مۇعالىم مارتەبەسىن تالقىلادى

741
0
بولىسۋ:

تۇركىستاندا «جاس وتان» جاستار قاناتى تۇركىستان وبلىستىق فيليالىنىڭ ۇيىمداستىرۋىمەن «ۇرپاق­تار ساباقتاس­تىعى» جوباسى اياسىندا «ۇستاز – ۇلاعاتتى ەسىم» اتتى جيىن وتتى.

تۇركىستان قالالىق بىلىم بو­لىمىنىڭ قىزمەتكەرى جانسايا شو­رابەكوۆا جاستارمەن جۇزدەسۋىندە جاستار جىلىندا اتقارىلۋى تيىس ماسەلەلەردى تالقىلادى. اسىرەسە, ەلباسىنىڭ «قازاقستاندىقتاردىڭ ال-اۋقاتىنىڭ وسۋى: تابىس پەن تۇرمىس ساپاسىن ارتتىرۋ» جول­داۋىن كەڭىنەن تالدادى.
اتاپ ايتقاندا, پەداگوگتار مار­تەبەسى تۋرالى, الەۋمەتتىك جە­ڭىلدىكتەر, نەگىزسىز تەكسەرىستەردى ازايتۋ, مۇعالىمدەرگە قۇزىرەتىنە جاتپايتىن قوعامدىق جۇمىستاردى جۇكتەمەۋ پروبلەمالارى تالقى­لاندى. جاسوتاندىقتار جاستار جىلىن پەداگوگتار مارتەبەسىنىڭ ارتۋىنا ۇلەس قوسىپ, ولاردى ۇلىقتاۋمەن باستادى. «جاس وتان» جاستار قاناتىنىڭ تۇركىستان وبلىستىق فيليالىنىڭ تورايىمى جۇلدىز الماسقىزى پەداگوگتار مارتەبەسىن كوتەرۋگە بارلىعىمىز اتسالىسۋىمىز كەرەك دەگەن ويىمەن بولىستى. «بالانىڭ جەكە تۇلعا بولىپ قالىپتاسۋىنا, قييالىنا قانات بىتىرىپ, رۋحىن تاربيەلەۋدە اتا-انامەن قاتار, مۇعالىمدەردىڭ دە ۇلەسى ەرەكشە. قاي زاماندا بولماسىن, پەداگوگتار قاۋىمىنىڭ مارتەبەسى بيىك. ەلباسى «قازاق­ستاندىقتاردىڭ ال-اۋقاتى وسۋى: تابىس پەن تۇرمىس ساپاسىن ارت­تىرۋ» اتتى جولداۋىندا جوعارى بىلىم بەرۋ تۋرالى جانە پەداگوگ مارتەبەسى جايىندا بىر­قاتار ماڭىزدى مىندەتتەردى اتاپ وتتى. اتاپ ايتقاندا, بيىل «پەداگوگ مارتەبەسى تۋرالى» زاڭ قابىل­دا­نادى. بۇل – قازاقستاندىق ۇستازدار قاۋىمىنىڭ قوعامداعى بەدەلىن ارتتىرىپ, ورنىن ايشىقتاۋعا زور قادام بولماق. بىزدى جاستارعا بىلىم بەرۋگە ايرىقشا كوڭىل بولىنۋى ەرەكشە قۋانتتى», – دەدى جۇلدىز الماسقىزى.
جيىندا جولداۋدا ايتىلعان نەگىزگى ماسەلەلەردىڭ قاي-قايسىسى دا وزەكتى ەكەنى جان-جاقسى تال­قىلاندى. راسۋل ەسەتوۆ اتىنداعى №20 مەكتەپتىڭ قازاق تىلى پانىنىڭ مۇعالىمى: «قاي زاماندا دا قوعام پەداگوگ مارتەبەسىنە سەلقوس قارا­ماعان. ويتكەنى ۇستاز – ۇلدى عانا ەمەس, تۇتاستاي ۇلتتى تاربيەلەۋشى. ۇلى اقىن اباي قۇنانبايۇلى «ادامنىڭ ادامگەرشىلىگى جاقسى ۇستازدان بولادى» دەگەن سوزىن
بالا كەزدەن سانامىزعا سىڭىردىك. ەندى بالالاردى دا وسى تۇرعىدا ­تار­بيەلەپ كەلەمىز. «پەداگوگ مارتەبەسى تۋرالى» زاڭدى ازىر­لەپ, قابىلداۋ قاجەت دەپ سا­نايمىن. بۇل قۇجات مۇعالىمدەر مەن مەكتەپكە دەيىنگى مەكەمە قىزمەتكەرلەرى ۇشىن بارلىق يگىلىكتى قاراستىرىپ, جۇكتەمەنى ازايتۋعا, جونسىز تەك­سەرىستەر مەن مىندەتتەن تىس فۋنك­تسييالاردان اراشالاۋعا تيىس» دەگەن ويىن ورتاعا سالدى.
جيىنعا قاتىسۋشىلار ەلبا­سىنىڭ: «بولاشاقتا ەڭبەك ەتىپ, ومىر سۇرەتىندەر – بۇگىنگى مەكتەپ وقۋشىلارىن مۇعالىمدەر قالاي تاربيەلەسە, قازاقستان سول دەڭ­گەيدە بولادى» دەگەن تاپسىرماسىن وڭىردە ىس جۇزىندە ىسكە اسىرۋ ۇشىن قوعامنىڭ بارلىق مۇشەسى بەلسەندى اتسالىسۋ كەرەگىن ايتتى.

مايرا جانىسباي

بولىسۋ:

پىكىر جازۋ


*