2018 جىلى مەديتسينالىق ساقتاندىرۋ قورىنا 133 ملرد تەڭگە تۇستى

363
0
بولىسۋ:

وتكەن جىلدىڭ جەلتوقسان ايىندا مەديتسينالىق ساقتاندىرۋ قورىنا 10,4 ملرد تەڭگەدەن استام جارنا تۇستى. بۇل تۋرالى «الەۋمەتتىك مەديتسينالىق ساقتاندىرۋ قورى» كەاق باسپاسوز قىزمەتى حابارلادى.

حابارلاماعا سۇيەنسەك, جۇيە ىسكە قوسىلعان 2017 جىلدىڭ 1 شىلدەسىنەن 2018 جىلدىڭ 31 جەلتوقسانىنا دەيىنگى ارالىقتا جيناقتالعان جارنانىڭ جالپى سوماسى 133 ملرد تەڭگەنى قۇرادى.

ونىڭ 124,3 ملرد تەڭگەسى (شامامەن 93,5%) جۇمىس بەرۋشىلەردىڭ اۋدارىمدارى بولسا, قالعان 8,7 ملرد تەڭگە (6,5% جۋىعى) – جەكە كاسىپكەرلەر مەن ازاماتتىق-قۇقىقتىق كەلىسىمشارت نەگىزىندە ەڭبەك ەتەتىن تۇلعالارعا تيەسىلى.

ايماقتىق تۇرعىدان العاندا, جارنا تولەۋ جاعىنان بۇرىنعىشا الماتى, استانا قالالارى مەن قاراعاندى وبلىسى كوش باستاپ تۇر.

ەستەرىڭىزگە سالا كەتسەك, جيناقتالعان قارجى ۇلتتىق بانكتە ساقتالادى. بولاشاقتا مامس پاكەتى شەڭبەرىندەگى قىزمەتتەر اقىسىن تولەۋگە جۇمسالادى. ەلىمىزدىڭ باس بانكىمەن قارجىنى سەنىمگەرلىك باسقارۋ تۋرالى كەلىسىم بەكىتىلگەن.

«ايقىن» اقپارات

بولىسۋ:

پىكىر جازۋ


*