ДДСҰ мәліметінше, коронавирустан қайтыс болғандар бойынша әлемде тіркелген өлім саны өткен аптада 4 пайызға өскен. Бұл туралы ABC News арнасы хабарлады.
Өткен аптада вирус жұқтырудың шамамен 3,2 млн жаңа жағдайы тіркелді. Бұл қаңтар айындағы ең жоғары көрсеткішпен салыстырғанда біршама төмен. Алайда кейбір аймақтарда инфекцияның таралуы айтарлықтай өскен. Мысалы, коронавирус жұқтырғандар саны Таяу Шығыста 58 пайызға, ал Оңтүстік-Шығыс Азияда 33 пайызға артқан.
