تىرشىلىكتىڭ تال بەسىگى

946
0
بولىسۋ:

قازىعۇرت – ەجەلدەن تىرشىلىكتىڭ تال بەسىگى تانىلعان قاسيەتتى مەكەن. سونداي كيەلى جەردىڭ تانىمالدىعىن ارتتىرۋ ماقساتىندا, قازىعۇرت تاۋىنداعى «اقبۋرا اۋليە», تۇربات اۋىلىنداعى «ىسمايىل اتا», التىنتوبە ەلدى مەكەنىندەگى «قىرىققىز» سەكىلدى جەرلەردى تۋريزم ۇشىن قولايلى ەتۋ باعىتىندا ناقتى جۇمىستار ­اتقارىلۋ­دا. بۇل تۋرالى قازىعۇرتتىڭ بەلسەندى جاستارىنىڭ قاتىسۋىمەن «رۋحاني جاڭعىرۋ» باعدارلاماسى اياسىندا وتكەن «تۋعان جەرگە تاعزىم ەتەيىك» اتتى پىكىر الماسۋ شاراسىندا «نۇر وتان» پارتيياسى قازىعۇرت اۋداندىق فيليالى توراعاسىنىڭ بىرىنشى ورىنباسارى قوجاحان ابىلقاسىم ايتىپ بەردى.

