11 қазақстандық Арменияда өтетін сайлауды байқауға аттанады

164
0
Бөлісу:

Қазақстан Республикасының 11 өкілі Армения Республикасының Ұлттық Жиналысы депутаттарының сайлауын байқауға қатысады, деп хабарлайды ҚР Орталық сайлау комиссиясы. Оның екеуі Армения Республикасы Ортсайлаукомының шақыруымен, алтауы – ТМД байқаушылар миссиясының құрамында, екеуі – ТМД Парламентаралық Ассамблеясы желісі бойынша және біреу – ЕҚЫҰ ПА делегациясының құрамында.

Қазақстан Республикасының өкілдері Ереванда, сондай-ақ Армения Республикасының Тавуш және Армавир облыстарында байқауды жүзеге асыратын болады.
2018 жылдың 9 желтоқсанында Армения Республикасында Ұлттық Жиналысқа кезектен тыс сайлауы өтеді. Армения Республикасы Ұлттық Жиналысының депутаттары 1 қарашада арнайы отырыста премьер-министрді екінші рет сайламағаннан кейін өз жұмыстарын тоқтатты. Кезектен тыс сайлауды тағайындау туралы Жарлыққа Армения Президенті ел Конституциясының талаптарына сәйкес қол қойды.

Асқар Алтайұлы

Бөлісу:

Пікір жазу


*