تولعانىسى سىيىپ تۇر.
تۇركىستان – تاريحتىڭ تالايىن كورگەن كونە شاھار. مۇندا تۇركىتىلدەس حالىقتاردىڭ وتكەن عاسىرلارداعى سالتى مەن ساناسىن ۇمىتتىرمايتىن جادىگەرلەر ساقتالعان. قوجا احمەت ياcساۋي كەسەنەسى تۇركى جۇرتىنىڭ وتكەنى مەن بۇگىنىن بايلا­نىستىرىپ جاتقان رۋحاني ۇندەس­تىگىنىڭ ورتالىعى ەكەندىگى انىق. مۇندا زييارات ەتۋشىلەر تاسقىنى توقتاعان ەمەس.
ەلباسىنىڭ تاريحي شەشىمىمەن بيىل جاڭا تۇركىستان وبلىسى قۇرىلىپ, كۇللى تۇركى الەمىنىڭ كيەلى بەسىگى سانالاتىن تۇركىستان قالاسى ونىڭ ورتالىعى بولىپ بەكىتىلدى. عاسىرلار بويى كۇللى تۇركى الەمىنىڭ ساياسي ارى رۋحاني ورتالىعى بولعان تۇركىستان قالاسىنا وبلىس مارتەبەسىن بەرۋ قانداستارىمىزدى زور قۋانىشقا بولەدى.

ەگىنباي ابىشەۆ,
بۋراباي اۋدانىنىڭ قۇرمەتتى ازاماتى,
«نۇر وتان» پارتيياسىنىڭ مۇشەسى

بولىسۋ:

پىكىر جازۋ


*