«نۇر وتان» پارتيياسى قازىعۇرت اۋداندىق فيليالى عيماراتىندا پارتييانىڭ رەسپۋبليكالىق جەلىلىك كەستەسىنە سايكەس بەلسەندى جاس­تار­دىڭ قاتىسۋمەن «رۋحاني جاڭعى­رۋ» باعدارلاماسى اياسىندا «تۋعان ­جەر­گە تاعزىم ەتەيىك» اتتى جاستار ­ارا­سىندا وزارا پىكىر الماسۋ بويىنشا ىس-شارا وتتى. ىس-شارانى «جاس وتان» جاستار قاناتىنىڭ توراعاسى ساعي قىپشاقباەۆ جۇر­گىزىپ وتىردى.
ايتا كەتۋ كەرەك, بەلسەندى جاس­تاردىڭ باسىن قوسقان شاراعا «نۇر وتان» پارتيياسى قازىعۇرت اۋدان­دىق فيليالى توراعاسىنىڭ بىرىنشى ورىنباسارى ابىلقاسىم قوجاحان, اۋداندىق ماسليحات دەپۋتاتى ەر­عالي امانقۇلوۆ, اۋداندىق پارتييا فيليالىنىڭ كونسۋلتانتى, پارتييالىق باقىلاۋ كوميسسييا­سىنىڭ مۇشەسى اليشەر قادىر­قۇلوۆ, اۋداندىق جاستار رەسۋرستىق ورتالىعىنىڭ ينسپەكتورى, اي­ماقتىق «جاس وتان» جاستار قانا­تىنىڭ توراعاسى ساعي قىپشاق­باەۆ, «جاس وتان» جاستار قاناتى­نىڭ بەلسەندى مۇشەسى, «جىگەرگەن جاقۇتتار» پىكىرسايىسشىلار ۇيى­مىنىڭ نەگىزىن سالۋشى قايرات اق­تورە, اۋداندىق «كيەلى قازى­عۇرت» گازەتىنىڭ باس رەداكتورى سەر­جان مامبەتاليەۆ جانە جاستار وكىلدەرى قاتىستى.
باسقوسۋدا سوز العان «نۇر وتان» پارتيياسى قازىعۇرت اۋدان­دىق فيليالى توراعاسىنىڭ بىرىنشى ورىنباسارى قوجاحان ومىربايۇلى «تۋعان جەرگە تاعزىم ەتەيىك» اتتى بايانداماسىندا قازىعۇرتتىڭ ەجەلدەن تىرشىلىكتىڭ تال بەسىگى دەپ تانىلعانىن جانە سونداي مەكەندە ومىر سۇرىپ جاتقانىن ماقتان ەتەتىنىن تىلگە تيەك ەتە كەلە:
«قازىعۇرت – بىزدىڭ تۋعان جە­رىمىز. قازىعۇرت اۋدانى بۇگىنگى تاڭ­دا قارقىندى دامۋ ۇستىندە. اۋداننىڭ 13 اۋىل وكرۋگىندە 64 ەل­دى مەكەن بار. 108 مىڭنان استام حالقى بار. اۋدانىمىزدا 12 ۇلت وكىلى تاتۋ-تاتتى عۇمىر كەشۋدە. بۇگىنگى تاڭدا وبلىستا «تۋعان جەر» ارنايى جوباسى نەگىزىندە 50 جوبا دايىندالىپ, 153 ىس-شارا جۇزەگە اسىرىلۋدا. سونىڭ بىرەگەيى بىزدىڭ اۋداندا دا جۇزەگە اسىرىلىپ جاتىر. تۋعان جەردىڭ تانى­مال­دى­عىن ارتتىرۋ ماقساتىندا, قازىعۇرت تاۋىنداعى «اقبۋرا اۋليە», تۇربات اۋىلىنداعى «ىسمايىل اتا», التىنتوبە اۋىلىنداعى «قىرىق­قىز» سەكىلدى جەرلەردى تۋريزم ۇشىن قولايلى ەتۋ باعىتىندا ناقتى جۇ­مىستار اتقارىلىپ جاتىر. وتكەن جىلى قازاقستاننىڭ «100 جاڭا ەسىم» جوباسىنا بىزدىڭ اۋدانى­مىزدىڭ تۋماسى, جەكە كاسىپكەر سىرىم ەرتاەۆ كىردى. بۇل دا بىز ۇشىن ۇلكەن جەتىستىك», – دەدى.
قوجاحان ومىربايۇلىنىڭ ايتۋىنشا, بۇگىنگى تاڭدا اۋداننىڭ الەۋمەتتىك-ەكونوميكالىق جاع­دايى جاقسارىپ كەلەدى. ماسەلەن, اۋداندا جىل سايىن «نۇرلى جول» باعدارلاماسى, جەرگىلىكتى جانە وڭىرلىك بيۋدجەت ەسەبىنەن جاڭا مەكتەپتەر, سپورت الاڭشالارى بوي كوتەرۋدە. كاسىپكەرلىك, اۋىلشارۋا­شىلىق باعىتتارى دا قارقىندى دامۋدا.
«اۋدان حالقىنىڭ تۇرمىسى تۇزەلىپ كەلەدى. بىزدىڭ مىندەتى­مىز – وسى ەلدىڭ, وسى جەردىڭ ازا­ماتى رەتىندە, وزىمىزدى, ۇرپاعى­مىزدى تۋعان جەردى قاستەرلەپ, قۇرمەتتەۋگە ۇيرەتۋ. بىرلەسە كو­تەرگەن جۇك جەڭىل. سول سەبەپتى بار­شامىز بىرلەسە وتىرىپ, تۋعان جە­رىمىزدى قازىرگىدەن شارىقتاپ دا­مىتۋعا, گۇلدەنىپ-كوركەيتۋگە اتسا­لىسۋعا شاقىرامىن» دەپ سوزىن قورىتىندىلادى ول.
ىس-شاراعا قاتىسۋشىلار تارا­پىنان تۋعان جەر تۋرالى قۇندى وي-پىكىرلەر ايتىلىپ, جاستاردى جۇمىلدىرا وتىرىپ تۋعان جەرگە ساياحات ۇيىمداستىرۋ جونىندە ۇسىنىستار جاسالدى. اۋداندىق ماسليحات دەپۋتاتى ە.امانقۇلوۆ ۇسىنىستى قولداي وتىرىپ, الداعى ۋاقىتتا وسى باعىتتا جاستار مەن جاسوسپىرىمدەرگە ارناپ, تۇربات اۋىلىنداعى «ىسمايىل اتا» كە­سەنەسىنە ارنايى ساياحات ۇيىم­داس­تىرۋدى ماقسات ەتىپ وتىرعانىن جەتكىزدى. ول سونداي-اق بارلىق جاستاردى وسى ىس-شاراعا بەلسەنە قاتىسۋعا شاقىردى.
«تۋعان جەرگە تاعزىم ەتەيىك» تاقىرىبىندا وتكىزىلگەن ىس-شارا بارىسىندا جاستار وزدەرى ۇشىن ماڭىزدى بولعان اقپاراتپەن تانى­سىپ, وز ۇستانىمىن بىلدىرىپ, زا­مان­داستارىن تۋعان جەرىنىڭ ناعىز پا­تريوت ازاماتتارى بولۋعا شاقىردى.

تەلمان بەيسەن, تۇركىستان وبلىسى

بولىسۋ:

پىكىر جازۋ


*