Ұлттық университетте күзгі PR мектебі өтті

464
2
Бөлісу:

Әл-Фараби атындағы Қазақ ұлттық университетінің журналистика факультеті ЮНЕСКО, халықаралық журналистика және қоғамдық медиа кафедрасының ұйымдастыруымен «Коммуникация және медиа: тұрақты даму стратегиясы» атты V Халықаралық дәстүрлі Күзгі РR мектебі өтті.

Шара аясында шетелдік және қазақстандық журналистердің, танымал PR мамандарының шеберлік сыныптары өткізілді. Күзгі мектепке Ауғанстаннан «Aryana TV» телеарнасының  журналисі Rasouli Rostam Homayoon және «Dawar Travel Agency» директоры Dawar Mirwais арнайы келіп, Ауғанстан бұқаралық ақпарат құралдары туралы ақпарат беріп, тәжірибе алмасты. Әл-Фараби атындағы ҚазҰУ Телерадиокешенінің директоры Дәурен Мұхамеджанов телехабарлар жасаудың қыры мен сырын әңгімеледі.
«Kaspi Bank» АҚ баспасөз хатшысы Ербол Азанбек пен банктің ішкі коммуникация жөніндегі маманы Сәуле Мусинаның дәрістері тыңдаушылардың ерекше қызығушылығын туғызды. Блогер, сайт редакторы Айжан Кульмуханбетова, «Кселл» АҚ PR-маманы Салтанат Бердіқұлова, блогер, SMM маманы Жалғас Ертай, ақын, сазгер Бекжан Әшірбаев т.б. 2018 жылдың PR трендтері, Push хабарламаларын жасау, SMM-технологиялар, мультимедиалық контент құру, журналистік білім берудің бүгіні мен ертеңі тақырыптары бойынша дәріс оқып, тәжірибелерімен бөлісті.


Күзгі мектеп аясында өткізілген дәрістер барысында І. Жансүгіров атындағы Жетісу мемлекеттік университетінің, Л.Н. Гумилев атындағы Еуразия ұлттық университетінің, әл-Фараби атындағы Қазақ ұлттық университетінің студенттері мен магистранттары PR мамандығы, қаржы саласындағы PR, баспасөз хатшысының қызметі, видеоконтент жасау, әлеуметтік желідегі жұмыс т.б.  туралы мол мағлұмат алды. PR, маркетинг саласындағы жаңа технологиялармен танысты. Қазақстанның PR-нарығындағы трендтер туралы білді. Екі күн бойы журналистермен, PR- мамандарымен тікелей жүздесіп, қызықты кейстер мен мазмұнды дәрістер тыңдаған мектеп қатысушылары ерекше әсер алғандарын жасырмады.

А.Алтайұлы

Бөлісу:

2 пікір жазылған

  1. ДАМИР 10 Желтоқсан, 2018 at 00:59 Жауап

    Болашақ журналистер! Әль-Фараби атындағы ҚазҰУдағы журналистика факультеті мықты қазақтілді мамандарды даярлайды. Кейбір қоғам қайраткерлердің журналистикаға 4 жыл бойы оқу міндетті емес. Тәжірибе маңызды деп айтып жатыр.

  2. Еңлік 10 Желтоқсан, 2018 at 23:57 Жауап

    Журналистика факультетінде оқитын болашақ журналистерге мұндай тәжірибе алмасу ауадай керек. Өзім де журфактың түлегімін. Бүгінгі таңда лекциялық сабақтардан гөрі, осындай кездесулер есімде көп қалыпты. Және журналистік еңбек жолында үлкен септігін тигізді.

Пікір жазу


*