Қан тапсырып, өмір сыйла!

204
5
Бөлісу:

Бүгін Педиатрия және балалар хирургиясы ғылыми орталығында жыл сайын дәстүрлі түрде өткізілетін  «Донор күні» өтті.

Игі шараға орталықтың 80-нен астам қызметкерлері, ақ халатты абзал жандар мен жас дәрігерлер де қатысып, мұқтаж жандар үшін қан тапсырды.
Шараның тұрақты түрде ұйымдастырушысы, клиникалық трансфузиология бөлімінің меңгерушісі Қуаныш Үмбетовтың айуынша, «Қан тапсырып, өмір сыйла!» акциясымен өтетін шара жылына екі рет ұйымдастырылып келеді.
– 20 жылдан бері қан тапсырып келемін. Дәрігер ретінде айтарым – бұл игілікті шараның маңызы зор. Біріншіден, біздің қанымыздың біреуге, осында жатқан балаларға көмегі тиіп қалуы мүмкін. Екіншіден, қан тапсыру денсаулыққа пайдалы. Қан тапсырған адамның ағзасы тазарып, қысымы реттеледі. Қан тапсыруды әр адамның азаматтық борышы деп есептеймін, – дейді тұрақты қан тапсырушы донор, Педиатрия орталығының реаниматолог-анестезиолог дәрігері Гүлжахан Абдулаева.
Шарапаты мол шараға Республикалық қан орталығының мамандары атсалысты.
Биыл «Донор күні» жыл басынан бері осымен үшінші рет ұйымдастырылды. Айта кетерлік жайт, орталықта жылдан-жылға ерікті қан тапсырушылар саны артып келеді.

 

Оқырмандар назарына!

а) қан тапсыру алдындағы 3 күнде донор спирттік ішімдіктер қолданбауы керек;
ә) қан тапсыру алдындағы 1 күнде майлы, күйдірілген, ащы, сүт тағамдары және бутербродтарды пайдаланбауы тиіс;
б) қан тапсыру күнінде темекі шекпеу қажет.

Анар Қоныс

Бөлісу:

5 пікір жазылған

  1. Айганым 11 Желтоқсан, 2018 at 17:56 Жауап

    Сдавать кровь полезно и как раз получается социальноая помощь. только нужно быть здоровым и желательно непьющим

  2. Еңлік 11 Желтоқсан, 2018 at 23:31 Жауап

    Донор болып, қан өткізгеннің сауабы мол. Өйткені, Сіз талай адамның өмірін сақтауға атсалысасыз. Бір адамның өмірін сақтап қалу – үлкен қазына.

  3. ДАМИР 11 Желтоқсан, 2018 at 23:41 Жауап

    Қан тапсыру мейірімді іс! Ақ халатты жандылардың насихаттап жүруі біреуге көмек, зардап шеккендерді аман-сақтап қалу біздің азаматтық ұстанымынан байланысты.

  4. ДАМИР 11 Желтоқсан, 2018 at 23:45 Жауап

    Мен жылда қан тапсырамын деген шешімге келдім. Жалпы 450 мг тапсыру әр ересек адамның денсаулығына пайдалы. Қан жаңарып отырады.

  5. ДАМИР 11 Желтоқсан, 2018 at 23:46 Жауап

    Қан айналып, арттериялардың жұмыс істеуі қалпына келіп, көптеген аурулардан, шалдығулардан аман сақ болып, дер кезінде иммунитетіңіз болады.

Пікір жазу


*